اخيرا رجعت من السفرية الي طولت اكتر ما كنت متوقعة..لقيت غضب كبير جدا من الجماهير ومن المشجعين بتوعي...وانتقاما مني لقيت د\احمد فؤاد الي عامل فيها انه مع نفسه مدبسني في تاج لثالث مرة على التوالي
انا هجاوب بس انا تعبت من التيجان الي دايرة على الخلق كدة من غير لا احم ولا دستور
احب اشكر د\احمد واقله شكرا يا ذوووق
الى الجهاد بقى
اسم مدونتك؟
حكاوي وتخاريف واشياء اخرى يافندم
لماذا اخترته.. ماذا تقصد به؟
اخترته علشان هو ده الاسم المناسب جدا للي بكتبه حضرتك
ساعات بحكي وساعات بخرف وساعات بقول حاجات تانية لاتمت بصلة للاتنين التانيين
هل فكرت في إغلاق المدونة.. والسبب؟
لا طبعا لسة مفكرتش لان التدوين بقى بالنسبة ليا المتنفس ...بس احتمال افكر في كدة لما الاقي انه مش بيضفلي حاجة...حاليا هو اضافلي كتير جدا
صورتك فى المدونة ..رمزيتها ؟
الصورة كانت على دفتر الانشاء بتاعي لما كنت في 3 ثانوي..وكنت بحب الدفتر ده جدا ومعتزة بيه
بتفكرني بمرحلة بحبها جدا في حياتي
طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
عاتشي بقى ياجماعة...ساعات بخرف وساعات بحكي وساعات بقول حاجات تانية
ساعات كلام فاضي...ساعات بحب..ساعات بنقض..وساعات..ساعاااااااااات بحب عمري واعشق الحاجات
لماذا تدون أصلا ؟
علشان التدوين ده اختراع هايل وعبقري..كون انك تكتب حاجة وتلاقي ناس تشاركك افراحك واحزانك واحيانا ساعات تخريفك وهبلك وعبطك..ده من وجهة نظري شئ رائع جدا..لما تحس ان في رغم البعد بتحس بيك وبتقلق عليك لما ربنا يخسف بيك الارض ده شئ رائع جدا
أحلى جملة قيلت لك فى وصف مدونتك ؟
بصراحة مش عارفة...بس لو حد حابب انه يقول حاجة يقول ياجماعة ميخفش
التعليقات بالنسبة لك ..أهميتها ؟
طبعا مهمة مهو ده اصل الموضوع....التواااااااصل...احب اعرف راي الناس فيا..مهو الي بكتبه هو انا
أحلى بوست كتبته ..ضع اللينك ..ثم اذكر لماذا ؟
عموما انا اي حاجة بكتبها بحس بعدين انها تخاريف من هنا بقى جه اسم المدونة
بس تقريبا بحب اي تخريفة بكتبها
أفضل مدونة قرأتها ..يمكن اختيار عدة مدونات ؟
قريت مدونات كتير منهم الي عجبني من ناحية الاسلوب الادبي..ومنهم الي عجبني من ناحية التلقائية والبساطة..ومنهم الي عجبني من ناحية خفة الدم...كتييييييير جدا ...حضرتك عايز انهي فئة؟؟
أفضل بوست قرأته ..يمكن اختيار اكتر من لينك ؟
انظر رد السؤال السابق..احدف كلمة مدونة وحط بدالها كلمة بوست
؟هل خسرت صديق بسبب كتابة هنا
لا طبعا اخسر صديق ليه وعلشان ايه...ده انا يمكن اكون كسبت اصدقاء كمان...يعني العملية جت بفايدة
حد قل ادبه فى التعليق ..ايه رد فعلك ؟
ليه؟؟......هو انا بكتب كلام قلة ادب علشان حد يرد بقلة ادب
انا مجرد بخرف مفيهاش حاجة يعني
:)أسوأ مدونة ..الاجابة اجبارية ..يمكن اختيار عدة مدونات ..هما كتير اصلا
يووووووه كتير قوي...بس غالبا دخلتهم مرة واحدة ومتنتهاش..وبعدين معايا مفيش حاجة اسمها اجابة اجبارية انا ما صدقت الامتحانات خلصت يطلعلي التاج ده
أسوأ بوست ؟
لا تعليق
أسوأ مدون ..مهو هتجاوب هتجاوب ؟
ايه الرخامة دي..بجد تاج رخم...طيب
اسوء مدون هو الي عمل التاج ده..كويس كدة؟
أمرره لمين بقى ؟
هو انا لازم ابلي خلق الله زي ما ربنا بلاني؟
امرره للعالم الاتي ذكرهم
نادين
اسلام خطوة عزيز
مشمشة
مبرمج حر
بس بقى كفاية كدة نص الناس الي اعرفهم جاوبوه خلاص
Saturday, February 24, 2007
ورجعنا من تاااااني
Subscribe to:
Post Comments (Atom)
12 comments:
واول واحد كمان يا جدعان؟ دا ايه الشرف اللى حط عليكى ده يا بيسو؟
التاج ده هوه التاج الوحيد اللى كله اجتمع على انه تاج رخم جدا ..
