Friday, April 13, 2007

حكاية يوم ممطر


عندما تمطر السماء..اشعر ان الحياة اجمل.. هكذا بلا سبب معين او واضح..تلك الغيوم التي تعمل عمل المظلة الضخمة في حجب الهموم والكوابيس والاحباطات....احب المطر حقا واكون كالطفلة عندما تمطر..اختلق مئات الاعذار فقط لكي استطيع النزول...ذلك الاحساس بالنظافة..وكأنما غسلت من الداخل والخارج..

كان يوم امس رائعا بكل المقاييس...اشعر بنفسي عندما اكون سعيدة..اتكلم بلا انقطاع..واضحك بلا انقطاع..وتتلبسني (أنا) اخرى لا اراها كثيرا..ولا اعرفها حق المعرفة..فقط المحها يوميا في المراة تلوح لي من بعيد وتعدني بالزيارة في يوم ما...رأيتها امس اخيرا وكانت معي طوال اليوم...كان يوما سعيدا هو الاخر..مليئا بالاخبار السعيدة والتي افتقدتها نوعا ما في الفترة الماضية...الاخبار السعيدة لاتخصني حقا ولكن تخص اشخاص اهتم لامرهم..بمعنى اخر هي تخصني بشكل غير مباشر.

.وعندما انتهى يومي بهطول المطر فوق رأسي وانا استعد لمغامرة اايقاف تاكسي... لم اصدق فورا فلم اتعود هذا الكرم الحاتمي من الحياة.. كل تلك الاشياء في يوم واحد...الاخبار السعيدة وهطول المطر.....
صوت قطرات المطر وهو يرتطم بالاسفلت..بكل قوة وكأنما لكل قطرة مطر ارادتها الخاصة..تعرف الى اين ستتجه..والى اين ستنتهي....تلكعت بقدر الامكان في ايقاف التاكسي لكي استمتع بتلك السيمفونية الرائعة من صوت هطول المطر...والصوت المميز لمرور السيارات فوق برك المياه المتكونة حديثا...وصراخ بعض الفتيات المائعات طلبا للنجدة وكأن مايتساقط من السماء حمض الكبريتيك وليس ارق شئ خلقه الله ليضفي على الحياة لونا اخر...اضواء الليل والامطار..كان الجو المناسب لي لاتذكر ما استلزمني وقت وجهد لكي انساه...

تيت..تيت..تيييييييييت....كنت احب ان اقف في مكاني النائي من الشارع لكي اتذكر ولكن صوت تلك السيارة الحمراء التي توقفت لي واخذ سائقها يناديني جعلاني افر في اول تاكسي وجدته...تبا لك من احمق

ولشدة سعادتي اكمل مسلسل المطر معي لليوم الاخر....وفي اخر اليوم عندما توقف المطر اخيرا..توقعت ان تسوء الامور وهو ماحدث فعلا لاني لم استطع الذهاب الى حفلة عيد ميلاد...تسبب ذلك في وجود مايسمى بالوجه الاخر كمان تطلق عليه صاحبة الحفل....حقا كنت اتمنى الذهاب..ولكنها تلك الزيارة التي احتجزتني ومع ذلك لم تحدث
عزيزتي اكره ذلك الوجه الاخر..وجهك الاول اجمل..وابسط..واصفى

سعيدة انا حقا لسعادة كل من اتحفوني بكل تلك الاخبار الرائعة عنهم يوم امس...فقط اتمنى لهم ان يعيشوا السعادة للابد...وحزينة لبداية عهدي مع الوجوه الاخرى..حقا حزينة

35 comments:

tearwhispers said...

حقا سعيدة من اجل سعادتك يا بيسو
جميل ان ينسى الانسان همومه
انا ايضا من عاشقات المطر
كلما اراه اتمنى ان اقف تحته حتى استشعر قطراته تتساقط عليا تغسل همومى
احساسى بالطفولة يرجع لى عندما اقف تحت المطر
اتمنى دوما ان تهطل الامطار و انا فى الشارع حتى اتمتع بها
و جميل انك حقا تمتعت بالامطار و الاخبار السعيدة
حاولى ان تعيشى بهذا الوجه الجميل دوما
دمرى الوجوه الحزينة
اخلعيها و لا ترجعى اليها بدا
اعلم انه شىء ليس بارادتك و لكن على الاقل حاولى و ستنجحين يوما ما

شخبطة ملوكى said...

