هل ضحكت يوما بدون سبب؟...تجلس فس امان الله..وفجأة تخطر على بالك افكارا تافهة لاتضحك طفلا صغيرا ومع ذلك تضحك وتقهقه بشدة..انت تعرف انك لست قليل الادب في الحقيقة انت مؤدب جدا وقد تمت تربيتك على احسن وجه
...........................................................................................
جلست يوما انتظر لوزة في مكان عام وبالطبع طالت فترة الانتظار لان مواعيد لوزة مرنة جدا جدا
وهكذا بدات تلك الافكار التافهة تخطر ببالي..تلك الافكار التي لاتضحك طفلا صغيرا ولكنها في ذلك الوقت
اضحكتني مع اني لو فكرت بها في وقت اخر لاتهمت نفسي بالسذاجة والتفاهة .....
وبدأ شبح ابتسامة يظهر على فمي...يا الله ماذا افعل لا اريد ان اضحك...احاول واحاول ولكن الابتسامة
تتسع وتتسع...............(يارب استرها معايا) ....ينظر لي رجل عجوز شذرا فأنا بالنسبة له انسانة قليلة الادب
ارد له نظراته ولسان حالي يقول(والله ياعمو انا مؤدبة ومتربية بس ظروفي الي صعبة)
يمر الوقت ومازالت الابتسامة تتسع ....ادعو الله ان تأتي لوزة قبل ان افقد السيطرة على نفسي تماما وادخل في مرجلة القهقهة............. وكأنها شعرت بورطتي وصلت لوزة في الوقت المحدد وبمجرد ان رأيتها افلتت مني نوبة الضحك الهستيرية التي استمر ل10 دقائق كاملة ...وظل السبب مجهول..(الله يخرب بيت مواعيد المرنة يا شيخة)
.......................................................................................
رايي في الواقعة
.....................
اعتقد ان مانطلق عليه الضحك بدون سبب يكون في الحقيقة بسبب وسبب وجيه...بالنسبة لي هذا
النوع من الضحك يعتبر خط دفاع ضد الحزن والاكتئاب.....فعندما تخلو حياتي من مسببات الضحك
يبدأ خط الدفاع هذا في العمل...لكي اضحك ولا ي سبب مهما كان غبيا وتافها
وفي هذا الموقف اصبح شعاري(انا اضحك....اذا انا مؤدب)
Friday, December 22, 2006
الضحك بدون سبب قلة ادب
Subscribe to:
Post Comments (Atom)
9 comments:
:D
ماتفهميش غلط.... الابتسامة دي بسبب
ههههههههههه
أبقي أجرب أعمل زيك.... أصل لما حد بيتأخر عليه و دايما بيتأخروا ببقي في قمة العصبية و افتكر كل حاجة غلسة
بوست جميل أوي.... نورتي عندي و الله يا بيسو
بصي العبي في السيتينج عشان يبقي مسموح لأي حد يعلق مش بس المدونين
حتى لو ماكنتش بسبب فيها ايه يعني؟
انتي الي نورتي والله بيتك ومطرحك
وهعمل زي ماقلتي ان شاء الله
انا اعرف اتنين جتلهم نوبة الضحك دي في عزاء بتاع واحد من الجيران و ماتوا على نفسهم من الضحك علشان شافوا عروسة بلاستيك مكسورة في الشارع و قعد كل واحد يقول كلمة لحد ما بقت قافية
و اجزم لك ان الاتنين مؤدبين و ولاد ناس بس القافية تحكم
هههههههه
تحياتي
تصدقى انا كمان بيحصلى الموضوع ده كتير
يعنى سهل قوى و انا ماشية فى الشارع لوحدى, و عشان ماحسش بالوحدة
اقوم افكر فى حاجة او فى حد
الاقى نفسى توماتيكى كده ببتسم
و ممكن اضحك
و الناس تبصلى و تبحلق فى
بس مابيهمنيش
المهم ان الواحد يضحك
بس ليه بقت الناس تحس انه عادى لما تشوف حد مكشر او بيعيط
و مش عادى ان واحد يبقى ماشى مبتسم او بيدندن؟؟؟
كلبوزة
عروسة ايه دي الي ممكن تسبب الضحك في عزاء...عموما هي حصلتلي قبل كدة بس عزاء جدي الله يرحمه ومش عارفة بضحك على ايه..ونظرات الناس كانت كلها اتهام
.................
نادين
انا مبقدرش اعمل كدة في الشارع بمزاجي بس بيكون غصب عني والله انا مش ناقصة اتهام بالجنون جنب اتهام قلة الادب
...................
متقطعوش الجوابات
بيسووو ..
الضحك ده اجمل حاجة فى الدنيا وخاصة لو جاء على غفلة كده زى القضا المستعجل ... هههههههههههه
انا مرة كنت فى محاضرة فى الكلية وكان دكتور رخم .. وهو بيتكلم واحد صاحبي الله يسامحه مسك استك وجاب ورقه ورماها بالاستيك جت فى قفا واحد من الطلبة اللى فى المدرج الامامى والولد اتلسع يا عينى ... وانا بقي وقعت من الضحك وفضلت اضحك اضحك وصوتى يعلى ويعلى ويعلى .. لحد ما الدكتور سمع صوت ضحك وانا مش قادر والواد صاحبي مش يلم نفسه بقي لا ده مسك الاستك تانى ورمى ورقة كمان المرة دى جت في بق واحد كان باصص وراه وبيطمطع وساعتها بقي الضحكة جلجلت اووووووووووى والدكتور شافنى وقاللى تعلالى هنا ياللى بتضحك انت وانا اساسا بايظ من الضحك ... ورحت مش عارف اقف على بعضي والدكتور يسالنى انت بتضحك على ايه اقوله يا دكتور اصل الاستك .. واااااضحك والدكتور يقولى انا صابر عليك لحد دلوقتى قوللى فى ايه .. اقوله يا دكتور خلاص انا اسف واحاول افتكر اى حاجة بعيد عن الموضوع ومفيش هى ثانية واحدة اسكت وبعدين افضل اضحك لحد ما عينى دمعت وخليت المدرج كله ضحك والدكتور نفسه ضحك هو كمان بس بعد ما اخد الكارنيه عشان اروحله المكتب ويعرف انا كنت بضحك على ايه ...
وكانت ليله ... وكله من الضحك
لا ياعم..ايه الضحك الي يودي في داهية ده ويسحب الكارنيهات...بس حلو قوي موضوع الاستك ده..كان نفسي اشوف شكلك وانت بتشرح للدكتور حكاية الاستك يلا علقة تفوت ولا حد يموت
وكل سنة وانت طيب وبالراحة على الخروف
عارفة لما الدنيا توجعك اوي انا لما بحس بكدة غصب عني دموعي بتنزل
والدموع بتتحول لبكا
لكن في وسط بكايا بتلاقني بجد ببص علي منظر واضحك
او افتكر حاجة هايفة واضحك
يمكن دة هروب من حالة الاحزن او القلق او الخوف اللي جوايا
بس بضحك
وكتييييييييييير اوي من المواقف المحرجة ليا في الشارع
بتخليني مش بس اضحك لا دة انا كمان اقع من كتر الضحك وفي الاخر بيبقي نصيبي ايه البت العبيطة دي
سيبك انتي العيد فرحة اضحكي
كل سنة وانتي طيبة يا بيسو
وانتي طيبة يا سمراء..انا دايما بقول عبيطة عبيطة بس اضحك..اهو اضحك احسن ما اعيط ولا ايه؟؟
Post a Comment