Tuesday, February 6, 2007

التاج....كلاكيت تاني مرة

الاخ المحترم جدا الاستاذ احمد الي هو في نفس ذات الوقت مبرمج حر حب يدبسني في تاج على سبيل الانتقام من التاج القديم الي دحرجتهوله..ايه الكلمة دي؟؟...ماعلينا
نبتدي المشوار


ايه اللي هيحصل لإيميلك لما تموت ؟
مش عارفة ايه السؤال الغريب ده ..هيروح للورثة طبعن..ولا هيتلغي ولا يولع بجاز الايميل هو انا هكون فاضية ده انا هكون في عالم اخر ياجدعان

اديت الباس وورد لحد قبل كده ؟
مرة يتيمة هي الي اديت فيه الباس وورد لحد وكانت لظروف قهرية مش لازم اقول عليه

ا

لو أه كانت طبيعة علاقتك بيه ايه ؟
كانت صحبتي العزيزة حلويات..او مشمشة

اسمك ؟
بسمة

اسم الدلع المشهور وسط اصحابك ؟
بسووم..بيسوو

عمرك ؟
ليه الاحراج ده بس اعوذ بالله من فضول الناس ....عمومن هو21سنة ونص

برجك؟
الاسد..... عاااااااع

مجال دراستك؟
التجارة التجارة يختي عليها...وسع ياجدع لجدعان التجارة

شخصيتك نوعها إيه؟
سؤال غريب جدا ..ازاي يعني؟؟والله عادية وبتتشكل على حسب الموقف ساعات عصبية احيانا هادية وحنونة اوقات رخمة وتنحة ودي بتطلع لناس معينة بس...كدة يعني

السفر بالنسبه لك ؟
عادة محببة جدا كنت بمارسها زمان بكثرة بس حاليا مستقرة هنا

المود بتاعك ؟
والله مش ثابت زي الشخصية كدة بالظبط هما الاتنين عاملين زي لعبة الاعصار الي في دريم بارك

وقت فراغك بتعمل فيه ايه ؟
بكتب.._البت عاملة فيها عباس العقاد_..بنام...بحاول اني اشوف الدنيا واشم هوا نظيف بخرج يعني...بكلم الناس الي بقالي اكتر من سنة مكلمتهمش...اقل من كدة لا

الاكلة المفضلة ؟
بلاش السؤال ده والنبي علشان المساحة مش هتكفي لكل حاجة..بس اكتر حاجة مقدرش اقاومها الشيكولاتة

الصفات اللي خدتها من بابا ؟
حب القراية...والعصبية والطيبة الشديدة جدا...والله مش علشان ابويا..بس هو اطيب انسان شفته في حياتي لدرجة تغيظ

الصفات اللي خدتها من ماما ؟
شكلها الامور طبعا...ودانها الصغيرة... طريقة تفكيرها العقلانية

اكتر 6 حاجات بتكرهها ؟
الفشر والفشارين
سوء الظن
قلة الادب والصوت العالي
اي حد فاكر نفسه عارف كل حاجة في الدنيا
التكبر والغرور الي بسبب ومن غير سبب
اي حد يدخل في كلامه كلام انجليزي بدون مناسبة

اكتر 6 حاجات بتحبها ؟
ماما وبابا واختي
الكتابة
النيل في الشتاء
اقف في البلكونة في عز التلج واسمع فيروز واغني معاها كمان
لما حد يفتكرني ويكلمني على الموبايل من غير مناسبة
لما بشوف صديقات الطفولة المعذبة ونقعد نفتكر مصايب زمان

الشغل بالنسبه لك ؟
جربته مرة كنوع من الترفيه والترويح وعجبني بس الناس الي فيه هي الي معجبتنيش

ايه الكمبيوتر والانترنت بالنسبة لك ؟
عالم تاني غير العالم الاولاني..اصحاب ودنيا..ومبرمج حر..واخف دم..وانسانة وكدة يعني


انا مش همرره لحد لان كل الناس الي اعرفهم تقريبا جابوا عليه والى هنا تنتهي رحلة التاج ده ولاحول ولا قوة الا بالله

والسلام عليكم ورحمة الله وبركاته

كانت معكم قاتلة التاج بيسوو

من قدام لاب توب اختي

16 comments:

مبرمج حر said...