بيسو
انا ايضا مثلك اعشق المطر و اتحجج من اجل ان اقف دقائق اثنا هطوله
سعدت بالجو الذى نجح قلمك فى رسم ملامحة الجميلة بكل دقة
تحياتى

BOS BOS said...

بوس بوس ومعلش بقى هقولك بوس بوس لانى بحب الأسم ده جدا
المهم أنا كمان بموت فى المطر وبحبه جدا وبتكون عندى نفس مشاعرك وقت المطر وأنا فعلا سعيدة لسعادتك وحزينة لحزنك فى النهاية ولكن تذكرى دائما كل شىء أسعدك
تحياتى

حصان بري said...

بيسو:
طيب كويس ان انا زرت مدونتك وانتي انا التانيه
لاني شايف الحزن مغرق المدونه تحت
:) لا بجد المدونه حلوه قويه وماعتقدش هتكون اخر زياره

zordeak said...

ربنا يفرحك دايماااااااااا يا بيسوو



ويا رب تجيلك الاخبار اللى تخليكى تفرحى على طول


ويا رب بقى نسيبنا من الوش التانى ده


عايزين نفرحلك


;)


قولى امين

Eman Eltaher said...

بيسوو مش عارفة أوصف قد ايه اسلوبك معبر جدا .. أنا برضه بحب الأمطار أوى و مش عارفة أوصف قد ايه استمتعت بالمنظر ده من الشباك صحيح أنا خفت أنزل لان المطرة كانت جامدة بس بجد اتندمت بعدها لانه قد ايه جميل احساس الطفولة بين دموع السحاب أقصد المطر

قصاقيص said...

فوق حبي للمشي تحت المطرة بعشق اوي ريحة مية المطر...ريحه غريبة ونادرة .......بحسها بيور اوى...نقيه فعلا وقريبه من قلبي
وأنت نجحتي في إنك تخليني أحسها واشمها بين سطور البوست وإنتي بتوصفي مشهد المطر
تحياتي علي إحساسك
ويارب مشاعر المطر الرقيقه المفرحة دي تفضل جواكي حتي من غير مطر
تحياتي للمرة التانيه

New Image said...

بيسو من الواضح رقة مشاعرك و قوة احساسك بجمال المطر وزى ما انتى شايفة الكل اتفق معالك ع حب المنظر و الاحساس باللحظة ،ولكن انا لى رأيى تانى صممى كل يوم و انتى امام المراية انك تلاقى انتى اللى جواكى ، صاحبيها و اديها فرصتها تطلع و تعبر عن نفسها حتى وان كانت مختلفة عن اللى الناس شايفينها،واخيرا انا عربيتى مش حمرا .هههههه

شريف said...

بسو الرائعة دة بوست مش كويس



















بس
دة اجمل من كويس ولو فى حاجة اجمل ماشى
انتى رقيقة جدا مع انى مبحبش المطر بس اهوة يلا خالها علينا

Tamer Nabil said...

المطر سحر وجمال خير على الارض

قمة المتعة عندى امشى تحت المطر

بوست مميز


تحياتى

david santos said...

WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE

لقد أن تنتهي مع باري لغات منها بوش وغيره من الارهابيين لا تزال تكمن

lockash said...

والبالذات الايام دي محتاجين لده كتير.ربنا يزيد من اللحظات الحلوة.. تحياتي.. و ممكن استلف منك شوية مطر علي ماربنا يفرجها معايا و يديني كام لحظة حلوه كده..

أحمد العربي said...

ياه
قد لامسي غصب مشاعري

داعبتي دون قصد
اهات قلبي
...تحياتي

REEMOO said...

