Friday, March 9, 2007

احلى الاوقات


اشعر هذه الايام بأني حرة…لاشئ يقيدني..او لاشئ سوف يقيدني..بدأت دراستي ولكني حقا لا اهتم بها وعلى كل حال مازلنا في بداية الترم…

لاأدري لماذا يعاودني الحنين الى ايام دراستي الثانوية..ايامها كان الجنون يركبنا..كنا نشعر بأننا نملك العالم..ذلك الاحساس بأننا اكبر من في المدرسة ننظر الى الابتدائي على انهم حشرات والى الاعدادي على انهم قوارض..ولكن نحن في عليائنا..اعوذ بالله…..ذلك كان حالنا رغم كم المواد التي القيت على عاتقنا…والخوف من المستقبل الذي لم تظهر ملامحه بعد
ولكني كنت ارى مستقبل كل واحدة فينا امام عيني بسهولة…لا ادري لماذا..ولكن كل واحدة فيهم كانت تنبئ بشئ ما…صدقت تنبئاتي حينا..وكذبت احيانا كثيرة
تزوج من تزوج..واعتزل الدراسة من اعتزل…ولكن الدراسة الجامعية كان لها نصيب الاسد..
تفرقنا وبعثرتنا الحياة هنا وهناك…عادت كل واحدة فينا الى بلدها وبدأت الدوامة..ولكن ظلت ذكرى تلك السنوات في عقولنا قبل قلوبنا

احبهم حقا وان كنت لا استطيع تذكرهم جميعا..ولكني احبهم واحب نفسي في تلك الفترة…بل اني اجد نفسي احيانا احن الى الكيمياء والفيزياء ومعضلاتهما…

كم كانت نسرين رائعة في كل شئ …اتذكر ان اول معرفتي بها كانت قد بدأت بمعركة بيني وبينها..كان ذلك في الصف الاول الابتدائي ..لا اعرف لماذا لم اكن اطيقها وهي بدورها كانت شديدة الخوف مني وكان ذلك يسعدني نوعا ما …لم تكن المعارك بيننا تنتهي ولكن عندما هوجمت من تلك الفتاة من الفصل الاخر تحركت روح الجدعنة والمرؤة في داخلي وهببت لكي انقذها …فا بالنسبة لي كانت نسرين هي كيس الملاكمة الخاص بي ولا اسمح لاي اي احد بالتدرب عليه غيري انا..ومن هذا المنطق جاءت فكرة مساعدتها……..كم كنت سخيفة

لم تمر السنة الا وكنت انا وهي اعز الصديقات….مرحلة طفولتي لم تقل جنونا عن مراهقتي كما ارى...
وسريعا تكونت شلتنا.. انا ونسرين وانضمت الينا تلك الفتاة السمراء خلود والتي كنت اراها طويلة جدا على فتاة في الصف الاول الابتدائي ورشا والتي كنت اراها قصيرة جدا..ومي التي دخلت بيننا بسلطة انها بنت صاحب المدرسة والتي قالت لها خلود جملة حكيمة جدا وقتها بالنسبة الى طفلة في السادسة...قالت لها..طزززززز....واخيرا عفراء التي كانت تعاني من مشكلات عائلية مجهولة دائما بانسبة الينا


اتذكر تلك الايام واضحك من كل قلبي...كانت الصفة المشتركة بيننا هي السخافة الشديدة..كنا نتخاصم ونتصالح بمعدل 10 مرات في اليوم الدراسي ونذهب الى بيوتنا ونحن اعز الحبايب على راي صابر
على كل حال كبرنا وبدأت المرحلة الاعدادية وتفرقنا..ولا ادري لماذا تفرقنا ... في تلك الفترة من حياتي كان الغموض يلف كل تصرفاتي لدرجة اني انا نفسي لم اكن اعرف لماذا فعلت هذا او ذاك..كانت تلك هي المراهقة في ابشع صورها ...انقسمنا الى ثنائيات : مي وعفراء......خلود ورشا...... وبقيت انا ونسرين

اصبحت علاقتنا يلفها الفتور....وكنا نكتفي بهزة من روؤسنا كل يوم قبل الطابور
الى ان جاء يوم قامت فيه الدنيا ولم تقعد..فقد نعتتني تلك الفتاة السمجة بالسمينة
اعترف اني سمينة ولكن ذلك لم يكن مبررا كافيا لي لكي اظهر بعض التسامح..وبدأت معركة جديرة بمعارك القهوة في السينما المصرية..تلك المعارك ذات الكراسي المتطايرة..وهوووووووب........كرسي في الكلوب...ولشدة دهشتي فقد اظهرت لي تلك المعركة اننا لم ننسى بعض تماما ....فقد وجدت في وسط الوجوه المشوهة بفعل اللكمات والخربشات..رشا وخلود..وكذلك عفراء ومي وبالطبع العزيزة نسرين

لي ان اقول ان تلك المعركة اثبتت لي اننا وبرغم البعد مازلنا اصدقاء ......مازالت ذكريات طفولتنا ملتصقة بنا..لم يمحها النضوج بعد لحسن الحظ
وعندما حولنا الى مكتب المديرة...ظهر تماسكنا في الازماااااااااات!!!

