Thursday, November 27, 2008

لا مبالاة


لم اعد اهتم بالسؤال عمن حوالي..تفاجأني لا مبالاتي في كثير من الاحيان وتشعرني بأني شخص اخر غيري


منذ مدة طويلة وانا المح هبة ابنة عم صابر حارس بنايتنا وهي تصعد وتهبط درجات البناية تأتي بطلبات السكان واحيانا تساعد احداهن في تنظيف شقتها ولا مانع من الطهي قليلا كذلك..تفعل كل ذلك وتلك النظرة الحزينة تعتلي وجهها ولا تفارقها حتى وهي تأخذ اجرتها...كنت اعلم انها تزوجت العام الماضي ومع ذلك لم اهتم ان اسأل لماذا عادت للاقامة هنا
في ذلك الصباح عندما كان عم صابر يأتي لنا ببعض الاغراض سألته امي عن احوال هبة..قال لها وجهه الابيض محتقن بشدة من الحزن انها وضعت وليدا ميتا واصابها جراء ذلك شبه انهيار عصبي وانها تقضي بعض الوقت هنا لاراحة اعصابها بعيدا عن البلد

كانت هبة تقضي وقتها بين البكاء على طفلها المتوفي...وبين محاولة اثبات انه لايد لها في وفاته وان دمها ليس مسما

يقتل الاطفال كما اتهمتها حماتها...اغرقت هبة كل كوابيسها ومرارتها في العمل تعمدت ان تنسى البكاء لكي تقدر على الحياة..حصل كل ذلك وانا منغمسة في احوالي الشخصية..المح نظرة الحزن نعم.. ولكني لا اكلف نفسي عناء السؤال وربما التخفيف عنها قليلا كذلك


و يستمر معي مسلسل اللامبالاة معي..عندما ادرك اني لا اهتم بالسؤال عن صديقتي..تلك الصديقة الحامل والتي اعلم يقينا ان الحمل انهكها جسديا ونفسيا...لطالما كانت هشة
اريد حقا السؤال عنها ولكن دائما هناك شيئا ما يمنعني..القراءة او الكتابة او حضور المحاضرات واحيانا محاولاتي لفهم تلك المحاضرات...ولكنه غالبا ما يكون الحزن...يقولون ان كل ماتشعر به الام او تختبره ينتقل تلقائيا الى طفلها..اعلم بالتأكيد ان عدوى حزني ستنتقل اليها وبالتالي ستنتقل الى طفلها وهو الشئ الذي لا اريده...لا اريد له ان يشعر بالحزن...مازال الوقت مبكرا على اي حال..لا اريد له ذلك لاني احمل له مشاعر من نوع خاص..هو اول طفل يولد في مجموعتنا الصغيرة من الاصدقاء والتي تفرقت بفعل عوامل الزمن..هو اول طفل يولد نتاج لقصة حب حقيقة مكتملة النمو..لهذا يبدو ان الحزن الذي سيتسرب اليه بسبب مكالمتي يحتوي على بعض القسوة


هذا هو الحال... مع مروة وهيام وهبة الصموتة ابنة عم صابر..ورشا وسالي ونسرين واشرف وهبة وعمرو وشيماء


مؤخرا...اصبحت مصدر ازعاج لكثير من الناس..بسبب لامبالاتي بالطبع..يعتقدون اني لا اهتم..ويعتقدون اني مستهترة
حسنا..من صميم روحي اؤمن اني لست تلك الانسانة..لم اكن في يوم من الايام مستهترة او غير مبالاية..ولكن اليوم تسرب شبح الشك الى داخلي وهو يحاول اقناعي بأني كذلك...وبأن اتصرف على هذا الاساس..ذلك الصوت يقول بخبث شديد"اشمعنى انتي اللي تسألي على الناس"


عادة يكون الجواب حاضر وسريع وبسيط..اسأل عن الناس لاني احتاج الى الدفء البشري في كل يوم كما احتاج الى الهواء..اعلم اني لطالما ادعيت اني منطوية وافضل صحبة نفسي..ولكني اعلم تماما اني كنت كاذبة في ذلك


ولكني احيانا لا اعرف بماذا اجاوب اظل انظر الى السؤال في رأسي كطفل نسي فجأة جدول الضرب الذي استغرق في حفظه اسبوع بأكمله


اليوم انا هذا الطفل..ولا اعرف كيف اشفي نفسي



9 comments:

ابو على said...

انتى جميله اوى يا بسمه
كويس على فكره انك حاسه انك طفله

فيه ناس ومنهم بنت عم صابر حست ان العمر جرى بيها وتتمنى لو الوقت اللى عدى يرجع ولو ثانيه
اللامبالاه دى عند اغلبيه الناس على فكره
بس انتى حساها عشان بترهقى تفكيرك ف البحث عن خباياكى انتى
بس هيا جميله على فكره متدوريش عليها

سيبى غيرك هو اللى يدور


تحياتى

سكينة said...

