Wednesday, March 28, 2007

كتييييير قوي

في حاجات بتحصل للانسان مبيبقاش ليه يد فيها...تقدروا تقولوا عليها مطبات صناعية في الحياة...تبقى قاعد لابيك ولا عليك وتبص تلاقي واحد ابن حلال كنت فاكره بيعزك بيبعتلك تاج ويقلك لازم تجاوب والجو ده...انا هجاوب بس تاني مرة الي يبعت تاج ياريت تكون اسئلته حنينة شوية...هو طويل شوية بس ما باليد حيلة

هل كنت طالب شاطر فى المدرسة ؟
مش قوي..حالي كان ماشي..يعني مكنتش ثور الله في برسيمه ولا كنت البنت الموس الدحاحة..كنت كويس و بفهم وخلاص

ايه كانت احب مادة و اكره مادة ليك فى المدرسة و الكلية؟
احب مادة في المدرسة ايام ثانوي طبعا لاني مش فاكرة قبل كدة كانت ايه المواد اصلا..بس عموما طول عمري بكره الرياضيات وتوابعها..واكيد الفيزياء والكيمياء مش عارفة ايه الي دخلني علمي اصلا..بس كنت بحب الاحياء قوي قوي..وكنت بجيب الدرجات النهائية..وكمان الانشاء والادب..الي هو الشعر يعني
في الكلية بقى مبحبش حاجة ده الود ودي اولع فيها كلها واخلص

كنت عايز تتطلع ايه وأنت صغير ؟
كان نفسي اطلع حاجات كتير وكلها حاجات غريبة...زمان لما كان عندي 4 سنين كنت (بقول نفثي اطلع لقاثة) رقاصة يعني..ولما كبرت شوية قلت لا رقاصة ايه انا هطلع ممرضة...وكمان شوية غيرت رايي قلت هطلع كابتن طيار...ومرة مدرسة صم وبكم..ومرة..ومرة..وهكذا لغاية لما مطلعتش حاجة خالص
:)

ده كان اول تاج اتبعتلي مرة من مبرمج حر ومرة من سمراء النيل...الباقي كله من انجي بقى

دائما ما تطالب المرأة بالحصول على حريتها . فما مفهوم الحرية في قاموس المرأة؟
الحرية هي الحرية في قاموس المرأة ولا الرجل بس هي بتكون عند المرأة مقيدة شوية...علشان الست طبيعتها غير طبيعة الرجل ده شئ اكيد والي بيدعو للمساوة بين الرجل والمرأة لازم يعرفوا انها عمرها ماهتحصل ابدا لان ربنا خلق الست ست والراجل راجل

متى احسست بنفسك "خائنة"؟
يوووووووه كتير...لما حد بيكون محتاجني اي مشوار مهم ومش بروح معاه علشان مليش مزاج
لما مثلا..مثلا ببقى شايفة واحدة صاحبتي بتعمل حاجة غلط ومش بقول علشان بخاف تزعل مني
ولما بعمل حاجة انا عارفة ان ماما مش هتبقى راضية عنها
قلبتو عليا المواجع

هل يمكن ان تحب المرأة رجلين في نفس الوقت؟ نقول الحب و ليس الاعجاب.؟
مقدرش احب اتنين علشان مليش قلبين...بس الاعجاب ده ممكن يحصل مع اكتر من شخص...وكمان مش كل الاعجاب..الاعجاب الي ممكن يوصل لحب مش ممكن مع اكتر من شخص لكن الاعجاب بالشخصية والاخلاق ممكن..ودي وجهة نظر شخصية لو حد شايف حاجة تانية يقول..احنا بلد ديموئراطي

إذا خذلك لعديد من المرات، هل ستستمرين معه في علاقة مستقرة؟؟
استمر بأمارة ايه...اذا كان عمال يخذل فيا كل شوية..انا ممكن اسامح كتير جدا...انما للصبر حدووووود

ماذا ترتدين فى أول لقاء لكِ مع حبيبكِ بالوصف التفصيلى؟
اكيد هكون عيزاه يعدي بسرعة علشان انا مبحبش المواقف دي..اكون رايحة وعاملة فيها فاتن حمامة وهو عمر الشريف ونسبل لبعض بقى..لالالالا اعوذ بالله