انتهت الاعدادية وبدأت الثانوية ومعها تجمعنا من جديد....فارقتنا مي وعفراء ومازلنا الى يومنا هذا نذكر عنهما اجمل الذكريات

كان ضغط الدراسة في تلك المرحلة كفيلا بأن يجعلنا نفعل اي شئ وكل شئ ..بدءا بالحفلات الصاخبة التي تتضمن فقرات الرقص من كل البلدان...دبكة..رقص سوداني...وسعودي..وبالطبع مصري...واحيانا كنا نقدم فقرات التحطيب التي كانت تقدم باستخدام بعضا من مقشات ام سامي الدادة( اشتاق اليك يا ام سامي)
انتهاءا بالولائم والعزائم التي تتضمن اكلات من كل البلدان بحكم تعدد الجنسيات
وكان كل شئ من تلك الاشياء ينتهي في مكتب ابلة بدرية الخطيب المديرة(كانت امرأة مرعبة)
توسعت شلتنا وضمت اكثر من 20 فتاة اخرى كانت فوزية الشهيرة بلوزة من ضمنهم

تطايرت اوراق التقويم سريعا كما يحدث في الافلام وانتهت السنة الاخيرة من الثانوية العامة وحانت لحظة الوداع
كان يوما ثقيلا وكئيبا علينا جميعا.....ضحكنا كثيرا..وبكينا اكثر...كثرت الاحضان والقبلات...واكثر من هذا وتلك الاعتذارات...اعتذرنا عن اي شئ كان كفيلا بأن يزرع بيننا فتور في المستقبل.......اعتذرنا عن الخصام...عن المعارك الكلامية..والجسدية احيانا....عن حركات الندالة(احيانا)....عن الوشايات للمديرة(احيانا اخرى).....عن اخذ ارقام الهواتف وعدم الاتصال...عن اخذ العنواين ووضعها في مفكرة ما ونسيان امرها تماما......عن الوعدود التي كنا نعرف انها سوف تخلف....عن الفراق...عن المسافات....وعن النسيان الذي سوف يتسلل الى ارواحنا ودون ان نعرف نجد ان اجمل لحظاتنا اصبحت ذكرى...اصبحت ذكرى حتى ونحن نعيشها الان......ولكني لم انسى

نسرين___طب مي___اتجوزت
خلود____اداب عفراء__اتجوزت
رشا____هندسة كمبيوتر سالي__هندسة كمبيوتر
نوران___تجارة فوزية__تجارة
اية واماني__صيدلة انا __تجارة
مها___اتجوزت

تحية شكر وامتنان لبنات سنة 3 ثانوي علمي لكل اللحظات التي عشتها معهم
واعتذار الى هؤلاء الذي تسرب النسيان الى روحي ليمحو اشكال وجهوهن واصواتهن وكلماتهن

30 comments:

محمد العنانى said...

بعد السلام
انا مبحبش اعلق اول واحد بس علشان عيونك مش مهم زمان والواحد كان صغير كان بيدور امتى يكبر ولما كبر يبدور على عمرو الى انتحر الواحد لو كان يعرف كان فضل صغير ومكبرش ابدا

david santos said...

All very good, thank you
have nice wkend

dyin_soul said...

يااااااااااااااااااااااااااه

رجعتيني لأيام المدرسة الجميلة

بجد كانت ايام متتنسيش

بس تعرفي يا بوسي والله مش عشان هتقري

كلامي ولا حتي مجاملات انتي فعلا تتحبي

لأني حبيتك من اول مرة اشوفك فيها

لان بجد قلبك طيب جدا و روحك حلوة اوي

يا احلي بوسي في الدنيا

مبرمج حر said...

بوست حلو أوى يا بيسوو , ما تتصوريش ضحكت أد أيه وأنا بتخيلكم وأنتوا بتتخانقوا .. ذات الكراسي المتطايرة..وهوووووووب و الوجوه المشوهة .. ههههههههههههههه بجد بوست حلو والأحساس فيه عالى أوى , الماضى حلو مهما كان فيه خرابيش فعلا .. الخرابيش تزيدنا قوة وتعمق فينا الحنين للماضى الجميل .. أستمتعى بقى بخرابيش و ملل الكلية عشان بكرة هتبقى ماضى تشتاقيله ,

سكينة said...

