Sunday, June 17, 2007

انا والحر واسكندرية واشياء اخرى

اجلس على سريري واحاول محاولات يائسة في الاسترخاء لعله يقودني الى النوم الذي هرب لا اعرف الى اين...والعن ذلك الحر الذي يجعل الغرفة بأكلمها كانها صندوق صغير وانا محتجزة فيه...لطالما كرهت شهور الصيف واحببتها في ذات الوقت..احببتها لانها بالطبع اطول عطلة في السنة وكرهتها بسبب ذلك الحر السخيف الذي يضطرني لتاجيل كل شئ الى مابعد الغروب..وصرت اتسال لماذا لاتكون العطلة الصيفية في ديسمبر؟؟!!

لا ادري لماذا يكون كل شئ صعب في الصيف..المشي والكلام والاكل والتنفس والتفكير..حتى الكتابة اجد صعوبة فيها..فا في الصيف يتحول ما اكتبه الى كلام فارغ..مجرد كلام فارغ يعاني اثار الحرارة الشديدة كصاحبته
تعاودني ذكريات البحر واسكندرية في سنوات طفولتنا انا واختي وتلك الرحلات المجنونة التي كان نقوم بها انا وبنات عمي الى مرسى مطروح التي كانت منطقة مجهولة بالنسبة لنا وكان كل اعتمادنا في الحياة هناك على ما كان نعرفه من الافلام الابيض والاسود وحكايات الناس عنها

تنظر دعاء ابنة عمي الى مدخل الاسكندرية بعينين تفيضان بالحب وتقول لي بصوت تملؤه السكينة والسلام..اسكندرية دي اجمل بلد في العالم..وشاطئ الابيض اروع شواطئ العالم....كان هذا كافيا لكي يجعلني اقضي كل صيف في حياتي بعد ذلك في الاسكندرية هربا من ذلك الحر الاسطوري الذي يشن هجومه على قاهرتنا كل عام
ما ابعدني عن الاسكندرية في هذه اللحظة..ما ابعدني عن تلك النسمة الرقيقة التي تحمل بين طياتها كل الاحلام وكل الاماني وكل الضحكات وكل برائتنا التي ما ان انتهى الصيف ونظرنا حولنا لم نجدها

انظر الى صورتك مع اصدقائك عند قلعة قايتباي باستمتاع شاعرة بالامتنان لانك من محبي الاسكندرية مثلي وانظر الى صورة قديمة لي عند نفس القلعة الرائعة ويخالط شعوري بالامتنان شعور بالسعادة

ما أجمل هذيان الصيف والشعور (بسيحان) المخ و عندما اكتب اشياء ولا اعرف ما هي الا عندما انتهي تمام مما اكتبه واحيانا كثيرة لا اعرف ابدا ما كتبت ولا افيق الا عندما اشرب كوب كبير من عصير التفاح...عندها يكون اوان التراجع قد فات ولا يكون امامي الا مزيد من الهذيان و(السيحان) لان الصيف مازال مستمر
اتمنى فقط ان استطيع الهروب سريعا من هذه المحرقة والى ذلك الحين املي في عصير التفاح البارد ان ينقذني من الحرارة والهذيان

16 comments:

قلب يحترق said...

أول تعليق هييييييييييه

بس بقي انا كمان عايزة كوباية عصير عشان الجو مولع بردو ساعة كتابتي للتعليق ده و بصراحة بقي المشكلة مش في الاجازة و بس المشكلة في الامتحانات اللي بتكون في شهر ستة دي و بما اني مش هخلص الا بكرة فأنا عانيت اشد المعاناة و مقولكيش علي الخروج الساعه واحدة الضهر من اللجنة ممكن يعمل ايه ساعتها بس هتعرفي يعني ايه حرارة
بالنسبة بقي للاسكندرية فهي بردو وحشتني اوي و عموما هي كلها شهر بالكتير و رايحة و مطروح كنت فيها السنة اللي فاتت . بجد من اجمل الاماكن خصوصا شاطئ عجيبة اللي بيعملي حالة مش ممكن تتوصف
متتخيليش أنا بحب المكان ده أد ايه و مرتبطة بيه أد ايه

يلا يا ستي اديها الاجازة جت خلينا نخلص ونرتاح
ادعيلي بقي

Amr Ahmed said...

