Tuesday, December 9, 2008

حدث..قبل العيد بشوية


ولأن الحياة قررت ان تكون كريمة معي على غير العادة فان اجواء العيد تملؤني ببهجة ما..


.بحماس شديد اشتري ماتطلبه امي بدون اي تذمر..اكون مرسال بينها وبين خالتي اسلم واستلم اشياء لهما..افعل ذلك وانا امتلئ بالبهجة وبالسلام الداخلي...بالاضافة الى ان التنقل بين المنزلين يتيح لي وقت اضافي لاستمع الى ام كلثوم..عبقرية الست دي


ياحبيب امبارح وحبيب دلوقتي..ياحبيبي لبكرة ولاخر وقتي


كنت اقول لأن الحياة قررت ان تكون كريمة معي على غير العادة..فقد فاجأتني بخبر وضع هيام صديقتي الهشة ذات العيون الخضراء لطفلها الاول..سيف..
لا استوعب اصلا ان هيام الصغيرة..الهشة..الخائفة دائما من كل شئ ومن اي شئ اصبحت ماما من واجبها ان تمنح الامان والدفء لكائن اصغر واضعف...هيام اصبحت ام..عليها كل واجبات الامومة..حقا الحياة بدأت تأخذ منحيات جديدة


احكيلي..قولي..ايه من الاماني ناقص ايه تاني وانا بين ايديك


ولأن الحياة اصبحت رائعة مؤخرا بشكل يثير الشبهات..فقد تزوجت اسماء ابنة عمتي قبل العيد بيومين فقط..ليس في ذلك شئ مريب..لكن الغريب اني عرفت خبر خطبتها بعد عودتي مباشرة من عمرة رمضان..تلك العمرة التي دعوت فيها لكل من اعرفهم..فردا فردا..في الحقيقة دعوت لاسماء كثيرا..دعوت لها بالزوج الصالح تحديدا...حسنا..احب ان اعتقد ان الله استجاب لدعوتي انا..الدعوة التي دعوتها وانا في الحرم في العشرة الاواخر من رمضان..ولم لا..لا اظن اني انسانة سيئة لهذه الدرجة بالطبع امتلئ بالعيوب ولست ملاكا..ولكني في المجمل اعتبر انسانة جيدة..لا بأس بي


عمري مادقت حنان في حياتي زي حنانك..ولاحبيت ياحبيبي حياتي الا عشانك


الحياة رائعة..والجو رائع..ولكني افتقد شيئا ما..احن لشئ ما..اريد شيئا ما..احتاج لشئ ما..شئ ما..فقط لو عرفت ماهو..لو عرفت لكنت حطمته الى الف قطعة ونثرته فوق بحر عاصف كثير الامواج ليغيب بلا رجعة..اكره نقاط ضعفي واكره احتياجي وحنيني لذلك الشئ..واكره اني لاستطيع الاستمتاع بذلك الجو الرائع رغما عني...رغما عني يراودني البكاء عن نفسي في هذا الجو الرائع..رغما عني


وقابلت اماني... وقابلت الدنيا... وقابلت الحب


ليلة العيد
يسيطر جو من الكابة على رواد الماسنجر..وتصدمني الرسائل الشخصية التي يطبعونها :


مخنوقة ومفيش حاجة ليها طعم ولا للحياة معنى
الدنيا دي رحاية
مجروح ياناي


اوشك على الاصابة بالاكتئاب وهو شئ غير محمود في ظل الظروف المحيطة...ولأن الظروف المحيطة صعبة..ومبهجة في نفس الوقت.. لهذه الاسباب اقرر محاربة ذلك الوغد الشرير المسمى بالاكتئاب..وكرد فعل عكسي اكتب في خانة رسالتي الشخصية: ياحبيب امبارح..وحبيب دلوقتي..ياحبيبي لبكرة ولاخر وقتي


خليني جنبك خليني..في حضن قلبك خليني..وسيبني احلم..سيبني..ياريت زماني مايصحنيش
ياريت ميصحنيش

12 comments:

ابو على said...