ما هى أول فكرة ترد الى ذهنك فى اللحظات الأولى بعد دخولك "المحظور"...لا توجد خيارات للإجابة؟
قصدك ايه بالمحظور؟...بس انا اكيد عارفة اني مش هقع فيه ان شاء الله...بس برضو قصدك ايه بالمحظور

سؤال بالعربية الفصحى الى العربية الفصحى، أيعقل أن تكون هيفا وهبي المرأة العربية
من المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن؟


لا طبعا استحالة مع ان في بعض الرجالة شايفة كدة بس انا مش شايفة كدة
احنا ممكن نوعي البنات ان الاخلاق هي الاساس..ولو في وازع ديني اكيد هيكون في اخلاق

إذا عجبك شاب، بتجربي تلفتيلو انتباهو، كيف؟
لا مش بحاول

إذا عجبك شاب وما بادلك الاعجاب، شو بتعملي؟
هيكون امر الله...مش هعمل حاجة

في مرشد بيقول انو البنت بترغب الشاب طالما انو بشكّل تحدي لها، شو رأيك؟
تحدي ازاي يعني؟...يعني هيخشوا لبعض ماتش ملاكمة :)
لا بس ممكن فعلا البنت يجذبها الشاب الغامض الي مش باينلو وش من قفا..:)

هيفاء وهبي، شادية، وفاتن حمامة: مع من تتماهين أكثر؟ (بصراحة ومن دون مثاليات)؟
يعني ايه تتماهين اصلا؟...ايه ياربي الاسئلة دي؟
بصوا هو انا من التلاتة بحب شادية وبحبها كصوت بس..مش كاانسانة لاني معرفهاش كانسانة

انتقي شخصية رجالية معروفة تتمتع بالكاريزما (برأيك) وتكلمي عنها ؟
طبعا من بعد الرسول
في..في..لامش عارفة..انا اصلا محدش بيملى عيني غير ابويا طبعا :)

ونصيحةأو تعليق أرجو نشره: لما تبلشي تحكي لصاحبك عن أسماء ولادك المفترضة
(لأنن بعد ما إجو وأصلاً بعد ما انفتحت سيرة زواج، إلا إذا حاطة براسك الأمومة العازبة)
تأكدي إنو صادر قدامك إيام صعبة قريبة جايي

اه والله انا ناوية على 8 ان شاء الله والاسامي جاهزة وحاضرة

لماذا تنفخ المرأة في كل الزبادي كلما لسعتها الشوربة؟
لانها اكيد بتكون خايفة..بس المفروض انه لايلدغ مؤمن من جحر مرتين..بس تقول لمين بقى...يمكن لان الست ساعات بيكون عقلها في قلبها

هل صحيح أن المرأة تختار الشخص غير المناسب في فترة المراهقة والشباب ثم تندب حظها بعد ذلك؟
والله معرفش...لسة مخترتش حد...لا في المراهقة ولا في الشباب بس اتمنى اني مندبش حظي

ما هو أسوأ موعد غرامي مر بك؟ وما هو أكثر جزء ضايقك في هذا الموعد؟
برضو لسة مرحتش موعد غرامي خالص...بس لو في اعتقد ان الي هيضايقني الموعد كله على بعضه

لماذا تدعي اغلب النساء انهن لا يجدن الطبخ؟
مين الكداب الي قال كدة..ده بالعكي حتى لو مش بيعرفو يطبخوا بيقولوا احنا ولا ابلة نظيرة في زمانها

ذكرى وظروف اول قبلة؟
ايه المسخرة دي بقى...هو احنا وش ذلك

هل تقبلين بأستمرار العلاقة التي تربطك بشخص (زوج أو عشيق) في حال مات الحب بينكما؟؟
لو زوج اعتقد اني ممكن استمر لو مش علشان الاولاد ممكن علشان العشرة...ولو هو طلع ابن حلال والعشرة هانت عليه اكيد مش هستمر

هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟
لو كان حب بجد وده نادر جدا..اعتقد انه ممكن يستحق..ليه لأ..الدنيا لسة بخير..بس حضرتك ممكن تقولي الكلام ده للاهل علشان هما اصلهم مش بيحبوا الكلام ياخد الاتجاه ده


ده واحد كمان خلص فاضل واحد...مالي بقيت عاملة زي فريد شوقي في امير الانتقام كدة


هل تسعد عندما يمرر لك احدهم تاج؟
على حسب التاج...لو زي التاج الامور الي فوق ده اكيد مش هسعد ولا بطيخ

