Sunday, March 18, 2007

رحلتي اليومية

كان يوما محبطا كغيره من الايام التي مرت علي كثيرا في الاونة الاخيرة..استيقظت وانا احاول جاهدة ان افكر بايجابية..اعرف اني سوف انجح فقد مللت من الحالة المزاجية التي تنتابني منذ فترة طويلة....اليوم انا سعيدة وايجابية حتى وان لم اكن كذلك....
قررت الذهاب الى الجيم فهناك استطيع التفكير بوضوح مع كل تلك الالات الرياضية واصوات الموسيقى الصاخبة..لا ادري لما تصر الصالات الرياضية على وضع تلك النوعية من الاغانية الاجنبية التي لايفهم احد ماذا تريد او ماذا تقول هي فقط موسيقى صاخبة...
وقفت على الة المشي الكهربائية وبدأت رحلتي اليومية...التي لا اعرف متى سوف تنتهي..امشي وامشي وامشي ولا اتعب...لا اريد ان اتعب الان اريد ان اكمل رحلتي...فجأة اشعر اني فأر تجارب من تلك الفئران الناصعة البياض التي يضعونها في الاقفاص وتظل تجري الى مالا نهاية...تروق لي تلك الخاطرة وابتسم ابتسامة عريضة لاتعجب السيدة الارستقراطية التي تقف على الالة بجواري....يالها من ممثلة..لا اعتقد حقا انها ارستقراطية...اكاد اجزم انه كان لها جد يدعى شلاطة كان يعمل عربجي على عربية كارو ويجمع القمامة...ذلك العطر الثقيل والاصباغ التي تضعها وكل تلك المجوهرات والشعر الاصفر الفاقع الذي بدأت منابته السوداء في الظهوركل ذلك لايمكن الا ان يشي بذلك الشلاطة جدها...تتسع ابتسامتي اكثر وانا انظر لها...فلتذهبي الى الجحيم سوف ابتسم رغم انف جدك العربجي...
اخرج من الجيم لقد بدأ الازدحام فيه وان لا اطيق الازدحام..اريد ان امشي.مرة اخرى؟..نعم مرة اخرى سوف امشي للبيت...ماهذا الاحباط..؟ امازلت هنا

تنصحني نسرين بشدة ان ابكي...ابكي بلكي بترتاحي...
واصر انا على رفضي..لن اسمح لنفسي بالبكاء...تضربي شو عنيدة..اقول لها هكذا انا عنيدة..ان كان عاجبك

اواصل المشي واكتشف جمال لم اكن اعرفه لمنطقتنا تلك الحدائق...والازهار المزروعة بعناية فائقة....اولئك الاطفال وكرة القدم..يلعبون وكأنهم يؤدون واجبا وطنيا...احسست بسعادة غير مبررة...وحاولت ان اختزن بعضا منها في قلبي...اختزن بعضا من السعادة الحالية للايام الحزينة القادمة...

سألت امي في مرة من المرات اذا كانت امنيتي في ان اكون انسانة اخرى غيري هي اعتراض على قضاء الله وقدره او اذا كانت عدم رضا عن المكتوب
قالت لي: وانتي مالك كدة.....؟؟........مفيش انا كويسة مية فل واربعتاشر اقودها الى الجنون عندما اتحدث بتلك الطريقة

ومازلت امشي في طريقي-هو البيت بعد كدة ليه- رأيت ذلك المحل الجديد الذي بدأ اعماله منذ فترة قريبة في حينا....محل مخبوزات ومعجنات قررت انني سوف اشتري منه ولايهم المجهود الذي بذلته في الجيم...المعجنات تأتي بسعادة غريبة الى حياتي..ومع انها سعادة لحظية..فاني سارضى بها..وبذلك اكون ضمنت العذر الذي سوف اذهب به الى الجيم مرة اخرى غدا...لكي ابدأ رحلتي اليومية من جديد.....

