Monday, November 3, 2008

بعض القسوة مفيدة احيانا


فيما مضى كنت اعرف فتاة كانت تعتبر ان كل صباح هو بداية محتملة لقصة حب رائعة وسحرية وغير متوقعة


كانت تستيقظ مبكرة وترتدي افضل ما لديها من ملابس وترسم ابتسامة عريضة على وجهها وتضع في قلبها الكبير الكثير من السعادة والامل


لم تكن هذه الفتاة جميلة جدا ولا ذكية بما فيه الكفاية..وبالطبع لم تكن قد احبت من قبل....كانت فتاة عادية تخلو من اي شئ استثنائي..تفعل كما يفعل كل الناس..تركب الميكروباص في طريقها الى العمل ككل الناس...تتشاجر بسبب باقي الجنيه الذي يقسم السائق انه رده في حين انه لم يفعل...تأكل اللحم مرة في الشهر ومنتهى سعادتها عندما تساعدها الاقدار وتذهب الى السينما في العيد


كانت تمر بكل هذا وهي سعيدة ومبتسمة ومتفائلة...بسبب قناعتها التامة ان كل صباح هو بداية محتملة لقصة حب رائعة وسحرية وغير متوقعة


اليوم....وفي هذه اللحظة بالذات تعيش هذه الفتاة في عزبة الهجانة في شقة تتكون من غرفة وصالة تحيطها العن مجموعة يمكن تخيلها من الاطفال ...تنتظر بصبر اوشك ان ينفذ وصول زوجها سائق الميكروباص من عمله والذي يضربها كل يوم بسبب وبدون سبب على سبيل الرياضة


تفكر من خلال صخب اطفالها ان ذلك الصباح الذي كان من المفترض ان يكون بداية محتملة لقصة حب رائعة وسحرية وغير متوقعة..قد مر عليها عندما لم تستيقظ في ذلك اليوم الذي مرضت فيه ولم تستطع النهوش في الصباح الباكر...ربما اتى الحب ليبحث عنها ولم يجدها فقرر انها غير جديرة به


مقتنعة هي تماما ان الحياة تعاقبها على اضاعتها ذلك الصباح السحري...ولانها مقتنعة ايضا بمبدأ الثواب والعقاب فهي تتحمل ذلك العقاب برحابة صدر تحسد عليها...وتردد دائما وهي تضرب اطفالها بشبشب الحمام البلاستيك...ان بعض القسوة مفيدة احيانا


فقط عندما يمر عليها احد تلك الصباحات تتذكر قصة حبها التي لم تكن..ولكنها تفيق سريعا على قبضة زوجها وهي ترتطم بوجهها

18 comments:

حاسوباتيه said...

حكايه حزينه قوي سردك ليها رائع جدا جدا وفعلا سردك جميل وحكايه حزينه وللاسف بنسمع عنها كتير

بالتوفيق ليكي ياجميل وخلي البوسا الجاي فرايحي كده

امرأة تقول الذي لا يقال said...

يا عيني عليها

احمد said...

:)
عجبني البوست

esraa said...

:`(
وجعتيلي قلبي

زهرة الياسمين said...

انا كمان قلبى وجعنى

ROITER said...

بيسوووووووو
مش عارف اقولك ايه بس
انا عارف ان البنات عمرها ما حبطل تشتكى ابدا حتى بعد الجواز
عشان كده واخدين حقهم فى البلد دى تالت و متلت
مزعليش منى

ابو على said...

يا ساتر قلم ف الاخر كده

ادى جزاه اللى ميسمعشى كلمه بابا وماما

بيسوو said...

هاجر
هحاول والله ياهاجر...انتي عارفة دي اقل حاجة عندي :)

امرأة تقول الذي لايقال
مش كدة برضو...غلبانة قوي

احمد
يااااااااااااه..احمد عندي هنا مرة واحدة..فينك من زمان جد يا استاذ
يارب دايما كدة اللي بعمله يعجبك :)

اسراء
سلامة قلبك من الوجع..:)

زهرة الياسمين
انتي كمان الف الف سلامة على قلبك

roiter
ايه القر ده هو احنا ناقصين..والله حرام عليك البنت غلبانة جدا وكل يوم تنضرب علقة..فين الحق ده بقى

ابو علي
شفت ازاي :)

تسـنيم said...

هي فعلا ليست ذكية بما فيه الكفاية.. ليس لأنها أضاعت هذا الصباح الذي كان سيغير حياتها ولكن لأنها ظنت أن كل صباح هو بداية محتملة لقصة حب رائعة وسحرية وغير متوقعة

لا شئ في الحب سحري أو غير متوقع


أه والله العظيم


:)

حنان سعيد said...

ياااااا نهايه القصه صعبه اوووي
ولكنها تفيق سريعا على قبضة زوجها وهي ترتطم بوجهها

هو في قسوه اكتر من كده

ده غير قسوه وصعبوه احساس انها متنظره شيء لا تجده

بحيكي على اسلوب عرضك للقصه
تحياتي لك حبيبتي

أحسن تـستاهـل said...

يا بنت الاييييييييه؟

انا عايزة ف يو ماقابلك والله يا بيسو

هه

بس

بجد

مها ميهوووو

حمامة said...

وحشتينى الأول :)
مش بتسألي يا وحشة


القصة بجد ولا اروع
مش القصة بقى نفسها
الفكرة اللى ف القصة
يااااا
لا بجد فلسفة عالية اوى

تكرم عينك :)

اقصوصه said...

طيب يا ترى

صفعات زوجها المتكرره هاي

ما نجحت بإيقاظها

من هالحلم؟

بيسوو said...

تسنيم
تصدقي مكنتش اعرف..بس معلومة مخيبة للأمال بجد :(

حنان
مش مهم ابدا ان جوزها بيضربها المهم اللي انتي قولتيه انها مستنية حاجة والحاجة دي مش هتيجي ابدا..بس مين عارف..مش يمكن تيجي

مها
طب والله نفسي اشوفك جدا...قولي اني بس المعاد وملكيش دعوة :)

حمامتي العزيزة
انتي كمان وحشاني..ليكي فترة مش باينة
الفكرة اللي في القصة بقى..واللي انا نفسي اقوله..ان الحب من حق الجميع..زي ما القراءة للجميع كدة..الحب كمان
شفتي بقى الفلسفة

اقصوصة
لأ لسة...محتاجة حاجة اقوى من الصفعات علشان تفوقها...يمكن الصفعات دي هي اللي مخلياها متمسكة بحلمها اكتر

انت تسال والكمبيوتر يجيب said...

ايها الأخوه والأخوات اصحاب المدونات
ندعوكم لزيارة مدونة البرنامج الأذاعى الأول من نوعه عن النت والمدونات من الأذاعه الرئيسيه لمصر والتعليق على ما نكتبه من موضوعات لتذاع فى حلقات البرنامج.
البرنامج يذاع يوميا صباحا عدا الجمعه الساعه التاسعه وعشر دقائق.
والمدونه عنوانها
http://netonradio.blogspot.com

حمامة said...

ههههههه

القراءة للجميع
هوس بس
ده شعار ماما سوزان
هنهزر بقى

:D
مساءك شيكولاته بالبندق

بيسوو said...

وعلى ايه ابعد عن الشر وغنيله :)

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品