هل مقدار سعادتك أو شعورك ايا كان- عند تمرير التاج لك يختلف حسب المدون الذي يمرر لك التاج؟
لو حد هيمررلي تاج اكيد هو عارفني ولو عارفني اكيد هكون عارفاه ولو عارفاه ..بالطبع هيكون صديق وعايز يعرفني اكتر ولو صديق حتما هكون سعيدة..طبعن السعادة مش هتختلف من صديق لاخر

هل تستمتع عند إجابتك عن أسئلة التاج؟
حضرتك شايف ايه

هل ترى للتاج أهمية حقيقية؟
اوفكورس...يعني طبعا بس بالعنجليزي
انا شايفة ان بعض التاجات بتعرفنا على ناس كتير مكناش نعرف عنهم حاجة..هي وسيلة كويسة علشان نعرف طريقة التفكير ودماغ الي قدامنا

هل فكرت في عمل تاج خاص لك من قبل؟
لا طبعا انا ناقصة شتايم ودعاوي تيجي على دماغي

هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟
اكيد طبعا لازم هقراها..واتلذذ وانا شايفة اي حد بيعاني زي ماانا عانيت...وكمان علشان اعرفه اكتر زي ماقلت قبل كدة

عندما ترد على التاج ما الذي تراعيه اكثر؟
لازم طبعا هرد بصراحة والا مش هيكونله اهمية

هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم
طبعا والا مكنتش مررت ليهم التا من الاصل ..وانا همرره ليه..عياقة مثلا

هل تلتزم حرفيا بأسئلة التاج ؟
ايون

ما هي نوعية التاجات التي تفضلها؟
ايه ده؟ هما بقوا انواع...والله مكنتش اعرف..اي حاجة تيجي منك حلوة

إلى من تحرص على تمرير التاج؟
اي حد بكرهه وعايزة اغلس عليه..وعايزة اعرفه اكتر


تمرر التاج ده لمين؟
احب امرره للي مضبطني تاجات كل شوية مبرمج حر
واشرف...وهبة...وحلويات...وعمرو...
وريما ...ونادين...وعلياء

التاج الي في النص ده للبنات بس مش عايزين اسئلة رخمة وذكية الله يخليكم...والي مش هيجاوب هتقمص منه بجد

29 comments:

smraa alnil said...

هههههههههههههههههه
ايه يا بت دة
بتقلديني
يعني بتكرهي الفيزيا وبتحبي الحياء زيي وفتناها
انما كنتي تتمني انك تطلعي مرضة زي ما اتمنتيت وانا صغيرة
يبقي لالالالالالالالالالالالالالالالالالا
ههههههههههههههههه
بس فيتن اسامي ال 8 عيال حاطالك انا السؤال عياقة يعني
اه صحيح نسيت لقاثة
هي حصلت هههههههههههههههه

يا خوفي الاحساس بالخيانة دة يتنفذ معايا بكرة
برقبتك انتي فاهمة

احلي حاجة ان كل اللي جاوبوا علي السؤال دة مش عارفين يعني ايه تتماهين بما فيهم انا
عشان تعرفي اننا مدونين مثقفين

وبعدين ايه ماتش ملاكمة دي
انا قلتلك تجاولبي مش تتلامضي
هههههههههههه
بس اجابات في الجون يا بيسووو

REEMOO said...

عجبتنى رودودك اوى على التاج
دمك خفيف بجد
انا كمان كنت بكره الفيزيا اوى ويادوب جيبت فيها درجه النجاح فى الثانويه العامه
بس انتى مش شايفه ان 8 عيال كتير شويه:)
مدونتك عجبانى
واكتر حاجه عجبتنى فيها الاغنيه بتاعتها
اصلى كنت بحب اغنيه المسلسل ده جدا
اكيد هعدى عليكى تانى
تحياتى :)

BOS BOS said...

عارفة أحلى حاجة فى التاجات دى أن اوالواحد بيعرفكم أكتر وبيكتشف شخصياتكم
مع خالص تحياتى

سكينة said...