قلت لشيماء: نفسي اخرج...قالت لي: وانا كمان نفسي اخرج...قلت لها: نفسي الاقي حد اخرج معاه ويروح الحتة الي انا عايزاها من غير مناقشة
اخر ما اريده من اي احد في الوقت الحالي مناقشتي في شئ اريده..فهذا لا يساعدني..اريد الخروج وهذا يكفي..اريد الذهاب الى حديقة الازهر وهذا يكفي
قلت في سري: نفسي اخرج بجد...نفسي اخرج من حياتي كلها


اواصل المشي ومازلت لااشعر بالتعب..اعلم اني سوف اشعر بكل ذلك المشي فيما بعد...لفت نظري ولد لايتجاوز عمره السابعة عشر وفتاة اصغر منه بعام تقريبا يجلسان في الحديقة لا اعرف ماذا يقولان ولكنه بالتأكيد ذلك الكلام الذي تتخلله كلمات مثل: انتي حياتي وعمري وروحي مقدرش اعيش من غيرك..الخ
حب؟....غريبة..هو لسة موجود؟...موجود من زمان ولكني انا التي لا تراه..ليس ذنب الحب اني اعاني من قصر نظر...احسست بالسعادة انه مازال موجود





على الهامش
القهوة في اليوم ده كانت حلوة..مسكت الفنجان ووقفت في الشباك افترج على المدرسة الابتدائي الي قدام بيتنا..كانت سخنة جدا نفخت فيها شوية..طلع البخار السخن وغطى النظارة بتاعتي بشبورة محاولتش اني امسحها فضلت باصة على المدرسة بالنظارة المليانة شبورة وشوية شوية لقيت الشبورة بتروح مع الهوا والدنيا رجعت واضحة تاني...
هي الدنيا كدة..حبة فوق وحبة تحت...شوية حزن لاتفه الاسباب..وشوية سعادة لاسباب اتفه من اسباب الحزن....بحمد ربنا دايما اني لسة موصلتش لمرحلة اني اهرب من الفرحة..لسة بحب الحياة شوية...لسة عندي استعداد اني اكون سعيدة..لسة بعرف الاقي السعادة لما بخاف من الحزن انه يغرقني معاه في ظلمة ملهاش اخر... لسة في بواقي سعادة ملفوفة بورق فويل ومحطوطة في تلاجة الحياة لما بنحتاجها بنطلعها ونسخنها ونعيش معاها...ايه ده...هو انا اتهبلت خلاص؟؟

24 comments:

بسمه عبدالباسط said...

أيه ده البوست ده عمل جوايا حاجاة غريبة
وفعلا هو بيدل أنه على قد كل شىء بنمر بيه وكل المشاكل اللى حوالينا أننا برضة قادرين أننا نكون سعداء ونعرف أزاى نسعد نفسناونخرج نفسنا من جو الأكتئاب
أقول لك على حاجة بقى تحمسك أكتر أنا كاتبة عندى موضوع عن الرسول وفيه فكرة كده عايزين ننفذها ياريت تدخلى مدونتى وتشوفيها وياريت تكونى معانا فيها

Reema said...

بيسو ياجميلة...

مش كل اللي في الجيم بيروحوا يخرجواطاقتهم منهم بيروحوا يبصوا على الناس كده زي ساليلة شلاطة:)

تعرفي ان مفيش رد على كلامك
احسن من اللي انتي قلتيه في جزء "على الهامش"

الدنيا كده.. شوية حزن لاتفه الاسباب..وشوية سعادة لاسباب اتفه من اسباب الحزن

ربنا يسعدك ويقربك للفرحة دايما

قلب يحترق said...

عارفة يا بوسي ايه هي احلي حاجة في

الحياة. لحظات توحدك مع ذاتك , انتي و بس و شايفة العالم علي طريقتك وعشان كدة لما ده بيطلع علي الورق مش بيكون مجرد كلام بل بالعكس بيكون احساس قوي جدا و بيأثر علي الانسان اللي ادامك
بجد بوست جميل جدا

Nadine Alfred said...

