Sunday, December 14, 2008

اسطورة عادية


كل شيئ يتحول الى العادي ببطء


لاشيئ يثير الاهتمام..ولاشيئ يحزن حقا..ولاشيئ يفرح حقا..
من المحزن بالفعل ان يتحول كل شيئ الى العادي


احيانا..اقرر اني ساتنازل عن كل شيئ.عن الاحلام الغير مكتملة وعن كل قصص الحب الفارغة وعن محاولة البحث عن حلول لاصحابها...سأتنازل كذلك عن بعض الذكريات السعيدة فقط لان بعض الحزن ملتصق بها ويرفض الانفصال عنها...ربما سأتنازل عن بعض الحرية كذلك


لاشيئ يهم في النهاية


افكر اني ساتنازل عن كل ذلك..ولكني اعترف بأني انسانة جبانة لا املك القوة الكافية لذلك الفعل..يبدو ان اخاف من الفراغ الذي سيكون بعد ذلك...اذا تنازلت عن كل ذلك فماذا سيبقى؟
ربما هناك بعض الاشياء التي تثقل روحي ولكنها في نفس الوقت تبقيها دافئة..وانا اصبحت اخاف من البرد كثيرا ومن الليل كذلك...حتى الكلام صار مخيفا مليئا بمفردات لا أفهمها ولا احاول ان افعل


صخب..صخب..صخب


وفي نهاية اليوم هدووء... يقتل ببطء
ببطء...كل شيئ يتحول الى العادي


لا اعرف يقينا ان كنت ضعيفة...ام ان ضعفي تختبئ خلفه قوة هائلة...احيانا اظن اني امتلك قدرات خارقة في كل مرة اخرج من البيت قبل المحاضرة بساعة واحدة فقط ومع ذلك اصل دائما في الوقت المحدد...في كل مرة اظن اني موشكة على البكاء لا محالة ومع ذلك اسيطر على نفسي وابتسم ابتسامة صافية من القلب...في كل مرة يبدو لمن حولي اني استسلمت لدوامة شريرة من اليأس اخيب جميع الظنون واستجمع حياتي من جديد


كالعنقاء انهض من رمادي


نعم...اعتقد اني كطائر العنقاء..لا اهزم ابدا
اذا: انا فتاة عادية..عادية جدا..امتلك قدرات خارقة واحيا من جديد من رمادي كالعنقاء واكره ان تتحول الاشياء في حياتي الى شيئ عادي لانه من القسوة ان تتحول الاشياء الى شيئ عادي حتى وان كان ذلك يتم ببطء

8 comments:

ابو على said...

غنى من قلبك

اقصوصه said...

فعلا

كل شيء يتحول الى عادي!!

smraa alnil said...

انتي فتاه غير عادية تمتلك مواهب غير عادية

ولكي تأثير ولا تقبلي ان تتنازلي عن اي شئ

واللي يقولك غير كدة هحط صوابعي العشرة في عنيه

او في اي حته تانية بس انتي قولي
:)))

basma saghir said...

ابو علي
بحاول

وائل
العفو يا فندم..بس على ايه؟

اقصوصة
مانا برضو بقول كدة

نوجة
وليه يا انوج كدة..ماهو الطيب احسن..فرحتلك وحياة ربنا وكان نفسي اشوفك يومها جدا جدا...سلامتك الف سلامة

utopian girl said...

أحيانا .... مع الملل .... و التكرار

نري أنفسنا جزءا من تلك الأحداث المتكررة

و نلتحم مع الأحداث تاركين خلفنا كل مواهبنا الدفينة

كل طاقاتنا

وكل ابداعاتنا

أنت فقط في حاجة الي تغيير

وليس لفترة قصيرة

نحتاج جميعا لأن نقوم بتجديد حياتنا كل فترة

حتي لا نصبح جزءا من تلك الأحداث المتكررة

فنمل الحياة ... و نتصور أننا عاديين

_____________________

انتي يا بت

علي رأي انجي اللي يقولك غير كدة

احنا في الخدمة و موجودين

بصي أنا مش هشردلك علي المدونة

ولا هقول انك من أحلي الناس اللي قابلتهم في حياتي

ولا هتكلم عن نقائك الداخلي

ولا هقول انك صاحبة صاحبتها بجد

ولا هتكلم عن السعادة اللي بحسها و احنا خارجين

وبحس ان الكون كله بيحتفل معانا

كل مرة نخرج تمطر

و نغني أغاني فيروز

مش عارفة اقول ايه و لا ايه

عامةً أنا مش هشردلك و هسكت خالص

basma saghir said...

صديقتي الصدوقة المجنونة احيانا
هو احنا مش عاديين يابنت ولا ايه..تصدقي كنت فاكرة نفسي حد عادي لغاية ما انتي وانجي اكدتولي العكس..بس انا حاسة ان انا عادية يمكن مش عادية في عيونكم علشان انتو عايزين تشوفوني كدة

بخصوص المدح اللي فيا ده احب اقولك يعني ان دي اقل حاجة عندي..وطول عمري معروفة بأني انسانة رائعة وهايلة :)

حبة غرور بقى من نفسي..طول عمري مطحونة يا امي لغاية ما زهقت :):)

تــسنيـم said...

يا دي العنقاء اللي هبلتكو بأسطورتها وفكرة انها بتٌبعث من رمادها


يا بنتي العنقاء من تاني المستحيلات

;)

basma saghir said...

تسنيم
حرام عليكي بجد..مهو يمكن تطلع حقيقية في الاخر..وبعدين يعني انتي مش قادرة تضحكي عليا بكلمتين وتقنعيني اكتر اني انسانة خارقة
بتقوليها في وشي كدة انها من المستحيلات

عموما يعني تقدري تعتبريني من ثامن المستحيلات :):)