Tuesday, January 23, 2007

انتعاش من بعد حزن ..

يالها من قسوة ان تشعر بالوحدة التامة والمطلقة وانت محاط بعشرات الناس....وفجأة تكتشف ان كل من حولك يمكن ان يتلخصوا في انسان واحد وان هذا الانسان ليس معك

يالها من حيرة ان لا تعرف ان كنت تحب ام تشتاق ام تحتاج الى الحنان

يالهذا الاشتياق الذي لايفارقني لكل شئ يذكرني بك
.....................................
احاول ان ابعد تلك الافكار من عقلي المزدحم اصلا بالافكار فلا استطيع...احاول ان اركز فيما افعله ولكني لااستطيع وافعل كل ماافعله بطريقة الية وميكانيكية وكأني لست مرتبطة بهذا العالم
مغيبة...تلك هي الكلمة التي قالتها لي لوزة عندما كلمتها.....ظلت لنصف ساعة تلح علي في ان اذهب اليها لتراني لانها لاتستطيع ان تأتي ولكن ظل ذلك الشعور يغلفني ويمنعني من موافقتها
شعور بالحزن لا ادري كيف تسرب الى روحي....اريد حقا الخروج والنسيان قليلا..اهذا طلب صعب الى هذا الحد...ولكني في النهاية لم استطع ان البي لها هذا الطلب ومع نهاية المكالمة
سمعت تلك الزفرة التي تجيدها لكي تشعرني بالاستياء من افعالي....ارد عليها بزفرة مماثلة لاعلن استيائي عن حالتي كلها
.......................................
ابدأ في تجهيز الاغاني المفضلة لي لفيروز ولمنير لاني اعرف ان لا احد غيرهم سيقدر على فك غلاف ذلك الاحساس المرير....وابدأ في الاستماع....اخر ايام الشتوية..لا شئ....طير الوروار..لاشئ......الجيرة والعشرة التي اعشقها لمنير لاشئ....حتى اغنية ويلي التي تذكرني بك
لم تستطع ان تؤثر في......عندها احسست بغضب امتزج مع شعوري بذلك الحزن ومعا كونا شعورا جديد لا اعرف اسمه بعد
........................................
احاول ان اتذكروجهك وملامحك ولكن طول فترة عدم رؤيتي لك تمنعني من ذلك واجد صعوبة فيه......حتى هذه الامنية البسيطة لا اقدر ان احققها لنفسي....يتزايد شعوري بالغضب والسخط
واقرر انك لست مهما لهذه الدرجة التي اصورها وانه لايربطني بك سوى بضع كلمات قيلت في مناسبات متفرقة وغير مهمة....حاولت كثيرا ومع ذلك كان الفشل حليفي
...................................
افكر كثيرا في كوكو ابن خالتي...لم اره منذ مدة طويلة جدا بسبب ظروف امتحاناتي...لم استوعب بعد كيف لانسان خلق من 3 شهور فقط ان يمتلك هذه المساحة من تفكيري ومن قلبي انظر الى صورته المخزنة على هاتفي المحمول ويتزايد احساسي بالحزن والعن الامتحانات ومن بدعها
كان هو الانسان الوحيد القادر على حملي على الابتسام في الفترة الاخيرة...لم اعد اراه..ولم اعد ابتسم
.................................
فجأة شعرت بالانتعاش بسبب مجموعة حروف كونت تلك الرسالة التي بثت في عروقي ذلك الاحساس بنجاح باهر طارد بذلك احساس الحزن الذي اصبحت اتذكره الان بصورة ضبابية مشوشة كأنه لم يكن
كنت انت السبب في الحزن وكنت السبب في الانتعاش...شكرا لك على الاثنين..من كل قلبي

................................



13 comments:

أحمد said...


الحب زى الحياة سلسلة من الألام المتتالية لكن من غير ألم يبقى الموت أحسن

تحياتى لكى يا بيسوو

يا قلبي يا غريب said...

سبحان الله مجموعه حروف اسعدت انسان و مجموعه حروف قتلت انسان..لما في الكلام تاثير السحر بل اشد من السحر فيكن كل منا حريص علي كلامه..و ليبحث كل منا علي من يسعده.

Nadine Alfred said...

فعلا إحساس وحش قوى يا بيسو

لما الواحد يبقى حاسس إن جواه فراغ
و زهد فى أى حاجة و كل حاجة
سلبية فى الشعور
الضحكة مش من القلب
و الدمعة برضه مش من القلب

بس الكلام, مجرد الكلام بيريح
حتى لو الواحد كلم نفسه

بجد يا بيسو و منغير مجاملات
البوست دى حسيتها بتتكلم عنى

Unknown said...

أنا معك فى مثل هذا الشعور
شعور الاحتياج للاهتمام و الحنان
بالرغم من كثره الناس حوالى
يوجد دائماً شئ ناقص وهو انتى يا حبيبتى

بوست جميل
تحياتى
واحد بيدور عليها فى وشوش كل الناس

basma saghir said...

مبرمج حر
متبقاش حياة لو من غير الم يا استاذ احمد ...

ياقلبي ياغريب
هو مش جاهين قال: الكلمة ايد الكلمة رجل الكلمة باب..الكلمة نجمة كهربية في الضباب

نادين
والله يا نادين يا اختشي كلامي مع نفسي ده حاجة اساسية كل يوم
مبسوطة قوي ان الكلام لمسك ومن غير مجاملات اصلي مش بطيقها

whyme
ممكن انسان واحد يحسسك بحاجة ميقدرش يحسسك بيها كل الناس الي في الدنيا

ويارب تلاقيها الي انت بتدور عليها

كلبوزة لكن سمباتيك said...

اكيد كوكو ده عسول موت
ابقى نزلي صورته
انا بموت في النونوهات قوي


متغربين يا احنا


سعيدة بزيارتك

قاسم أفندي said...

امتداد جميل للتدوينة السابقة "أحساس" وكلمات رومانسية رشيقة في زمن مادي غليظ

frozen love said...

احساسي عالي قوي..وتحية مني ليك على الاغنية دي

Unknown said...

وحش أوي ان الانسان يبطل يبتسم
يارب تفضلي منتعشه ومبتسمه علي طوووووول.

basma saghir said...

سمباتيك
كوكو ده بقى حبيبي وروح قلبي من جوة..
بحبه موت ..هبقى احاول احط صورته علشان خاطرك
ابقي تعالي كتير

قاسم افندي
الكلام ده ليا انا؟؟؟ متشكرة جدا بس ده مجرد احساس

frozen love
سعيدة بيك وبأن الاغنية عجبتك

esraa
هو فعلا احساس وحش جدا بس كله بيعدي صدقيني..سعيدة بيكي جدا

VEЯŎ said...

جميلة قوي يا بيسو كلمة تغير الواحد من حال لحال

وكمان اغنية اجمل واجمل لمنير بحييكي على كل المدونة من كلماتك والاغاني اللي بتختريها
Ahmed

basma saghir said...

عنيكي هي الي حلوة والله يا احمد
اخجلتم تواضعنا..بجد يعني مش شعارات

Reema said...

مش غريبة انك بيبي جميل زي كوكو هو اللي يرجع ابتسامتك تاني ربنا يحميه ويخليه ليكي
ودايما تفضلي سعيدة