لكل مرحلة جمالاتها وصداقاتها أيضا. لذيذة حكاية لمة الأصحاب خلال مراحل العمر مع أني معشتهاش لكن لدي بديل آخر صحابي مش كثير لكنهم دائما متميزين لكن اقدهمهم من حيث التاريخ الزمني يعود فقط للمرحلة الثانوية
:)
تخيلي أول حاجة في الشريط عندي ثانوي الي قبل كده اتمسح لسوء ظروف التخزين
والغريب على قد ما تمر السنين نرجع وشلة ثانوي بنفس التفاعل وكأننا كنا مع بعض مبارح
حلوة الذكريات ونعمة

smraa alnil said...

انتي يا هانم
انا اول مرة اشوف البوست بتاع يوم الاحد دة
وليه مش قلتي اني اتصلت بيكم
وضحيت بخمس دقايق من عندي عشان اتصل بيكم
دايما كدة ناكرين خيري
علي العموم تتعوض يا قمر
بالنسبة بقي للبسوت دة
فبجد انتي فكرتيني ايام زماااااااااان
هيييييييييييه دونيا

BOS BOS said...

جميلة قوى الذكريات دى
بجد عجبنى كلامك قوى قوى
أحسن حاجة فى حياتنا الذكريات الجميلة

أخف دم said...

وليه مقولتيش إن من ذكرياتك الجميلة انك عشتى عمرك كله تتمنى اللحظة اللى تشوفى فيها اشرف؟ تيرا رار رارارا...

هههههههههههههههههههههه

ربنا يخليكم لبعض يا بيسو .. ويبارك لك فى اصحابك الجداد .. ويعوضك بهم خير.. ويا رب أكون واحد منهم ..

ريما said...

حالة الحنين اللي انتي فيها كانت عندي الفترة اللي فاتت وتحديدا ايام الثانوي يمكن لانها اكتر مرحلة مليان احداث ومواقف عمرها ماتتكرر او تتنسي في حياتي
كان نفسي ارجع اشوف كل صحباتي وحتى اللي كنت اعرفهم كده يعني مش صحاب اوي بس كان نفسي اعرف كل واحدة عاملة ايه في حياتها ووصلت لأيه
بس في الاخر حانعمل ايه هو كده
لازم كل فترة نعمل ريفرش للذاكرة :)
سلاماتي ليكي يابيسوو

إبـراهيم ... معـايــا said...

ربنا يجعل كل أيامـك سعااادة و فرح يا بيسووووو ....... الحنين من أجمـل الأشياء اللي على طووول بتحصل لنــا !!!


وأكيد بنحبها قوووي


وياااريتنا نرجع صغيرين !!!

قصاقيص said...

كلما مفتقدين أيام الدراسة اللي قبل الجامعه اوى...كنا اصحاب بجد وعلي طول سوا
اوقات كتيرة بتوحشني المدرسة والفصول وأصحابي في حصص النشاط...هتصدقيني لو قلتلك إني مصرة ان لون الشمس الساعة 12
اللي كان توقيت الفسح اختلف تماما من يوم ماسبت ثانوى
وحشوني اوى أصحابي...يمكن عزائك في البعد هو ان كل واحدة دلوقتي رجعت بلدها...لكن انا ..كلنا من نفس البلد...لكن
cest la vie
وهعتبره فال حلو لما قلتي.."مي_اتجوزت"...من بوستك لباب السما
هههههههههه

قاسم أفندي said...

عجبني التعبير ده اوي:
بالنسبة لي كانت نسرين هي كيس الملاكمة الخاص بي
بصراحة البوست كله حلو
انتي قولتيلي كنتي في انهي بلد؟

FrEe.PhArAoH said...

كانت احلا سنة .. احلا من الجامعة بكل اللى فيها .. احلا من اى مرحله

3 ثانوى كان احساس ميتوصفش .. انت وصفتيه كويس

احييكى بجد

بيسوو said...