بيسو

معلش
انا بعدى النهاردة بس عشان اسلم
اصلك وحشانى
و كمان بقالى فترة كبيرة مش بقراء للناس
بقالى فترة كده مش مظبطة

مش هطول عليكى
بس حبيت اسلم
اتمنى تكونى بخير
و بجد وحشانى

أخف دم said...

يا صباح بوستات الكآبة..
حضرتك بتقولى الدنيا كده شوية سعادة وشوية كآبة يعنى .. ممكن أعرف امتى لحظات السعادة دى بالنسبة لك يا ستى؟ نفسى اشوفك وانتى مبسوطة .. وكمان إيه حكاية عايزة تروحى حديقة الأزهر دى؟ انتى هتتلككى بقى وللا ايه؟ ولو رحتى هتروحى لوحدك ؟
عموما ربنا يسعدك يا بيسو وأنا عارف ان الحياة مليانة مشاكل أكتر من حلاوتها بس الجميل ازاى تحولى كل المشاكل دى لأوقات جميلة ..
ربنا ينولهالك وينولهالنا كلنا..

إبـراهيم ... said...

الله عليكي يا بيسووو يا جميييــــلة ...


تعرفي إن كلامـك وحشـني .. ! ، البوست مش كئيب ولا حـاجة ، البوست جميـل ، وبسيط ... وحلوة قوووي الحتة اللي ف الهامـش دي يا قمر


ربنا يسعدك داااايمًا يا بيسو ياااارب ...

وبطلوا حقد ع البنى آآدمين ( قصدي الارستقراطية اللي إنتي مصممة إن جدها كان عربجي ... ههه )



تحيااااااتي يا جمييييل :)

Tamer Nabil Moussa said...

الانسان كتير بيكون جواة وقصاد عينة جمال لكن بيكون ساعات فية غيامة ومش شايف الجمال دة ممكن يكون لوجود بعض الظروف


الموسيقى اللى فى الصالات الرياضية بيقولوا عشان بتساعد على هدوىء الاعصاب لو انى اشك فى الكلام دة


تحياتى

كلبوزة لكن سمباتيك said...

مرتاحة للي قريته حاسة اني انا اللي كاتباه

خفة دم رقيقة ممزوجة في حزن دفين و فيه ظلال لنظارة سودا ترى غدا اسوأ

على الهامش
حبة فوق و حبة تحت
فعلا ده مختصر الحياة

تحياتي ليكي يا جميلة
دمتي و دامت صديقاتك الطيبات
:)

أحمد said...


"
القهوة في اليوم ده كانت حلوة..مسكت الفنجان ووقفت في الشباك افترج على المدرسة الابتدائي الي قدام بيتنا..كانت سخنة جدا نفخت فيها شوية..طلع البخار السخن وغطى النظارة بتاعتي بشبورة محاولتش اني امسحها فضلت باصة على المدرسة بالنظارة المليانة شبورة وشوية شوية لقيت الشبورة بتروح مع الهوا والدنيا رجعت واضحة تاني.
"

عجبتنى أوى الفقرة دى
قالت كتير جدااااا على الرغم من كلمتها القليلة

ربنا يسعدك عالطوووووووووووووووول
يا بيسوو

أحمد said...

I tagged you

bastokka طهقانة said...

خلي بالك القهوة مضرة قوي بالصحة

بتعمل دماغ

ما تبقي تيجي

Unknown said...

لسة في بواقي سعادة ملفوفة بورق فويل ومحطوطة في تلاجة الحياة لما بنحتاجها بنطلعها ونسخنها ونعيش معاها


إيه الكلام التحفة ده

ربنا يحلى كل أيامك يارب

شجره الدر said...

بصى بقى سيبك من الكلام ده كلو
اولا انا بحيكى على اصرارك انك تروحى الجيم انا جربت وماعرفتش استمر
ثانيا
لما تبقى تروحى الازهر بارك ابقى خودينى معاكى عشان نفسى من فتره اروح الجونينه
ثالثا
بتشربى قهوه من غير ماتعزمى طب قولى اتفضلوا

على فككرا البوست جميل وواضح انك واحده قويه بجد اقوى من مانتى شايفه

smraa alnil said...

