Wednesday, January 28, 2009

fairy tale


مشكلتي اني لا اصلح لبطولة القصص الخرافية


مشكلتي اني لا اشبه سندريلا ولا سنو وايت ولا الاميرة النائمة


مشكلتي اني لا استطيع مجاراتهن في قدرتهن على الرقص والغناء والطبخ والحب كل ذلك في ان واحد


مقاس قدمي الكبير لن يساعدني على الرقص بسهولة..بجانب ان كل محاولاتي للغناء تنتهي دائما بالفشل وبصوت نشاز غير محبب
لا استطيع ان اعيش في الغابة مثل سنو وايت..ربما لأني اخاف من الحيوانات كثيرا حتى الصغير منها..او ربما لانه لاتوجد ساحرة شريرة تطاردني...وربما لأن الامير لا يعرف اني على وجه الارض من الاساس


لن استطيع الحياة في قاع المحيط ايضا كالحورية الصغيرة..غالبا لأن شعري يتحول الى كتلة بلا معالم بسبب الماء المالح..او لأني لا اجيد السباحة في القاع..ولكن الاكيد اني لن اجرؤ على الذهاب لتلك الساحرة الشريرة لكي تستبدل ذيلي بساقين لأني اغرمت بأمير ما لايدري عني شيئا..اعرف اني سأخاف من تحذيرات الناس وسأتراجع..الجبن سيد الاخلاق كما يقولون..وانا جبانة


لن اكون كسندريلا كذلك..لن استطيع مسامحة من اسأوا معاملتي..او السكوت على الاهانات..ربما كنت سأضع الملح الانجليزي لهم في الشاي واراهم يتعذبون لأشفي غليلي منهم..التسامح ليس من طباعي بالتأكيد...وبالطبع لن يستطيع اي حذاء زجاجي تحمل وزني


دور الاميرة النائمة لن يناسبني بالتأكيد..لن استطيع تحمل جرعات النوم المكثفة تلك..ولن استطيع التظاهر بالاستسلام وانتظار شخصا ما لا اعرفه لكي يأتي وينقذني


ربما افكر في احتمال اني سأكون جيدة في دور الاميرة ياسمين..ولكني اتذكر اني لا امتلك شعرها الرائع الذي احسدها عليه وان شعري المسكين يعاني من التقصف والتساقط والضعف


ذات الرداء الاحمر كانت غبية كفاية لتمشي بمفردها في غابة مهجورة...لست انا ذلك الشخص


بالتأكيد لا اصلح لبطولة القصص الخرافية...انا عادية جدا لذلك الدور
لا اجيد انتظار الامير ولا قول الكلمات المناسبة في الوقت المناسب..لا اجيد لعب دور المستكينة التي تنتظره ليثبت للعالم اجمع مدى جودة حبه وشجاعته الفذة
لم اكت تلك الفتاة يوما ولن اكون..للأسف

16 comments:

عاشقه وغلبانه said...

انا مش بحب القصص الخرافيه
وزيك ماعرفش ابقي بطلتها خالص
بس اقدر اعمل قصه حقيقيه اكون انا البطله
مدونتك جميله
اول زياره واتمني مش تكون الاخيره

حاسوباتيه said...

اولا انتي واحشاني جدا فينك يا وحشه من زمان

ثانيا انتي عايزانا نكون دول سندريلا والحاجات دي هههههههه ولا ننفع يا ماما خالص لاشكل ولا منظر ولا اي حاجه وكمان اصلا مافيش رجاله شبه الرجاله الي كانت معاهم تشجع جتهم نيله كلهم لما هما يكونوا روميو او قيس نكون احنا جولييت وسندريلا والعفريته كمان لو حبوا بس زي ماقولتي ده خيال

تــسنيـم said...

أختلف معكي هذه المرة :)
فأنا أعيش في دور الأميرة النائمة .. تلك التي تنتظر الفارس المناسب لهــا ليُوقظ قلبها قبل عيونها ويمنحها الحب التي تستحق


عندما كنت أتعثر أعود لأتذكــر.. أني مازلتُ نائمة منتظرة أميري وما مررت به ما هو إلا أضغاث أحلام

:)

basma saghir said...

عاشقة وغلبانة
حلوة الفكرة دي..ممكن ابقى افكر فيها انا كمان
نورتيني على فكرة

هاجر
انا برضو..ماشي ماشي..خليني ساكتة احسن
اه تصدقي فعلا انك نبهتيني لحاجة مهمة..هو اساسا مفيش روميو علشان تبقى في جولييت..بس ياهاجر روميو وجولييت دي قصة حقيقية وده اللي يغيظك

تسنيم
احبك وانتي غرقانة في التفكير الرومانسي ده :):)
بحاول ابقى كدة..وعايزة ابقى كدة..بس هو الموضوع صعب قوي زي مانا متخيلة ولا انا اللي مش عارفة اسبك الدور؟
نورك غطى على الكهرباء :)

Hanan Said said...