محمد العناني
على رأيك لو كنا نعرف الغيب كنا اخترنا الحاضر..يلا الحمد لله على كل حال

david santos
thank you

هبهوب
ايه يابنتي المجاملات دي كتير قوي انتي عارفة طبعا اني ارتحتلك حبيتك خالص مالص وكويس ان البوست عجبك..حاجة على قد وكمان العيال دول ليهم معزة خاصة عندي خصوصا نوسة نسرين حبيبتي

مبرمج حر
الحاجات دي حصلت فعلا..مش كتابة بوست وخلاص وبعدين الماضي بالنسبة ليا مهم جدا لانه كان جميل جدا مش مهم هو قد ايه مخربش ومش مهم انا كنت فاكراها صعب قد ايه ساعتها بس الحقيقة انها كانت احلى ايام فعلا...ماعلينا..نورت

سكينة
مش عارفة ايه الظروف الي تخليكي تنسي مرحلة ماقبل الثانوي..بس يمكن ده الطبيعي.يمكن انا مش طبيعية..الله اعلم
هي دي الصداقة الحقيقة انه مهما بعدتوا عن بعض لما بتتقابلوا بترجعوا كانكم لسة في المدرسة...اياااااااااام

سمراء النيل
ايه ده...؟ انجي عندنا يامرحبا يامرحبا البلوج بقى نوره 100 فولت
لما نبقى نتشرف بطلتك البهية ان شاء هبقى اكتب بوست يستمر 3 ايام ولياليهم احتفالا بيكي يا اختشي..على فكرة ليكي امانة عندي
متقطعيش الجوابات

بيسوو said...

bos bos
بس اهم حاجة تكون ذكريات حلوة
شرفتيني يا بوس بوس

اخف دم
ده انا يا اشرف بحلم بالحظة دي من قبل حتى ما اعرفك من زمان وانا بقول نفسي اتعرف على واحد اسمه اشرف توفيق وبيكتب شعر تصور..افتكر بقى الجمايل دي
اكيد انت منهم يا اشرف..معروفة دي

ريما
حالة الجنين دي عندي على طول بس الي خلاها تبقى قوية دلوقتي بالذات اني لسة شايفة العيال دول قريب فحبيت اكتب عنهم حاجة بما انهم مش هيقروها خالص فكتبت وانا مطمنة
شرفتيني خالص خالص

ابراهيم
ياريتنا نرجع يا ابراهيم..ياريت
ربنا يكرمك

قصاقيص
في حاجات كتير اتغيرت من ساعة المدرسة والجو ده منها المود العام مبقاش زي الاول خالص..ايامها كان نادرا لما الواحد يكتئب..بس دلوقتي عينك ماتشوف الا النور..ماعلينا
يارب من بوستي لباب السما..اشوفك في بيت العدل يا اختشي

قاسم افندي
لو عجبك اتفضله ميغلاش عليك والله
انا كنت في بلد المحبوب...:)

free pharaoh
ميرسي بالكوم..اخجلتم تواضعنا
انا اتعديت من اشرف ولا ايه
:)

أميرة البلطجية said...

يااااه يا بيسووو
كنت محتاجة اقرا كلامك..نفسي اي اليومين دول اكتب عن ايام الثانوي لمن بقول لنفسي يا بت اختش انتي اتخرجتي من تلات سنين
نفسي اقولك كلام كتير اوي.. انتي رجعتيني لاحلى فترة في حياتي
حاسة اننا كنا شلة وكنا سوا في المدرسة
اكيد اكيد حكتب عن الثانوى فى مرة..عشان معشتشت ايام احلى منه
تحياتي يا جميلة

دكتور مستكنيس said...

بجد اسلوبك ورحك زي العسل يابيسو لكن انا هفضل ممل وهقولك جملة اتكررت كتير انتي فكرتيني بايام زمان وتحديدا موقف بعينه كان بيتكرر معايا
تقريبا كل اصحابي واللي بقوا شلتي قبل ماكنا نعرف بعض مكناش بنطيق بعض وبعد ماتعرفنا تلاقي واحد يقوللي يااخي دانت كنت فاكرك ممل طلعت زي العسل وارد انا وانا كنت متخيلك قذر ورخم طلعت شربات هههههههه بس بجد بجد روحك واسلوبك ادوا للموضوع حلاوة علي حلاوته

Eman Eltaher said...

قد إيه حلوة الذكريات القديمة السعيدة لما بنتذكرها .. صحيح الثانوية العامة شئ الواحد مش حابب يتذكره بس الأصحاب و اللمة هما اللى بيخلونا نحب نفتكرها و نفتكر كل الأيام دى .. ياريت لو كان الأصدقاء يفضلوا دايما أصدقاء مهما كان و مهما حصل .. بجد البوست ده جميل أوى لانه فكرنى بأيام زمان هيا مش زمان أوى بس تخيلى لما تعدى مثلا أربع أو خمس سنين من غير ماتشوفى أصحاب ليكى أو حتى تعرفى عنهم حاجة .. شئ صعب بجد

بيسوو said...

