Monday, April 14, 2008

ياليلة بيضا


ياالف ليلة بيضا

ورد عليه..فل عليه

عقبال عندكم جميعا...عقبال انجالكم..يعني اولادكم لغير الناطقين بالعربية


لولولولولوللييييييييييييييييييييييييي

لولولولولولولييييييييييييييييييييييييييي


يادبلة الخطوبة عقبالنا كلنا..ونبني طوبة طوبة في عش حبنا

نتهنى بالخطوبة ونقول من قلبناااااااااا..يادبلة الخطوبة عقبالنا كلنا

ياصورة في الخيال متغبش عننا..بداية الامال وعز فرحنا

شبكنا بدبلته وقرينا فاتحته وعرفنا نيته وغلاوته عندنا

يادبلة الخطوبة عقبالنا كلناااااااااااا



القلب طب في حب شاب..الشاب حب وراح خطب

ما الشابة حتة سكرة..ضفايرها محدوفة لورا

وشعرها لون الدهب..الشاب شاف فيها العجب..شيع لناس وراح خطب

ما الشابة حتة سكرة..الشابة حتة سكرة..سكرة... سكرة

القلب نور من الشمال ومن اليمين...لما انسقى من نظرتين..من نظرتين ولون العين بالحنين



هات عصير هنا يا ابني للناس دي...وانتي هاتي حاجة حلوة للناس الحلوين دول يحلوا بقهم...يا الف ليلة بيضا...الله يبارك فيكم..عقبالكم كدة ان شاء الله


اول مرة من فترة طويلة اشوفك فرحانة كدة واشوف لمعة عينك الي بقالها كتير مختفية...اول مرة من فترة طويلة اشوفك بتضحكي من قلبك...ولما بتكلميه وشك بيحمر زي الطماطم....حاساكي رجعتي تاني زي اول ما عرفتك

لو اي حاجة وحشة حصلت زمان عايزاكي تنسيها كأنها محصلتش اصلا...ولو اي حد جرحك عايزاكي تسامحيه...وتبصي قدام..لأن الي جاي اكيد هيكون احلى بكتير من الي راح ان شاء الله


ومش عايزين القلب يفضل يحترق كدة كتير...غيري الشعار في المرحلة الجاية والنبي يا اختشي..خليه مثلا القلب البمبة..القلب التركواز منقط بمبمة مثلا...او القلب الاخضر الكاروهات..حاجة كد يعني...لحسن الواد يتخض ويطفش


بحبك قوي وانتي عارفة...والف مبروك قلتها ولسة هقولها تاني...وكان نفسي ابقى معاكي بس انتي طبعا مقدرة ظروفي الصعبة جدا...واعملي حسابك اني هبقى قاعدة على قلبك في الفرح..جاية يعني جاية

:)

8 comments:

ابو على said...

ههههههههههههههههه
يا نجاتشى انفخ البلالين عشان عيد الميلاد:>
يلا الف مبروك واللهى فرحتلها من قلبى
قوليلى الفرح فين وانا اوعدك انى هارقص واغنى واقووووووووول:>
وانا حمص حمص يا حلاوه اخر عفرته كلى شقاوه
يلا ربنا يجعل الفرح دايما منور بيوتكو

Tamer Nabil Moussa said...

الف الف الف مبررررررررروك

الفرح سعادة
ربنا يوفقك


تحياتى

simply me said...

الف الف مبروك
وعقبالك
:)

Anonymous said...

ساقول كلمة











الف الف مبروك

Anonymous said...

ساقول كلمة











الف الف مبروك

دكتور مستكنيص said...

الف مبرووووك وربنا يتملها علي خير يارب

basma saghir said...

ابو علي
الله يبارك فيك...وعقبالك كدة لما ننفخلك البلالين :)

تامر نبيل
الله يبارك فيك يارب..عقبالك

بندقة
وعقبالك يابندقة..ربنا يكرمك


محمد كمال
الله يبارك فيك

دكتور مستكنيص
فينك يا دكتور من زمان...الله يبارك فيك وعقبالك

ابو على said...

منفوخه وحياتك دى عايز دبوس بس عشان بس تفرقع