سبب نسيان الطفل ما اجتهد في تحصيله زيادة القلق وخوفه من العقاب القاسي
....
أقول من ثاني يمكن أنتي خايفة تطالبي بحقك أن الناس تسأل عليك أحسن ياخدوا على خاطرهم وما يسألوش خالص
مع أن من حقك أنهم يسألوا
وأنا أول المقصرين وبعتذر
بس ما تخليش أحد الحاجات تلغى الأخرى فأنت محتاجة سؤال الناس عليك وكمان محتاجة تسألي عنهم
مش مهم مين يبدأ ومين يدي أكثر المهم تبادل العطاء
كي لا تجف روابط المحبة بيننا
أتمنى لك عشرة ذو الحجة رائعة ومثمرة

HAPPY said...

طب مدام انتى حاسه بكده ليه مش تحاولى تسألى عنهم؟؟
مش مهم بجد مين يسأل على التانى الأول وممكن يكونوا هما كمان حاسين نفس إحساسك..

عجبنى بجد أسلوبك فى السرد..
تحياتى

تــسنيـم said...

بيسوو بلاش تستجيبي لفكرة اشمعنى أنا اللي بسأل وغيري مبيسألش.. علشان أنا عملت كده قبلك وبقيت دلوقتي أنا الوحشة اللي مش عايزة تعرف حد
:(

utopian girl said...

مش عارفة أقولك ايه

بجد كلامك وجعني

كله

علي فكرة كتبتي نفس اللي حاسة بيه بالظبط

عموما ان شاء الله كل حاجة هتبقي تمام

خليكي علي ثقة مفيش حاجة بتدوم علي حالها

وبعدين الحمد لله ان في حاجات بتشغلنا

عشان تبعدنا عن دوامة التفكير السلبي

سامحيني لو قصرت في حقك و في السؤال عليكي

Unknown said...

هي بتكون فتره بس ياحبيبتي بسبب أحداث حصلت

شويه وهترجعي زي الاول واحسن كمان

يارب بس الفتره دي ماتطولش

soulmate said...

مين الى قالك انك عندك لا مبالاه انا مش حساها معاكى خالص ربنا يكرمك ويقربك دايما للناس كون انك مقصره مع بعض الناس لبعض الوقت فكل واحد غصب عنه حزنه على شىء ما او زعله او الدنيا بتخليه غصب عنه يبعد شويه بس بصراحه انتى عمرك ما قصرتى معايا

حاسوباتيه said...

اسأل عن الناس لاني احتاج الى الدفء البشري في كل يوم كما احتاج الى الهواء

حلوه جدا الجمله دي عاجباني قوي وهي حل مشكلتك
بصي خليني اكون صريحه معاكي ساعات بعمل زيك واقول هسال ليه مش هسال بس برجع واحن للناس وحبي ليهم بيكون اكبر من اني زعلانه منهم لانهم مش بيسالوا وبعد احط اعزار لكل شخص واقول معلش مشغولين معلش الحياه وبكلمهم واسال
وساعات برضو بقول لا خلاص مش هسال ولاقي فعلا هما الي بيسالوا يعني الموضوع عمليه متبادله كلنا بيمر علينا الوقت ده لازم نتخطاه
حاجه كمان مزعلاني منك انك ليه بقى سحلانه كده ياست البنات لا اتبسطي كده وفرفشي وهجيبلك شوكولاته يلا واخرجي من الجو الي انتي فيه ومن العزله بس
ده رايي وربنا معاكي واسالي عن صاحبتك الحامل ماشييييي دلوقتي حالا قووووووومي

basma saghir said...

ابو علي
:) لأ ياسيدي انا بحب ادور على خبايا نفسي بنفسي


سكينة
هو يمكن كلامك صح..بس انا لغاية دلوقتي مش متأكدة تماما من الاسباب الي ادت للحالة دي
وانتي فعلا ليكي وحشة :)

happy
صدقيني بحاول..بحاول جدا :)

تسنيم
تفتكري انا كمان هبقى كدة...انا بقيت كدة خلاص من زماااااااان بس غالبا انا مش واخدة بالي

utopian girl
مفيش حاجة بتدوم على حالها فعلا وكل حاجة بتتغير بطريقة سريعة ومخيفة ومربكة...سامحيني انتي انا عارفة اني مش بسأل زي زمان

اسراء
ياريت :)

مشمشة
الحمد لله اني مش مقصرة معاكي والا كانت هتبقى كارثة لانك اصلا من اكتر الناس اللي بتعبرني يابنتي...سيبك بقى من حزني وزعلي دول لانهم مش مبرر خالص والمفروض اني اتعودت خلاص ولا ايه :):)

جوجو
انا والله ببقى عايزة اسأل بس فعلا فعلا مش عارفة ايه اللي بيمنعني..يكونش يابت يا جوجو حد عاملي عمل اني مسألش على الناس :)
لأ انا مش سحلانة والله بس لو هتجيبي شيكولاتة انا ممكن ازعل عادي يعني
وعلى فكرة صاحبتي الحامل دي هتولد اخر شهر 12
:)