بيسووووووو


مش عايزة اقولك بوستك عمل فيا ايه
طريق ولابد منه باختيارنا لازم نبتسم فيه غصب عننا حتي لو كانت ابتسامتنا مرة

نعيش ونكمل مسيرتنا

انا كمان نفسي اخرج
نفسي اخرج من جلدي ونفسي
نفسي اخرج وخلاص
بقولك ايه ما تيجي نخرج

محمد صلاح العزب said...

المهم قهوتك إيه؟

david santos said...

Hello!
This text is long, but very good. thank you.
I dont speak Arabic. We can make words with latters and with the words we can make sentences.
InsyaAllah

basma saghir said...

bos bos
هو ده الي انا قصدي عليه..ان الدنيا لسة ممكن تتعاش...على معاكي على فكرة في موضوع نصرة الرسول

ريما
اه والله الست دي غيظاني قوي..ربنا يكرمك ياريما

هبهوب
ايه الكلام الحلو ده..ده ليا انا؟؟
يابنتي دي شوية تخاريف كدة...ربنا يكرمك يا بوبااا يارب

نادين
فينك يابنت مش باينة بقالك كتيييير قوي


اخف دم
بقلك ايه البوست مش كئيب بشهادة الناس دي كلها..البوست بيدعو للتفائل والحياة..وانا بحاول احول اللحظات المرة للحظات سعادة المفروض تفرحلي


ابراهيم
ياريت تقول لاشف بقى انه مش كئيب ..كلامي وحشك..؟ متشوفش وحش..ربنا يسعدك يارب

tamer
انا كمان اشك في كدة..دي بتجيبلي ارتيكاريا

سمباتيك
مبسوطة قوي بكلامك ده

مبرمج حر
الفقرة دي اهم فقرة..سعيدة جدا انها عجبتك وحسيت بيها

طهقانة
القهوة دي اهم حاجة اصلا في اليوم

انسانة
ربنا يكرمك..ياسيمو..وتعدي الامتحانات على خير

شجرة الدر
اولا:انا لازم اروح علشان اسلي نفسي واتفرج على التحف الي هناك
ثانيا:ابقي تعالي ونعملها رحلة
ثالثا:اتفضلي ياستي ولايهمك
سعيدة جدا ان البوست عجبك

انجي
يلا نخرج..بتكلم بجد يلا نخرج

محمد صلاح العزب
مظبوطة واحيانا زيادة واوقات سادة

VEЯŎ said...

gamel 2wee walahy 2l bost d\dah fe 2ham 7aga 2nena ndwar 3ala 2l 7aga 2ly momken ts3dna wnb3d 3an 2l 7ozn

tearwhispers said...

بجد جميل يا بيسو
ساعات الانسان فعلا بتمر عليه لحظات بيتمنى فيها انه فعلا يخرج من حياته كلها
يتمنى انه يعيش حياة مختلفة مع ناس مختلفين

بس بجد ربنا يسعد أيامك و تعيش دايما السعادة و تلاقى الحب

-_- said...

دمك خفيف و كلامك بسيط اوي

smraa alnil said...

طب خلاص تعالي نظبطها مع بعض ونعملها بجد
بس بجد بوستك لما قريته تاني وجعني تاني

basma saghir said...

شاهندة
ربنا يسعدك ياشاهي بس المفروض الانسان يتعلم ازاي يرضى عن حياته علشان هو ده مفتاح السعادة

sharm
تشكرات

انجي
خلاص ياحاجة مادام بيوجعك قوي كدة بطلي قراية..محبش اكون سبب في وجعك...
خلاص انا موافقة نتفق ونخرج معنديش اي مانع

smraa alnil said...

انتي يا هانم فيييييييييييييين التاااااااااااااج

islamz said...

زى منا متعود كلامك حلو بس وجعنى
ملقتش كلمة غير وجعنى ..

حرام عليكى يا شيخة ...

بس كل سنة وانت طيبة بمناسية المولد النبوي الشريف

:]