وسيبنى احلم سيبنى


هاقولك ايه بسمه كلامك دايما رائع وتعبيراتك هايله


يا ريت يا بسمه حتى الحلم لازما حد يصحيكى منه
حتى مش عارفين نحلم

بس الغنى احلى

وسيبنى احلم سيبنى

:d
دايما جميله يا بسمه

DR.HAMAS said...

كل عام و انتم الى الله اقرب

و على طاعته ادوم

اللى يقرب من ربنا مش هيكتئب بإذن الله

و ربنا يفرح قلبك يا رب

و الأيام فيها كدة و فيها كدة

لكن نصبر و نحتسب

و هنلاقى الفرحة ف أيامنا بإذن الله






د.حماس

تــسنيـم said...

حلوو اووووووووووي يا بيسو


ربنا يديم عليكي البهجة :)

حمامة said...

كل سنة وانتى طيبة يا .. بسمة :)
عيد سعيد عليكي

لازم تقومى الأكتئاب صدقيني
وخاصة اللى بدون سبب ده
غبي


لكِ عميق تحياتي وحبي :)

Unknown said...

كل سنة وانت طيبة وبخير
ربنا يسعدك ويبسط قلبك

Mahmoud said...

كل سنه و انت طيبه و عيد سعيد عليكى

A said...

كل عام و أنت بخير...

دي أول مرة أمر فيها على مدونتك الجميلة دي و لاقتني مشدودة لكلماتك الرقيقة التي تصف حالتي بالضبط...فأختي (التي هي صديقتي المقربة) تم كتب كتابها قبل العيد مباشرة و صار زوجها أول و أهم شئ في حياتها و بعد التخرج لم أعد ألقي صديقاتي كما كنا من قبل... فصار يملؤني ذلك الشعور بالحنين الذي تصفينه...

تحياتي لك

آلاء

Anonymous said...

بيسو... بعد ما قريت كلامك ودمتي عيوني يا بنت الذينا هسألك بس سؤال واحد
..
..
..
..
..

احنا هنتقابل امتى بأه

مها ميهوووو

basma saghir said...

ابو علي
ااااه والله حتى الاحلام يا مؤمن لازم حد يرخم عليك فيها..عيشة تقصر العمر والله ياعلي
هو فعلا الغناء احلى بكتيييير..غني من قلبك بقى :):)

DR.HAMAS
فعلا معاك حق..ونعم بالله
اميييييييين

تسنيم
انتي احلى ياتسنيم والله..يارب يديمها عليا وعليكي يارب

حمامة
حمامتي العزيزة..ليكي وحشةوالله
مانا بقاومه اهو..انا والست

كاتب مصري
وانت طيب

ROITER
وانت طيب..والعيد اسعد واسعد عليك

وائل
وانت طيب..اما بقى موضوع الاماني خليه على جنب شوية لما افوقله :)

الاء
ممممممممم..الوحدة ياالاء هي المحفز الاول والاخير للحنين..اخلصي منها وانتي تخلصي من الحنين على طول..ان كنت برضو مضمنش النصيحة تنجح
متشكرة لمرورك

مهاااااااااا
سلامتك عيونك من الدموع يامها ميهو

هنتقابل يابنتي..طبعا لازم نتقابل..هو انا اعترضت قولي انتي امتى بس وهتلاقيني في المكان اللي تحدديه قبلها بيومين..مش بهزر والله بتكلم جد جدا :)

دينا فهمي said...

الله

كراكيب said...

يا الف حمد لله على السلامة
وكل سنة وانتي طيبة
وكل عيد يعدي عليكي مبسوطة وفل وتمام التمام يا بيسو

miro el niro kwaniro

basma saghir said...

امرأة تقول الذي لايقال
:)..اشكرك بشدة يافندم..ليكي وحشة والله

كراكيب
ميراااااان....وانا اللي كنت فاكرة ان اسمك مرام :):):)

كل سنة وانتي طيبة ومبسوطة والحياة بمبي معاكي...الا هي ايه حكاية ميران دي؟