مالوش أى لزمة .. وأنا معرفتش حاجة عن بيسو أو غيرها من البوست ده ..
إنما أنا اعرف بيسو قبل كده ..
واعرف ان كلامها زى العسل ..وان هيه مخنوقة كمان من التاج ده..
ربنا عداكى منه على خير ..
وأنا من هذا المزنق احب اعلن اعتراضى على التاج ..
وانى عمرى ما هجاوب عليه .. ولا هاركب الحنطور ولا هاتحنطر..
يللا بقى..
بصراحه انا مش عارفه اقول ايه ادعى عليكى لما انتى مش عاجبك وجاوبتى عليه بالعافيه بتبلى الناس بيه لييييييييييييييييييييييييه وعجبىوحسبى الله ونعم الوكيل
جاااااااارى الأعتراف يا بيسوو
جميل اوى يا بيسو البوست والبلوج بتاعك على بعضة وخصوصا موضوع الفلانطين ده
وكل تاج وانتى طيبة وتعيشى وتاخدى غيرها
ميين الخنيق الى عمل التاج ده :)
حمدا لله على السلامة يا جميلة
و الحمد لله ان ربنا نجاني من التاج ده
اوروفوار
زي العسـل يا بسووووم ، حتى ف ردودك ع التاج
حمد لله ع السلااامة تاني ، وتاااالث ، ورابع
وربنا يسـعـدك دااااااايمًا كده
و .. . . تحياااااااتي
اخف دم
هو مش رخم هو تنح وعبيط..كفاية شتيمة كدة
مشمشة
يابنتي متاخديش الموضوع بصورة شخصية قوي كدة كل الحكاية انهم بيقولوا ان هي دي اصول اللعبة..بس خلاص
مبرمج حر
كان الله في العون
بنوتة من وسط البلد
طبعا..طبعا دي اقل حاجة عندي..ميرسي على كلامك الي ضخم الانا عندي
bastokka
نحمده ياستي
اورفوار ورحمة الله وبركاته
ابراهيم
الله يسلمك تاني..ربنا يكرمك يارب
رغم أن الفضول خلق معيب جدااا
لكن كان نفسي أعرف أرخم مدونة
طبعا عشان أزورها وكمان أحلى أسلوب برضو عشان أفك عن نفسي
حمد الله على السلامة
سؤال أرخم من كل أسئلة التاج
لماذا لا نجيب عن الأسئلة؟؟
عن نفسي مش بجاوب غلاسة
:)
ثانكس يا بيسو على اجابة التاج
ان شالله يا رب دايما
واجاباتك لذيذة
بس هوا التاج خنيق فعلا
:D
السلام عليكم
اجباتك زي الفل و كتير بسيطه و كتير جميله
بس انا عندي اقتراح لموضوع التاج ..ليه ما يكونش التاج اكتر فايده بمعني يطلع شيء منير مضيء موجود جوا كل واحد فينا
علاقتك برب الكون؟؟
بتحب رسولك محمد صلي الله عليه و سلم
قد ايه؟؟
بتحبه ليه؟؟
ايه الدليل علي حبك للنبي؟؟
اكتر واحد بتحبه من اصحاب النبي ؟؟
يعني اساله تعمق معني الايمان الي موجود في كل واحد فينا يا ريت ابتدي انتي تعملي تاج و ابعتي التاج اللي بتحبه فقط و صدقيني هتخدي ثواب كبير
تحياتي
سكينة
الرخمين كتيييير مش هتقدري تحصريهم
انا عن نفسي مش بجاوب تناحة
zordeak
العفو ياسيدي اي خدعة
بس هو فعلا ارخم تاج
ياقلبي ياغريب
فكرتك حلوة جدا.وبنائة
بس انا معنديش القدرة اني اعمله..بس اكيد لو اتممرلي هجاوبه على طول
كده يا بيسوو
دى تدبيسة انقح من اللى قبلها
بس يلا
حصل خير
هحاول اطلع منه
و اجاوب فى اقرب فرصة
توشكرى عالتاج يا بسبوسة
Post a Comment