Tuesday, February 27, 2007

تلك الخزعبلات

استيقظت من نومي في ذلك اليوم وانا اشعر بحاجة ماسة لك...يتصارع في داخلي شوقي وانكاري بأني احتاجك واسال نفسي ...لماذا؟
لانه وفي تلك اللحظة بالذات يتواجد الذين احبهم واكترث لامرهم اكثر من اي احد في هذه الدنيا معي وبجانبي....ولكن لكي يزداد شعوري بالاستغراب اجدني اشتاق اليك
كم اكره ذلك الشعور
طوال حياتي لم يجرؤ ذلك الشعور ان يراودني وانا بدوري لم اكن ابحث عنه...كنت سعيدة او كنت اوهم نفسي بالسعادة ولكني حقا لم اكن اهتم ..
فليحب المتحابون...وليعشق العاشقون..ولأكتفي انا بكتاب جيد اقرأه في اخر الليل وانام قريرة العين..ويمر نومي بلا احلام
فاليحتفلوا بأعياد الحب...وليتهادوا ..وليتبادلوا اشعار القباني...ولأكتفي انا بالمشاهدة...
حقا كنت سعيدة وان لم اكن فقد كان شعوري بالرضا عن حياتي كافيا لكي يجعلني كذلك

انظر حولي وادرك اني لست في نفس المدينة ولافي نفس القارة تفصلني عنك الالاف الاميال ومع ذلك اشعر ان كلماتك لاتزال تتردد داخل اذني...وضحكتك الطفولية التي تصر انت على كتمها دائما متظاهرا بالقوة....ادرك في خوف اننا لانستنشق نفس الهواء...ولانمشي على نفس الارض...ادرك انك بعيد..بعيد جدا..وافطن الى حقيقة انك لم تكن يوما قريبا..انت بعيد من اول الامر ولكنه عقلي-ذلك الابله- من خيل لي افكار كنت اظنها حقيقية

تلومني شيماء كثيرا لاني سمحت بان تكون لك تلك السلطة التي لاتعلم عنها شيئا...تلومني لاني اشتاق اليك...وتلومني لاني اتحدث عنك...واليك...وتلومني لاني لم اتخلص من تفكيري فيك
ولكم اريد ان اتخلص من تفكيري فيك...لماذا يصر ذلك الشعور على التشبث بي بهذه القوة

ولكني سوف اتحرر...سوف اتحرر من كل تلك الخزعبلات التي ملئت عقلي...ساتحرر من الزيف الذي اوقعت نفسي بنفسي به ...ساتحرر من كلماتك..ومن ضحكاتك ومن عيناك..ساتحرر منك
اليوم انا اشتاق اليك نعم...وربما غدا ساشتاق اليك كذلك...ولكني بعد غد لن افعل...اعدك بأني لن افعل...

11 comments:

أحمد said...

صعب أوى الشعور ده يا بيسوو وعلى فكرة كل ما تقاوميه يقوى أكتر .. بجد .. سامعك بتقولى طب أعمل أيه يا فليسوف ؟ .. هاقولك يا بيسوو .. مفيش غير أنك تروحى لمن يملك مفاتيح القلوب و تتضرعى له أنه يمنحك مفتاح ذلك الحب حتى تخرجيه من قلبك لو كان بيأذيكى أوى ..بجد ده الحل الوحيد .. ولو مش عجبك قوليلى و نفكر فى حل تانى بس نجرب ده الأول

أحمد شعبان said...

ازيك كدا وازيك

بالصدفةوانا بتتبع الناس اللي جاوبت ع التاج دا لقيتك

على فكرة انا اللي كتبت التاج دا

buffy said...

3la fekra ya gamel ana 7sa eny ana ely bktb klamk kolo sa7 awl post a2rah 7sa eny ana ely ktbah bravo

.:.-=- ELGaZaLy-=-.:. said...

صعب اوى شعورك...

بس جميل

أخف دم said...

طيب فات يومين أهم.. المفروض انى أجيلك بكرة ألاقيكى ناسياه .. ماشى؟؟

قاسم أفندي said...

بيسو
كلماتك رائعة وجميلة وتجسد عاطفة جياشة ..
أتمنى لك التوفيق يا ذات المشاعر الرقيقة والرومانسية العذبة

Tamer Nabil Moussa said...

كلام جميل بمثل حل للواقع اللى ممكن نعيش فية بعض الوقت ولكن ليس طول الوقت

لان الحياة تكون بلا طعم اذا كانت بدون من يشاركنا فيها


تحياتى

بنوتة من وسط البلد said...

احساسك رائع واسلوب تعبيرك صادقك
بس مين شيماء ؟؟:)

Anonymous said...

ههههه أكيد يابنوتة هاتكون صاحبتها

المهم يا بيسو

اليوم انا اشتاق اليك نعم...وربما غدا ساشتاق اليك كذلك...ولكني بعد غد لن افعل...اعدك بأني لن افعل

اخدت قرار
اذن نفذية
ما تأجليش ابدا

Unknown said...

بصي هو الشعور اللي انت فيه ده صعب أوي, بس انا بجد حاسه بيكي, ياريت فعلا بعد بكره ماتفكريش فيه, ياريت بجد تقدري توفي بوعدك.

basma saghir said...

مبرمج حر
شكرا لانك بتكون دايما موجود وتسمعني
وبجد حلك احسن حل سمعته من فترة طويلة قوي

احمد شعبان
اعمل تاج غيره بقى وشد حيلك

buffy
احساسك ده بيأكدلي انها مشكلة على نطاق مصر كلها..احكي يابنتي وقولي متكتميش في نفسك..

elgazaly
هو صعب..بس انا قوية على فكرة مش ضعيفة خالص

اخف دم
هيعدي متقلقش
المهم انا فعلا اسفة جدا جدا
سامحوني مكنش قصدي

قاسم افندي
يالهوي الكلام ده ليا انا؟؟
متشكرة جدا انا واحدة على باب الله

tamer
كلامك صح جدا واصاب كبد الحقيقة زي ما بيقولوا

بنوتة من وسط البلد
شيماء دي صحبتي
ميرسي بالكوم على الكلام الحلو ده..اخجلتم تواضعنا والله

نبيذ
علم وينفذ يافندم

esraa
هو صعب بس مش مستحيل يتنفذ خصوصا ان انا عندي النية والنية لله اني افوووق بقى..لاني فعلا زهقت