فعلا التيجان الهائجة كالثيران بتعرفنا حاجات غير مباشرة عن الناس اللي بتجاوبها
:)
بيسووو حبيبتي
أنت طيبة جدا وصادقة جدا لدرجة غابت عن سنيني وساعاتي
بيسووو ممكن تبقي صاحبتي من غير ما تمرري أي تاج لأني غلسة ومش هجاوب بس أنا فعلا حبيتك كثيييييييييير من أجوبتك وعفويتك اللطيفة خصوصا في جوابك عن أول قبلة فعلا إيه المسخرة دي
؟؟
يكونش قصدهم قبلة من ماما أو بابا أو أبلة ظاظا
:)

مبرمج حر said...

ِشكرا على التدبيسة يا بيسوو
:)

بيسوو said...

سمراء النيل
اهم حاجة في ام التاج ده تتماهين
دي يعني ايه يا اختشي اصل ثقافتي تبع مصر الجديدة وبس
وعلة اللماضة والله ما باليد حيلة انا كدة خلقتي كدة مولود كدة

reemoo
اهلا بيكي ياريمو في اي وقت النهاردة بكرة بعده تنوريني وتشرفيني اي والله
لا ياستي ال8 عيال مش كتير دول يادوبك عليا

بوس بوس
ماشي ياستي ابقي فكريني التاج الي جاي امررلك واحد ولا تزعلي ولا تشيلي هم..والله فكرتيني علشان اعرفك اكتر

سكينة
ايه ده....الله...الكلام ده ليا انا؟؟
يابنتي ده انا يشرفني اني ابقى صاحبتك
طب ايه رايك بقى اني حبيتك اكتر
اه صحيح موضوع القبلة..لا ياستي انا اتأكدت ومش قصدهم قبلة ماما او بابا اوحتى ابلة ظاظا...دول قصدهم القبلة التانية الوحشة دي ..يععععع

مبرمج حر
ميجيش من بعد خيرك يا احمد والله...ده انت مضبطني تاجات مش معقولة هبخل عليك بحاجة بسيطة زي دي

zordeak said...

هههههههههههه


بقى انا اول مرجعت قلت أدبسك فى التاج

اجى الاقيكى متدبسة فيه كده

يا خسارة

كان نفسى اكون انا اللى مدبسك

وحشتينا يا بيسوووووووو

وحشتينى اوى اوى

وادينى رجعت اهو

:)

بيسوو said...

زورديااااااااااك
ازيك اخبارك ايه..عامل ايه
بقالك كتييييييير قوي ياشيخ
حمد لله على السلامة والله انا كان عندي احساس انك مش هتبعد كتير

والله يا احمد تعدد المدونون والتدبيسة واحدة...يلا بقى خيرها في غيرها
العود احمد..يا احمد

Memo said...

وغلاوتك انا ما انا واخده بالي منين راح فين بس اجاباتك جميله
تحياتي

dyin_soul said...

عااااااااااااااااااااااااااااااا
اتدبست اتدبست اتدبست
كدة يعني ماشي با بيسو ربنا يخليكي ليا يا حبيبة قلبي وعموما ان شاء الله هجاوبلك عالتاج

تامر نبيل said...

ياة بيسو

عارفة انا جالى الى الان اكثر من 10 تاج ولاردت على اى واحد حاسس انة مضيعة للوقت وبيضيع الغرض معة الهدف الاساسى اللى المفروض عاملين عشانة المدونة

عشان كدة ديما اعتذر عنة


المهم اخبارك لية ؟


تحياتى

Sampateek said...

انا مشكرة قوي انك مكتبتيش اسمي في الناس اللي حتجاوب على الاستجواب ده علشان اسئلته محرجة جدا و اكيد مكنتش حجاوب عليه
بس انت جدعة جاوبتي و انت ماسكة العصايا من النص
بس انا عايزة العصايا بقى علشان محتاجينها في البيت للمقشة

ازيك عاملة اية؟

مبرمج حر said...

تمت الأجابة على التاج يا بيسوو

ومررت ليكى تاج تانى

والأتنين هتلاقيهم تحت خالص فى أخر الصفحة دى

esraa said...

ده أنا مبسوطه خالص, يعني مش أنا بس اللي مهريه تاجات أهوه.
بقي بتحبي تقرأي اجابات التاجات عند الناس عشان تستمتعي وهم بيعانو حرام عليكي (: ده انت اتحطيتي في الموقف ده وعارفه.
ربنا يبعد عنك التاجات يابنتي.