انا سعيده بخروجك من حاله الحزن والوحده اللى شعرتى بها مؤخرا
المطر هو اساس الحياه
فلولاه لمات النبات وماتت الحياه من بعده
ومن الممكن ان يكون سبب فى حياه بعض الشخص
فطرحه السعاده للبعض كفيل بتجديد حياتهم
ربنا يديم سعادتك
تحياتى

أخف دم said...

عدناااااااااا
بيسووووووووو
والله بجد كنت مفتقد الدخول عندك الفترة اللى فاتت بس انتى كنتى عارفة الظروف
وانا عندى تعليقين
الأول لحضرتك
الأخبار الحلوة اللى سمعتيها مكنش فيها حاجة عنى خالص .؟؟ وبعدين ليه مكسوفة تقولى انى افتكرتينى فيومك كله كان جميل ؟ عموما من غير ما تقولى الناس حاسة ده
والتعليق التانى
للأخ ديفيد سانتوس اللى فوق اللى انا أساسا مش عارف هوه إيه تحديدا بيدخل فى كل بلوج ويتكلم عنجليزى ويقعد يقول البوست جميل . هوه انت قريته يا عم الحاج؟ انا بدأت اتشل يا بيسوووو
اتصرفى

dyin_soul said...

بسوووووووومة

احلي حاجة اني شاركتك اليوم ده و غير كدة كملنا انا و نوجا تحت المطر والنهاية كانت احلي و احلي . عموما
انا من ساعة ما رجعت البيت وانا تعبانة جدا فوق ما تتصوري وعشان كدة مش بكون اونلاين ولا برد في الدونة بس الحمد لله اتحسنت النهاردة شوية وحشاااااااااااني يا بت والله خااااااالص

smraa alnil said...

كنت لسة هتصل بالمخفية اللي اسمها هبة دي عشان تقرا الكلام دة

بجد كان يوم وهمي بكل المقاييس

ضحنا ضحك بطريقة هيسترية
وبجد نفسي يتكرر تاني

اللذيذ بقي ان انا وهبة خدنا المطرة وكل واحد فينا يومها كمل بفرحة مختلفة
بصي اي حاجة تضايقك افتكري اليوم دة
وافتكري امل عواد واللي عملتوا في المترو لما لقت الراجل بيضايقها وقصتها مع الدبوس
ههههههههههههههههه
بسمة

هو انا قلتلك قبل كدة اني بحبك

والله يا بت بحبك جدا

smraa alnil said...

مش عارفة اقولك ايه

انا بجد حسيت بفرحتك لما كنت بحكيلك

الاخبار السعيدة لاتخصني حقا ولكن تخص اشخاص اهتم لامرهم..بمعنى اخر هي تخصني بشكل غير مباشر


هي فعلا تخصك


وعشان خاطري سيبي عهد الحزن دة

ريما said...

ماكنتش هاعرف اكتب تعليق بصراحة بعد
كلامك اللي شدني ده
:)
لولا المطر الجميل بتاع امبارح
كنت زعلانة اني في البيت وعشان انا لاسعة شوية وقفت في البلكونة
ماقولكيش على الجمال بقى:) بس بصراحة خفت من الرعد بس ايه يابنتي المنظر
كان جامد اوي

يارب تفضلي دايما فرحانة يابيسوو

Diyaa' said...

عارفة ليه بتحس بالسعادة ..أعتقد يعني إني أعرف لأني الاحساس مشترك..إن المطرة بتغسل ..وفي الدنيا دي اجات كتير عايزينها تتغسل ..
للأسف أنا عايز أنام أوي وبصتي هنا كانت فضول لأن إس بيسو ده دلع الباشمهندس صاحبي ..بسيوني يعني ..بس حظك حلو معملش للإسم حقوق ملكية فكرية
المهم مدونتك جميلة وتعبيرك من القلب وبسيط وحكاويكي عجبني منهم أخر اتنين..لما أجيب جهاز ف البيت هعدي عليهم كلهم
نصيحة صغيرة ...غيري نظام التعليقات ده عشان متعب ل اللي بيكتب أوي وكمان لو التعليقات كتيرةأو طويلة بيهنج كتير
مبسوط بمعرفتي بمدونتك
سلام عليكم

قاسم أفندي said...

