Sunday, April 8, 2007

كلام في كلام..ابن عم حديث


احب ان اكون بمفردي لساعات..ولكن عندما تتحول تلك الساعات الى ايام وشهور..لا اكون ممتنة جدا لتلك الوحدة..
اكتشفت مؤخرا اني افعل كل شئ بمفردي.أأكل بمفردي..اخرج بمفردي..احضر محاضراتي بمفردي...لم يعد ينقصني الا ان اتكلم بمفردي,,وهي تحصل احيانا ولم اعد استغربها...تلك الحياة الوحيدة اكرهها

حتى عندما استطيع اخيرا ان اشارك احد ما مخاوفي وا حلامي او حتى تخاريفي وخزعبلاتي واشعر اني اتحدث فعلا مع اشخاص حقيقين.تأتي تلك النظرة في عيونهم و التي اعرف بها انهم يتابعونني بنصف عقل فقط ...تجدد ذلك الاحساس بالوحدة وتشعرني بأني اكبر ثرثارة خلقها الله واقرر ان اصمت قليلا واستمع كثيرا...ادركت اخيرا ان جعل الناس يتكلمون اسهل من جعلهم يصمتون وينصتون...استمع اليهم واحاول ان اكون بكل عقلي معهم..فلا فائدة ترجى مني بنصف عقل..فأنا بالكاد ادبر اموري بعقل كامل

بين قيامي ببعض الامور وحدي..وبعض الامور الاخرى وحدي ايضا...ومرور الايام...اكتشف بشاعة ان اكون وحدي..فلا احد يعاتبني ولا احد يطالبني بفعل شئ..ولا احد يهتم بمعرفة جدول محاضراتي....بين ان اكون وحيدة وان اكون وحيدة جدا....تنحصر خياراتي...يافرحة قلبي

افكر في اقامة حفلة لاضافة بعض الاصوات الى عالمي الصامت...حفلة بدون مناسبة..من قال اني اؤمن بأن سعادة الانسان يجب ان تكون بمناسبة...هي حفلة وكفى...اعددت قائمة من المدعويين في عقلي.. وبدأت في الاتصال بهم لاتأكد من امكانية حضورهم من عدمها...ولكم اندهشت من كم الاشغال والمهمات الملقاة على عاتقهم...من عمل ومذاكرة واعمال منزلية..الخ..الخ...كم اكره تلك الاعذار وذلك التهرب... ومرة اخرى تنحصرخياراتي بين البقاء بمفردي وبين البقاء بمفردي..وهي خيارات عديدة كما ارى

احاول اقناع نفسي بأن لا احد يمكن ان يفهمني مثلي.... ولا احد بامكانه ان يساعدني مثلي...ولا احد يستطيع اضحاكي بدعابته الحاضرة مثلي...انظر في المراة واوقن اني في الطريق الصحيح الى الجنون لا محالة..أو أصابني فيروس الغرور على اقل تقدير

حقا لا اريد ان تسئ الوحدة فهمي فأنا اقدرها بحق ولكني اقدر لها ان تتركني لحالي في بعض الاوقات...اريد بعض الصحبة وبعض الضجيج المتواصل...اريد من يزعجني في تليفوني المحمول لانهم افتقدوني مع انه لم يمر على فراقي لهم اقل من ساعة...اصبحت اكره لا مبالاتي...وان لاشئ اصبح يثير اهتمامي...ولكن اكثر مايفزعني ان اصبح كائن وحيد ومنعزل..وان لا استطيع بعد ذلك ان اتعامل مع العالم من حولي...ان اتحول في يوم من الايام الى تلك العجوز الفظة التي لا تطيق الناس وثرثرتهم وتفضل ان تترك وحيدة مع قططها...مثل طنط وفاء جارتنا في بيتنا القديم...اخاف ان اتحول الى جدو وفاء كما كانت لوزة تطلق عليها

اريد ان ابكي واضع كل وحدتي وفراغي ومخاوفي وكوابيسي التي اصبحت تهاجمني بشكل دائم في تلك الدمعات واطردهم خارجي بلا رجعة..ان كان شئ كهذا في الامكان


حتى ما اكتبه اشعر بأنه اصبح ماسخ بلا طعم وبلا رائحة وبلا روح

23 comments:

zordeak said...