بيسوو said...

memo
وتحياتي ليكي...وبطلي الي بتشربيه ده علشان المرة الجاية تاخدي بالك
نورتيني

هبة
بس التدبيسة من عندي حاجة تانية...ولا ايه؟


تامر
مش موفقاك ابدا..بس لازم الاول اسأل انت عامل المدونة ليه...لو عاملها علشان تتكلم بس ممكن يكون معاك حق...بس لو عاملها علشان تتكلم وتسمع في نفس الوقت يبقى التاجات ليها اهمية في ان الناس الي بتتكلم معاهم تعرفك اكتر وتقرب منك وانت كمان تقرب منهم...فخمتو..واهي وجهة نظر والسلام



سمباتيك
حبيبتشي..لو في تاج تاني مش محرج هممره ليكي اكيد...ويلا بقى مفيش عصاية ولا في مقشة غير لما تجاوبي على التاج


مبرمج حر
يعني يا احمد لو مفيش حد مررلك تاج تقوم عامل واحد مخصوص علشان تتمره انت للعالم

اسراء
لا طبعن..التاجات دي دايرة على البشر كلها..امين يا اختشي نورتي والله

Eman Eltaher said...

ايه العسل ده ؟؟؟ دمك شربااااات أوى يا بيسووو كنتى شاطرة بجد و لذيييذة أوى ف ردك .. أنا أول مرة اسمع عن موضوع التاج ده الأسئلة بجد غريبة و عايزة الحرق يا مين يناولنى ولاعة!! بس سيبك مفيش أحلى من الصراحة و خفة الدم و لما يتجمعوا ف واحدة كده بتبقى جميلة اوى .. ربنا يكرمك يا بيسووو يا ألذ بيسوووو

بيسوو said...

ايمان
ربنا يكرمك يا ايمي يارب...خدي يابنتي الولاعة اهيه تحت امرك :)
وبما انك بتحبي التاجات قوي واول مرة تشوفيها هبقى ابعتلك التاج الجاي قولي انشالله

Ghost said...

عجبتني أوي

أحمد اللي مظبطني تاجات

حلوة بجد، علقة بشكل

:-)

سهر الليالى said...

ايه الاجابات الحلوه الجامده. دى الاسئله كانت صعبه وانت اجتازتى الامتحان بتفوق يا بيسو .مقنعه مقنعه حقيقى
:))
تحياتى

إنـســانة said...

معلش بقا يا بيسو كل تدبيسة وانتى طيبة

انا كمان جايلى تاجات كتيييييييييرة ومش عملت منهم حاجة خالص

حاساهم زى الأبحاث بتاعة الكلية كدة
عاااااااااااا


سيبك إنتى وحشانى اوىىىىىى

بيسوو said...

ghost
هي علقة جامدة وكل شوية اخدها على دماغي

سهر الليالي
دي اقل حاجة عندي يا بنتي..انا بيسو المقنعة..انتي متعرفيش ولا ايه:)

انسانة
ربنا يتوب علينا من الابحاث والتاجات..انتي وحشتيني اكتر يابنتي والله...اظهري بقى وعليكي الامان

Abd El Rahman said...

عجبني اجابة ان محدش ليه كاريزما بتملى عينك غير باباكي


أغنية منير اللي في البلوج جامدة

Sharm said...

حلو اوي

انا فطست من الضحك

")))))))))

بيسوو said...

عبد الرحمن
طبعا هو انا اقدر اعجب بحد غير ابويا.دي فيها دبح

شارم
ابقى تعالى كل يوم

الأرمـوطــي said...

جميل قوى

WHISKEY PUZZLER said...

lovely page, blessed,c ya


only for her eyes

الوردة السوداء said...

اه يارافعة راية البنات


ارقصوا يا نسوان يامكبوتة

ونبى مالينا الا بعضينا

انتى عسل ولله يابيسو

Anonymous said...

انا ضفت البلوج بتاعك لقائمة الفيفوريتس و مش عارف اذا كنت هعتب عندك تانى و لا لأ..لكن احب ابدى اعجابى بطريقتك فى الكلام و خفة دمك اللى اتأكدت منها انك مصرية حتى النخاع او يمكن قبله بشوية صغنططة..
عموما ربنا يوفقك و تصبحى على يوم فى الحياة حلوة ان شاء المولى عز و جل..
محمد

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室