حراااااااان ياعم الحاج

حررتيني يابنتي

ااااااااه

اسكندرية وجمالها

صباح الكورنيش

sakayar said...

اكيد الاجازة دي حاجة زي العسل بس المشكلة ان شهر ديسمبردهن بيبقى شتا فبدل ما احنا بنطلع دلوقتي بعد الغروب مش هنعرف نطلع خالص علشان الشتا اما بالنسبة لاسكندرية .... يا مين يوديني دلوقتي

Nadine Alfred said...

هههههههه
يخرب عقلك يا بيسو
وصفتى بدقة ‘حساسى بالسيحان و انا قاعدة بكتب الكومنت دلوقتى

انت ذكرتى اكتر مكانين بحبهم فى حياتى
مطروح: بحب اتنين سوا الميه و الهوا
و إسكندرية: يا إسكندرية يا مجننانى عالبحر الأبيض المعجبانى

و برغم إختراعات الساحل الشمالى و شرم الشيخ اللى ماهياش مصيف اساسا
بس إسكندرية و مطروح ليهم طعم تانى مايختلفش عليه اتنين
لو جتلك فرصة تسافرى... روحى
و إسترجعى على الطبيعة كل الحاجات الحلوة و الذكريات الجميلة
اهو على الأقل هيبقى هروب من فرن القاهرة

سلامى ليكى يا احلى بيسو
و سلامى لأختك كمان

بنوتة من وسط البلد said...

لا ما تقلقيش يا بيسو
الاحتباس الحرارى بيعمل اكتر من كده :)

طيب يا سيتى انتى شوية وهتاخدى اجازة ... امال الغلابة الي زى حالتنا الى عندهم العرض متواصل صيف وشتا نعمل ايه :(

بس برضة كلام فكرنى بشكل البحر على شاطئ واسع مافيهوش حد ومش سامعة صوت اى حاجة غير الموج وبس

تن تن تاتااا ... يوووه الموبايل بيرن :)

نفسنا said...

ندعوكم لمشاهدة العدد الثانى من مجلة نفسنا

momken said...

انا اول مره امر على المدونه بتعتك بس اكيد هاجى عالطول
اسلوبك عجبنى اوى وطالما بتحبى اسكندريه تبقى وحده زى الفل
بس انتى خلتينى عاوز اشغل المروحه مع التكيف مع هوايه وهقوم افتح الشباك كمان
مدونتك حلوة واسلبوبك حلو اوى اوى اوى
البوسنت ده بالزات عجبنى جدا
تحياتى

أخف دم said...

هما بنات الناس الأغنيا كده .. لما الدنيا تبقى حر يشربوا عصير تفاح .. مش عارفين ان التفاح الكيلو بالشيء الفلانى .. وكمان مش بتاكلوه بتعملوه عصير؟؟
إيه الغنى الفاحش ده .. وكمان هبه تقول أنا عايزة عصير كمان.. ما انتوا الاتنين بنات ناس أغنيا بقى وفلوس بالهبل ..
(إيموشن واحد متغاظ)
هههههههههههههههه
ربنا يروق بالك يا جميل ونشوف قريب

basma saghir said...