الأسد عااااااع
هههههههههه

ما أنتى جاويتى حلو أهوه .. مالك
بقى زعلانه ليه

بيسوو said...

من بعض ماعندكم يا استاذ احمد
نورتني

إنـســانة said...

هههههههههههههههههههههههه
ايه يابنتى العسل ده
لزقتى المدونة من كتره يابنتى

بقا مركزة إنك خدتى ودان طنط الصغيرة ههههههههههههههههه

وبعدين زعلانة من الانجليزى ليه
أصلى انا كدة ياختشى
( صورة حد مكثوف)

ابقى خلى لاب توب اختك ده يعرف يدخل مدونتى .. ولا اقولك وديه للدكتور احسسسن

صحيح كنت هنسى .. مش بذمتك يا شيخة اسمى منور فى البوست؟؟؟؟؟
عارفة عارفة متحلفيش
:D

smraa alnil said...

ههههههههههههه

ايه بنتي الاجابات دي
دي انتي نحفة وانا مش عارفة مدارية الحاجات دي كلها فين

بس عجبتني اوي الاسئلة وبعدين هو في برج اسمه الاسد
بجد؟؟
ههههههههه بس ضحكتيني

nadine said...

ايوة كده
اظهر و بان عليك الأمان

بس صحيح
مين اللى حط سؤال بتاع الإيميل ده؟
و إشمعنى الإيميل يعنى؟؟؟

انت عارفة ان انا كمان كنت فى تجارة بس حولت
كنا نبقى زمايل
يلا نهايته

إجابات جامدة و عرفنا المستخبى
:D

nadine said...

اول مرة اخد بالى ان اسمك الحقيقى بسمة!!!

بيسوو said...

انسانة
شفتي العسل اجيبلك برطمان
متخلنيش اكرهك يلي بتتكلمي انجليزي من غير مناسبة انتي
اسمك نورني والله

سمراء النيل
اه في برج الاسد انت معندكيش فكرة ولا ايه؟....... يارب تضحكي دايما واكون انا السبب

نادين
من حسن حظك انك مبقيتيش زميلتي الظاهر ان ماماتك دعيالك جامد

tamer said...

شخصية جميلة ورائعة


ربنا يوفقك ويحقق ليكى كل ما تتمنى


تحياتى

بيسوو said...

tamer
شكرا على كلامك

VEЯŎ said...

لزبزة اجاباتك قوي يا بيسو :)

LAMIA MAHMOUD said...

اجاباتك فطستني من الضحك .. مسخرة:)

Mony The Angel said...

:)
so nice answers :)
7elwa awe al7agaat ally bt7ebeeha btw :)

قاسم أفندي said...

حلو موضوع التاج ده والله مش وحش حسيت انه عرفنا أكتر بناس كتير كنا بنبص ليهم علي انهم مجرد أقلام

بيسوو said...

vero
شكرا انت الذ

لمياء
اول مرة حد يقولي اني مسخرة..انتي اول واحدة

mony the angel
علشان كدة انا بحبهم علششان هما دول الحاجات الي بتخليني اخرج من اي مود وحش

قاسم افندي
هو ده الغرض من التاج يا قاسم افندي..اننا نتعرف على بعض اكتر ونقرب من بعض اكتر

أخف دم said...

بيسو
مش عايز اتكلم كتير عنك عشان انتى تستاهلى كلام كتير.. بس يكفينى انا أنا واحد من ضمن اللى انتى فاكراهم ومن ضمن فوايد النت كمان..
مش عارف أتواضع معاك المرة دى زى عادتى..
طمنينا عليكى.

بيسوو said...

اخف دم
مش عارف تتواضع ازاي؟
ده انت اسمك التاني التواضع
ربنا يخليك يا اشرف بس انت محددتش الكلام الكتير الي استاهله نوعه ايه؟
ياتروحش ولا حلو؟؟
ابقى قلي بقى