المطر خير
مش كده برضه؟
شوفي المشهد رائع ولو اني عارف ان الرقابة قصت الحتة اللي العربيات وهي معدية في البرك وبتعمل الصوت ده طرطشت علي صاحبة القصة
:)
دائما اسعد بما تكتبين

bastokka طهقانة said...

حد يقف تحت المطر؟
طيب و عاملة اية دلوقتي
مش اتشوووو كويسة برضه؟

سكينة said...

الناس الطبيعية لازم تحب المطر لأنه رحمة من الله
:)
فأنت بفطرتك السليمة وبراءتك تستشعرينها حتى بدون وعي فتفرحين
أنا مثلك أحب حتى اليوم الغائم وأرجوه أن يمطر
افتكري المرة الجاية وكل سنة وانت طيبة أنك تدعي بكل خير والمطرة بترخ
:)
وبلاش تكلمي نفسك ساعات امال انا عاملة بلوج اسمه ساعات سكينة ليه عشان نتكلم فيه في مثل تلك الساعات
يا رب الأخبار المفرحة المرة القادمة تكون في عقر دارك وبترخ على دماغك وتخليك تنسى من غير أي جهد
:)

نفسنا said...

بجد المطر شىء ممتع جدا
وأحلى حاجة ذكريات المطر جميلة جدا

Tamer Nabil said...

انتى فين


اية الغيبة دى كلها


طمنينا عليكى

zordeak said...

ايه يا بيسو

فينك


طمنينى عليكى يا بنتى


مبتدخليش حتى عالمييل


يا ريت تطمنيينى

بيسوو said...

معلش انا مش برد علشان عدي اعطل فنية هتتصلح قريب ان شاء الله بس ادعولي بقى علشان وباء الامتحانات قرب قوي

انا بجد متضايقة قوي اني مش برد على حد من فترة بس الحمد لله على كل حال

بيسوو said...

كلكم بلا استثناء وحشتوني جدا جدا

جـــــوانــــا said...

المطر يعنى الحياه
انا مره كنت مضايق و كنت ماشى بليل عشان افوك و المطر بداء ينزل
مش عارف فجاءه ضاع الحزن و لقيت نفسى فرحاااان اوى و بقيت عمل زى المجنون انا واقف فى نص الشارع تحت المطر

زى ما تقولى غشل كل الهموم الى كانت عندى


تحياتى ليكى


مـجـله جوانــا

nadine said...

بيسووووووووووووووو

انت فين يا بنتى؟؟؟
كده تسيبينى و تختفى؟
و عمر عمال يضربنى :(

انت عاملة ايه؟
وحشانى جدااااااااااا
الحمد لله انك بخير
بجد مفتقداكى
ياريت تصلحى العطل اللى عندك بسرعة
و لو عوزتى اى مساعدة قوليلى
إحنا ممكن نسد برضه :)

ربنا معاكى يا بسبوسة و يساعدك يااااارب و تجيبى تقدير جامدكده
ياريت ترجعي بسرعة
وحشانى
يلا سلام يا قمرة
و لو عوزتى اى حاجة ابعتيلى عالميل

أنا حر said...

جميل قوي اننا نلاقي اللحظة اللي بنحبها والأجمل كمان اللي انتي عملتيه انك عرفتي تتعملي معا اللحظة دي باستمتاع كبير... بجد بوست كانت امطاره أحساس نزلت على كل اللي قروه
انا أول مرة أزور البوست بس انشاء الله مش هتكون الاخيرة

سكينة said...

من غير زعل يا صحابي أنا بحب الامتحانات
:)
ليه هبقى أقولكم بعدين

قاسم أفندي said...

أين أنت؟؟

nadine said...

bisoooooooooooooo
soty etnaba7 men kotr ma banadiky
enty feiiiiiin?

esraa said...

يارب تفضلي سعيده علي طول انت والناس اللي بتحبيهم

انا كمان بحب المطر جدااااااااااا