هبة
ياستي ولايهمك..دورق عصير بحاله ليكي..وبعدين ايه الناس الي هتروح مطروح دي كمان شهر مش تاخديني معاكي ياهوبا وتكسبي فيا ثواب...ربنا يتوب عليكي من الحر بقى ومن الخروج الساعة واحدة الظهر

عمرو
يلا يابني الحقلك كرسي على البلاج قبل ما يخلصوا

sakayar
لا انا بعرف اطلع في الشتا كويس قوي على الاقل مش بتبهدل زي دلوقتي ربنا يعدي الصيف ده على خير

نادين
اسكتي بقى انتي قلبتي عليا المواجع بالاغاني دي كنا بنقعد نغنيهم هناك احتفالا بالمصيف
وبعدين سيبك بقى من شرم الشيخ والغردقة اصلا درجة الحرحاة هناك فوق المعقول وفوق الاحتمال هما اساسا مشتى وليس مصيف

بنوتة من وسط البلد
الاحتباش الحراري...قصدك اني هيست خلاص..والله معاكي حق ساعات بشوف جبل جليدي مكان عبد المنعم رياض بس بطنش على اساس ان مخي ساح خلاص
ربنا يبعتلك اجازة من عنده ياررررررررررررب

نفسنا
حاضر هشوفها

شريف
مفيش دماغ اصلا علشان احط فيها..بقى في طبق مهلبية..ينفع؟

ممكن
ياسلااام انا بفرح قوي لماحد يقعد ينفخ فيا كدة ويعظمني ويفخمني بحس ان انا حاجة كبيرة قد كدة..انت طبعا مش شايف قد كدة ازاي..بس مش مشكلة
بجد سعيدة انك هتيجي على طول وانا اهو مستنية

اخف دم
تعرف بقى انك مطلعتش اخف دم طلعت دم حقود..عيب كدة يا اشرف ده احنا غلاااااابة خالص...وبعدين احنا بنشرب العصير التاني المعلب ده باصص لنا في اللقمة..بي بقى لحسن نزور ولا حاجة:)

قاسم أفندي said...

انا شايف انه من حقك طالما سميتي مدونتك حكاوي وتخاريف
يعني من حقك تحطي شوية تخاريف لذيذة كده ومن حقنا اننا نطالبك بيها برضه لو مكتبتيهاش
ايوة انا مش جاي عندك اسمع حكاوي بس
انا كمان باشوف اسكندرية اجمل مدينة في العالم
تحياتي يا اميرة الرومانسية

lockash أحمد تمام said...

انا لا احبذ عصير التفاح البارد مارأيك سيدتي في كوب من عصير المانجو مع كتل التلج.او في نص بطيخه حلوه كده ..
ايه الحر اللي احنا فيه ده بلاش تعقيد بس انا مزنوق في الشغل و مش عارف هلحق اخدلي يومين استمتع باسكندرية واللا مرسي مطروح و اللا الغردقه واللا حتي جمصه يومين..

momken said...

ازيك يابيسو انا جيت بس فين الجديد
شويه نشاط يابيسو
تحياتى

بسمه عبدالباسط said...

خليتى نفسى أتفتحت وعايزة أروح أسكندريةبجد أنا روحتها كام مرة وكانت من أجمل أيام عمرى
تحياتى

الأباصيرى said...

بما أنى أول مرة عندك هنا

أسمحيلى أدعبس فى ملفاتك القديمة الأول

basma saghir said...

قاسم افندي
احلى حاجة واسهل حاجة التخريف في الصيف ..اسكندرية مفيش كلام يوصفها
على فكرة...اللقب ده كبير عليا قوي

lockash
لالا المانجة تقيلة في الصيف والواحد مش ناقص..البطيخ ممممممممم..ممكن وماله ربنا يفك زنقتك ياااااااااارب

momken
الجديد جاي ان شاء الله على الطريق الصحرواي الجديد...شوية صبر


بوس بوس
ماتيجي نروح يا بوبس ايه رأيك؟؟

الاباصيري
دعبس ياسيدي براحتك انا معنديش حاجة اخبيها..يادي النور يادي الهنا

zordeak said...

اه

اقول ايه ولا ايه على اسكندرية وجمالها

انا من الناس اللى عاشقين اسكندرية بكل ما فيها بصيفها بشتاها

ببساطة بعشقها


اما عن الحر فانا بتعذب لانى المفروض انى اذاكر فى الحر ده

انا بتمنى ان الحياة تبقى كلها شتاء طويل ممتد

وعن التهييس وعصير التفاح اقولك

يا مزاجك العالى


وحشتينى والله

:)