بجد الله عليكى


عارفة لما تلاقى حد فتح قلبك واتكلم عن اللى جواك

انا ساعات كتير بحس بالوحدة بالشكل ده

ولو كنت هتكلم عنها كنت هتكلم زيك كده

اسلوبك المرة دى حلو اوى


وتعبيراتك كلها تحفة

بجد يا بيسوو
اهنيكى


وارفع القبعة

:)

محمد عـنـانـى said...

بجد انت محتاجه تزور العياده بتاعتى
مش هاخد منك اى اتعاب
هههههههههههه
الوحده قالته هكذا قالو فى المثل
اخرج كلامى الناس شاركى الناس افرحهم احزنهم مش كده ربنا يعزك
تحياتى

قلب يحترق said...

مش عارفة ايه حكاية المدونين
وهقولك زي ما قلت لابراهيم
لو نص أدبي يبقي جميل جدا . بس بجد لو ده احساسك الحقيقي فأنا بطلب منك انك تسامحيني لو مقصرة معاكي بأي صورة من الصور والله يا بسمة بجد اتدايقت جدا انك في الحالة دي وان شاء الله نحلها سوا ربنا يسعدك

Unknown said...

بسوم
البوست ده ضايقنى جدا لأنه إحساسك الحقيقى

الوحدة فعلا قاتلة والأوحش منها لما تكونى وحيدة وفى ناس حواليكى كتير

كان فى حكمة سمعتها قبل كدة بتقول

إستوحش مما لا يدوم معك وإستأنس مما لا يفارقك

ربنا معاكى على طول فأنسى بيه

" إذا إستأنس كله حبيب بمحبوبه فأنس أنت بالله "

ربنا يملى عليكى حياتك بالخير ويرزقك من فضله ، وربنا ما يحكم على حد بالوحدة ابدا يارب

اللهم امين

بحبك فى الله فوق ما تتصورى يا بيسو

Anonymous said...

يابنت عندك كام سنه ع الكلام دا

تؤ

كبرى دماغك ؤمال وعيشى الحياه وفرفشى

وبعدين لا تستهينى باللى بتكتبيه هنا لانه ممكن يغير مسار الحياه لاى حد ف يوم ما

ف صحتك

إبـراهيم ... said...

يااااااااااه يا بيسو ، شعرت بالوجع لأجلك أكثر يا صديقتي !!!! .....

أنا آآآسـف أن جعلك كلامي تكتبين هـذا، وإن كنت أشكره لإعلامي بذلك أيضًا من جهـة أخرى ! .....

هذه المـرة أشعر أين أرد على نفسي ، لأقول لكِ يا صديقتي بإمكاننا أن نكون مـعًا ..... ،
وعلى رأي هبـة ، هنمشيـهــها نص أدبي

.
.
خااالص تحيااااااتي

وبجد إنتي مش لوحدك ـ على الأقل الآن ـ

basma saghir said...

احمد زوردياك
الكلام ده كتير عليا قوي..بجد يعني
ومش عارفة اقلك ايه..انت الي عنيك حلوة علشان كدة شفت الكلام حلو

محمد العناني
قلي انت بس على العنوان وهتلاقيني عندك على طول..طبيب اسنان حضرتك :)

هبة
ده احساسي في نص ادبي..ومفيش حاجة اسامحك عليها يابنتي وصدقيني مفيش تقصير من اي نوع ده التقصير يمكن يكون مني انا..وهو اكيد مني انا

انسانة
هو احساس صعب بس بحاول اتكيف..ربنا معايا على طول ياسيمو..ماليش غيره اصلا
وانا بحبك اكتر وربنا يعلم

gohst
مش مهم السن صدقني..وبعدين انا حاولت اكبر دماغي اكتر من مرة ابص الاقيها بترجع تصغر تاني..معتقدش ان كلامي ممكن يأثر في حد غيري

ابراهيم
ياملهمي..متتأسفش خالص خالص..زي ماتحب نمشيها نص ادبي وماله :)

Reema said...

رغم ان تعبيراتك جميلة وكلامك معبر وحاسة بيه
لكن مش عارفة اقولك انه عاجبني
ومش عايزة اقولك انه حلو لاني حاسة انك في الحالة دي وبتعيشيها
مهما عبرتي عنها ببلاغة في كتابتك حاقولك ياريت ماتكتبيها تاني ولا تحسي بيها تاني

بيسوو انت مش لوحدك ابدا ابدا ياريت تكون دي حالة مؤقتة وتعدي

سلاماتي ليكي ياجميلة

Tamer Nabil Moussa said...