حبيبتي
لاعتقد باننا غير مطالبين اان نكون واحده من بطلات تلك القصص
ربما لانها خرافيه حقا
وربما لاننا قد نستطيع ان ننسج احسن منها بكثير بما يناسب واقعنا
اعتقد باننا لا نحتاج الى ذلك الامير
ولكن نحتاج الى قلب حنون
لا نحتاج الى شعر طويل
بل نحتاج الى ان نهتم بما منحنا الله ايه لنجعله اجمل بكثير
نحتاج دائما للمحاولات الجاده بان نكون اصحاب قصص واقعيه رائعه
عجبني البوست اووووووووي بجد
تحياتي وحبي لك

simply me said...

معقوله تقراى كل القصص دى ومش تكونى زيهم

يبقى اكيد انتى احلى كتير

اسلوبك فى الكتابه رائع

آيــة said...

ايه ده انا مجتش هنا من زمان ليه ؟؟

:)

انا مثلك لست أيا منهن ...
فير أن الخرافة و الخيال و القصص الأسطورية .. ليست حكرا عليهن ...
لي
و لك بالتأكيد .. حكاية أسطورية ... آخذة في التكوين .. تكتب عنها عما قريب أو بعيد فتاة أخرى .. تبحث عن نفسها في الأساطير و الحكايات الخرافية .. و تغبطنا ...

:))

سابرينا said...

نعم لاأجيد كل أدوار تلك الاميرات الخرافيات
ولكني أعرف جيدا اني أجيد شئ واحد هو محبتك عندما تأتي
______________
بوست جميل !

Nadine Alfred said...

عزيزتى
انا شايفة الموضوع من وجهة نظر تانية
انا الصراحة شايفاكي الأميرة بيسو الخرافية
اميرة فى قصة من قصص زمن ال2000
اميرة ليها اسطورتها المميزة
واحلا حاجة انك تبقى انت، مش مجرد مسخ من حد تانى

يا بيسو
كل واحد فينا اسطورته الخاصة
ولكل اسطورة قصة وساحرة وامير مختلفين
ومش مطلوب منك تبقى حاجة تانية غير الأميرة بيسو ;)
-----------
بنت انت فينك؟؟؟
مش باشوفك عالمازنجر ليه؟؟؟
كيب إن تتش

دينا فهمي said...

بسلم بس (:

حمامة said...

مشكلة تؤرق جميعنا دوماً
كوننا عاديين
واقل من العادى كمان :D

نفس افكاري يابنتى والله

وحشتينييييي

كراكيب said...

يا بنتي هما مش هيوافقوا اصلا
انتي ناسية البوست اللي انتي كتبتيه وجرستيهم كلهم وطلعتي فيهم القطط الفطسانة

يا بنتي انتي احلى سندريلا ايييه وسنووايت ايييييه

بوست عسوووول يا بيسو كالعاااادة

miro

basma saghir said...

حنان
بحب انا القصص الواقعية بس متقدريش تنكري ان للحكايات الخرافية سحرها الخاص..ولا ايه؟

بندقة
اشكرك بشدة :)

اية
تنوري في اي وقت كان
اديني مستنياها

sabrina
انتي اجمل :)

نادو
حلو الكلام..وعاجبني

امرأة تقول الذي لا يقال
الله يسلمك :)

حمامتي العزيزة
اه من العادي اه
غالبا هو توراد خواطر..انتي كمان ليكي وحشة

مرام
لأ انا مش فاكرة البوست ده خالص..انا امتى قلت الكلام الشنيع ده
اشكرك بشدة اخجلتم تواضعنا :)

Sweet Violet said...

ممكن تكونى فعلا ماتنفعيش انك تكونى بطله لقصه خرافيه

علشان انتى ماينفعش تكونى الا بطلة لقصه واقعية

تحياتى

ست الحسن said...

بيسو
انتي فين
واحشاااااااني خالص يا جميلة
....

عجبني تشرديك لبطلات الحواديت
وحسيت انك بتنتقمي منهم
بس عندك حق في كل كلمة

بس الحدوتة بتاعتك النسيج بتاعها أحلى وأقوي وعلشان كدة هتاخد شوية وقت لحد ما تظهر ع السطح

....
وبعدين كل البطلات في كل الحكايات بيدخلوا تجارب كتيرة صعبة مبيعلنوهاش في الحدوتة
ولما يخلصوا بيبقوا جاهزين تماماً للبطولة

متهيأ لي انت مستعدة دلوقتي
صح

basma saghir said...

sweet violet
على فكرة كلنا بطلات لقصص واقعية..واحيانا الواقع بيكون احلى من الخيال بكتير..احيانا

ست الحسن والجمال
انا هنا اهو..وانتي كمان وحشاني فعلا
هو انا مش بنتقم منهم بالضبط..انا بجد بحبهم وبحب حواديتهم بس تقدري تقولي انه حب مغلف بشوية غيرة..او حقد او حسد :):)
اديني مستنية النهاية او البداية