اميرة البلطجية
يابنتي اكتبي ولا يهمك..الكلام مش عليه جمرك...علشان هي احلى فترة لازمن وحتمن تكتبي عنها

دكتور مسكتنيس
الظاهر اني فكرت ناس كتير قوي بايام زمان...انا اصلا مكنتش طايقاهم كانوا رخمين بجد بس جدعان
:)

ايمان
لا انا مش حابة افتكر الفترة الزمنية بتاعة الثانوية العامة الوحشة..انا اقصد الجانب الحلو بتاع الهلس :)
والعيال وكدة يعني
خمس سنين كتير عليا قوي..انا بشوفهم تقريبا كل سنة

Sampateek said...

بيسو اتشهرتي يا اختشي و الخواجات بيكمنتوا عندك الف مبروك يا اخا
انا كمان كان ليا ذكريات شبه بتاعتك ايام ثانوي ايام متتعوضش فعلا
بس انا فعلا نسيت كل اسماء البنات اللي كانوا معايا تمن قرن يا بنتي يعمل اكتر من كده
تحياتشي

توهة said...

جميييييييل ان الواحد يتمتع بذكريات رائعه زى دى





تحييييييياااااتى

الوردة السودة said...

حسة انى بتفرج على البوم صورك

جبهة التهييس الشعبية said...

اتقبض على ناس في مظاهرة
اظن التظاهرة التدوينية مش شغب ولا حاجة
رجاء من كل المدونين وضع هذه الأغنية في مدونتهم:
يا قبضتي دقي على الجدار
لحد ليلنا ما يتولد له نهار
يا قبضتي دقي على الحجر
لحد ما تصحي جميع البشر
مش فاهم اللي حاصل
لكن بقلبي واصل
واللي مش فاهمه عقلي
بتشرحه السلاسل
يا قلوب بتنزف دم في العتمة
يا قلوب بتنزف دم وتغني
سجنوكي والكلمة
غصبن عنها وعني
طلعت من القضبان وم الاسوار
الاكواد بتاعة الاغنية اهه
رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
الاكواد بتاعتها في الموقع ده






كنت اخدتها من غزالي
تصحيح اللنك



http://www.mp3asset.com/swf/mp3/minime.swf?myid=1575758&f=3

بيسوو said...

سمباتيك
مش عارفة ايه حكاية الراجل ده عمال يلف على كل المدونات شكله تايه يا اختشي
انا بجد مش عارفة ازاي نسيتي اسامي البنات مش ممكن ابدا


توهة
جميل جدا مش جميل وبس

الوردة السودا
حلو التعبير ده قوي

جبهة التهييس الشعبية
الاغنية مش هتخرجهم

إنـســانة said...

اولا يا بيسوا إنتى وحشانى اوى

ضحكت اوى لما جه الكرسى فى الكلوب

ودمعت وحزنت اوى لما وصلت لاخر البوست
إفتكرت احلى ايام عمرى اللى مستحيل ترجع تانى

:) سلام ياجميل

whyme said...

بجد ضحكتينى من قلبى و اكتر من مره كمان

و فكرتينى باجمل ايام و اجمل وقت الى كان فيه لسه الفكر برئ جميل صافى و كمان عجبتنى حكايه كيس الملاكمه و المعركه الرهيبه و فيلم الاكشن الى حصل

بجد بوست ظريف و كمان فيه مشاعر حلوه و يا رب تتجمعوا تانى على خير من غير افلام اكشن

تحياتى

بيسوو said...

انسانة
انتي الي وحشاني اكتر فينك يابت مش باينة ليه؟
مبسوطة قوي ان الكلام لمسك وخلاكي تضحكي خلي بقى موضوع الدموع ده على جنب

whyme
كل الي حصل مكنش جميل في وقتها قد ماهو جميل دلوقتي خصوصا لما بنقعد نفتكره مع بعض

smraa alnil said...

امانة ايه اللي عندك
اكيد بتتكلمي عن الالف جنيه اللي معاكي ليا صح
هما كانوا الف ولا خمسة
المهم فييييييييييين الامانة
ههههههههههههه
ازيك

بيسوو said...

وحشاني والله يا انجي
الامانة موجودة ومستنياكي

Anonymous said...

ياسلام يا بسبس
رجعتيني لأيام الدراسه وايام بدريه الخطيب:( ومي وخلود وسالي وعفراء وعهد كمان موضوعك كتير حلو
شكرا الك لأنك لسا فاكراني يا أعز صديقه
نسرين