ياة على الوحدة اصعب احساس وشعور يتحط فية الانسان


مفيش واحد منا اللى وضاق منها وعاش بيها وفية لسة اللى عايش بيها زى ما يكون اتعود عليها

وان ساب الوحدة هيحس بكارثة

تحياتى

قصاقيص said...

فضلت فترة كبيرة وانا بعاني من نفس مسرحية الوحدة الممله دي بحاول أقنع نفسي بمبررات "برنارد شو" لوحدته وإعتزازه بيها...إكتشف إني بكدب علي نفسي.....لأني حتي ماقدرتش أقنع نفسي بغرور "برنارد شو" يمكن كنت إرتحت
حاولت أوصل كل الأسلاك المقطوعة ..لكن فشلت
تعرفي ليه؟!!؟.......إكتشفت إن كل واحد فينا ادمن وحدته....بقت هي القانون عنده وأصبح غيابها نوع من الخلل والصخب الغير مألوف
يمكن ده مرض العصر الجديد...ويمكن هو شئ متأصل فينا بس بنكتشفه في وقت معين
.........متأخر شوية
والله بجد ومش مجاملة أنا لما قريت البوست عجبني بشكل غير عادي......حسيت كده وكأنه بيتكلم عني
تحياتي

بسمه عبدالباسط said...

تعرفى أنى بمر بكل اللى أنتى بتقولية ده وزيك بالظبط خايفة لا من كتر الوحدة أضايق لو الناس بقوا حواليا ومعرفش اتعامل معاهم
لكن المهم أننا قادرين نتكم ونكتب وده بيكون حل مؤقت للى أحنا فيه
أنتى شبهى قوى أو أنا اللى شبهك مش فارقة

قاسم أفندي said...

كلمات رائعة كالعادة يا ملكة الرومانسية
بس بصي بقي طالما الموضوع شخصي ومش مجرد نص أدبي يعني
بلاش الرومانسية الفياضة في مشاعرك دي أو الحساسية الزيادة دي عشان كده هتتعبي اوي بجد
وبعدين يا ستي احنا هنا أهو أنا والشباب اللي زي الفل فوق دول كلهم بنسمعلك
أحنا مش كفاية يعني؟
اه كنت هانسي السطر الوحيد اللي معجبنيش في البوست كله اخر سطر
تحياتي

Anonymous said...

بيسوو كنت عم بعمل سيرش في جوجل على أشياء عشوائية فلقيت مدونتك ، وقعت عيني على هاد البوست ولقيت حالي عم بقرأ فيه.

بتعرفي ؟ ما دام عندك هاي القدرة على التعبير والكتابة فتأكدي انك لا يمكن تضلي وحيدة لأنك حتلاقي كتير ناس يسمعوك ويفهموك ويكونوا معك
:)

أحيانا كتير الانسان بحتاج فترة يكون فيها وحيد لحاله .. من غير صوت و ناس و من غير حتى ما يفكر ...
بس هاي الفترة ما لازم تطول و ما لازم نسمحلها تاخدنا معها لبعيد .

Good Luck ya 3asal :)

كلبوزة لكن سمباتيك said...

كلنا مرينا بالعور اللي انت عبرتي عنه بدقة واحساس
كنا وقتها شايفين ان الوحدة خير من رفيق السوء
و بعد فترة نزهق و ننزل نندمج في وسط كل الناس الحلو و الوحش و بنكتشف تاني ان الوحدة كانت احسن

بس بنطلع من الزحمة دي باشخاص يتعدوا على الصوابع ممكن نفضفض معاهم


تحياتي ليكي يا جميلة

VEЯŎ said...

hya 2eah 2l 7kaya kol 2l nass malha zh2et we m3ndhomsh 2mal wkman mokt2baaa leah ?????

Reemo said...

كتير بنبقى حوالينا ناس كتير لكن بنحس اننا لوحدنا
من كتر احساسنا ده بتتحول الوحده من حوالينا لجوانا
لدرجه ان راحتنا بعد كده بتبقى فى وحدتنا
وقرب الناس بيبقى حمل تقيل عايزين نتخلص منه باى شكل
بيسوو احساس الوحده ده طبيعى مفيش حد مش بيحس بيه
بس الخوف لو استمر وبقى ده الطبيعى
ساعتها بجد بيبقى حاجه وحشه اوى
انا شاء الله بكره يبقى احسن

basma saghir said...

ريما
ربنا يكرمك..صدقيني هحاول

تامر
انا بقى مش عايزة اوصل للمرحلة دي

قصاقيص
الظاهر ان الحالة اتأخرت قوي لدرجة ان المألوف اختلف عندنا وبقى صخب الحياة الطبيعي شئ مش طبيعي بالنسبة لنا

بوس بوس
ياستي..انا شبهك انتي شبهي مش هتفرق كتير..المهم اننا فينا من بعض

قاسم افندي
ملكة رومانسية ايه بس..كفاية بقى لحسن اصدق واتغر
وبعدين ياسيدي انت والشباب الي فوق والشباب الي تحت على راسي من فوق..
وسايب البوست كله وجاي على السطر الاخراني ومش يعجبك

حلا
سعيدة جدا ان احساسي وصلك..ومعاكي حق الفترة لما بتطول بتبقى بايخة

سمباتيك
هما دول الاشخاص الي اتمنى الاقيهم..وصدقيني الوحدة زي ماليها عيوبها ليها مميزاتها وحسناتها

vero
اصل النكد تسرب الى الارواح بعيد عنك

ريمو
انا كل خوفي انه يبقى طبيعي..والنهاردة ابقى مسستنكرة وبكرة اكون في قمة الرضا..أن شاء الله بكرة احسن

متغيرة شوية said...

ساعات بيبقى صعب للواحد انه يعل أصدقاء لأنه عايز كل حاجة تبقى مثالية..عايز يصاحب ناس مفيهمش حاجة وحشة..
لكن اعتقد انك محتاجة تدخلي جوا العالم وتصاحبي كل شالخصيات لغاية متلاقي الناس اللي تستحق تصاحبك بجد

بس بيني وبينك بقى ، الوحدة مش وحشة قوي .. ساعات بتبقى أحسن ميت مرة

tearwhispers said...

الله عليكى يا بيسو
بجد اسلوبك رائع
احزننى انك فى هذه الحالة
و ان كنت انا ربما فى حال اسوأ
الوحدة شىء سىء يكرهه الكثيرون و لكن الاسوأمنه الاختلاط بمن هم فقط على شاكلة البشر و لكن ربما كانت الحيوانات افضل منهم
ربما كانت الوحدة مملة
و لكنها على الاقل ليست جارحة
على فكرة صورة البوست عجبتنى جدا
ربما كانت حقا طريقة للخلاص من المعاناة الدائمة فى عالم حالك

Eman Eltaher said...

ازاى تحسى بالوحدة و كل الناس دى بتحبك و بتهتم بالرد عليكى يا حبيبتى صدقينى مفيش أحسن من الأصدقاء و المشاركة بالفرحة معاهم
أنا كمان بحس بوحدة هتقرب تقتلنى و الأبشع لما الواحد بجانب وحدته يكون لوحده بجروح تشق الحجر ساعتها مبيبقاش عارف يعمل ايه ؟؟؟؟ خصوصا لما يشوف الانسان اللى جرحه عايش حياته و مش ف دماغه أصلا !!!! هطلب منك طلب يمكن غريب حبتين و يمكن متكونيش قابلتيه قبل كده .
.
.
.
.ممكن تبعيلى التاج اللى فات ابعتهولى على مدونتى ياريت أصلى عايزة أفضفض بيه شوية و عايزة أوصل بيه رسالة معينة معلش بعد اذنك يا بيسو أنا متشكرة ليكى مقدما

ALiaa said...

يا ريت أكون أنا أول المعازيم

basma saghir said...

متغيرة شوية
خوفي ان انا بدأت احس ان الوحدة مش وحشة قوي

شريف
موافقاك جدا..بعدين هو انت دعتني مرة تاسعة ولا حتى اولى لزيارة مدونتك وانا مجتش...عجايب

شاهندة
انتي اول واحدة تعلق على صورة البوست..بس اطمني دي مجرد صورة لسة موصلتش للمرحلة دي :)

ايمي
الوحدة والجروح مزيج قاتل..بيقتل ببطئ وبشاعة
يابنتي اتفضلي التاج والمدونة كلها تحت امرك

علياء
لما نشوف الدعاوي هتقضي ولا لأ :)

الأباصيرى said...

الوحدة
الأنعزال
الشعور بالغربة

اصعب شىء لما تحسى بالوحدة وأنتى فى وسط الناس


البوقين دول زى العسل

اكثر مايفزعني ان اصبح كائن وحيد ومنعزل..وان لا استطيع بعد ذلك ان اتعامل مع العالم من حولي...ان اتحول في يوم من الايام الى تلك العجوز الفظة التي لا تطيق الناس وثرثرتهم وتفضل ان تترك وحيدة مع قططها