Friday, August 1, 2008

عيد ميلاد


مازلت لم افهم سر تلك الاهمية البالغة التي نعطيها لاعياد الميلاد...ماسر كل تلك الاحتفالات والتجمعات والهدايا
دوما نحتفل بمرور سنة اخرى من حياتنا بدون رجعة ولا ادري لماذا يكون ذلك حدث عظيم الى هذا الحد




فيما مضى كنت استمتع بحفلات اعياد الميلاد..حقا كنت استمتع بها ولكنها في الاونة الاخيرة اصبحت تمثل بالنسبة لي ذلك التذكير المزعج بأن الحياة تمضي..وان الاشياء تتغير..واننا نكبر وننضج رغما عنا
ربما كنت مخطئة...ولكني ارى قسوة شديدة في مرور الايام..ومضي عيد بعد اخر دون ان تتحق الامنيات التي تمنيتها


حين اطفئت شموع الاعياد الماضية...هكذا قالوا لنا..وليس ذنبي اني صدقت


يذكرني عيد ميلادي دائما بكل الاخطاء الماضية وكل الاخفاقات..يذكرني بكل من ذهبوا ولن يعودوا ابدا..يذكرني بمن

جرحتهم وبمن خسرتهم...يذكرني بأني مازلت غير مفيدة لأحد..وان لا احد سيفتقدني يوما ان غبت...ولكن برغم كل ذلك مازلت شاكرة وممتنة للنجاحات..وللاشخاص الذين لم يذهبوا بعد..مازلت سعيدة بسبب كل الذين احبهم بدون سبب او غاية.....ربما هي طاقة ايجابية غبية لا تعترف باليأس او بالحزن مع انه يلفنا...او رغبة قوية في عدم الاستسلام
نعم...رغبة قوية في عدم الاستسلام..تلك هي الحقيقة


يصادف ان الاول من اغسطس هو عيد ميلادي...وهذه السنة بالذات تنتابني رغبة قوية في الاحتفال بهذه المناسبة...ربما لاضفاء بعض الحياة للحياة..وربما حاجة شديدة للصخب...او لرؤية بعض الوجوه الغائبة عن عالمي...فقط الاحتفال يضعني في ذلك المزاج الذي احب نفسي فيه
سأحتفل وسأقول لنفسي كل سنة وانا هنا وكل سنة وانا بسمة برضو.. حتى وان لم يقلها احد ففي النهاية ما اهمية ان يتذكر احد وجودك ان كنت لا تتذكر نفسك اصلا

12 comments:

Anonymous said...

تعرفى كلنا بتنتابنا نفس مشاعرك دى
وتعرفى كمان انى زيك وعايزة اعمل احتفال لنفسى السنه دى ومعرفش لية نفسى اعمله يمكن لان دخل فى حياتى ناس جديدة وعايزة اشوفهم هيعملوا ايه وهيفتكروا ولا لا ممكن مش عارفة
بس برضة حاسة انى عايزة احتفل واغير شوية من الجو اللى الواحد فيه ده

وصدفة جميلة فعلا عيد ميلادك اول الشهر وانا اخر الشهر واخدين الشهر مقاولة
هههههههههههههههه

تخاريف خاصه! said...

كل سنه وانت طيبه...


كل عام وانت الى الله اقرب..وعن ناره ابعد..

:))))))))))))))

ابو على said...

مازلت لم افهم غلطه مطبعيه معلش
اسمها مازلت لا افهم
لو ينفع اقول مازلت لن افهم يبقى انتى صح

دينا فهمي said...

كل سنة وانتي بسمة (:
كل سنة وانتي أحسن من ما انتي متخيلة

ربنا يرزقك طول العمر وحسن العمل

Anonymous said...

عموما واضح ان ولاد الشهر الواحد بيحنوا لبعض
وانا اقول البنت دي عجباني ليه عجباني ليه اتاريكي يا بنت الاييييييه
عموما انتي ليكي وجهة نظر وانا بحس بيها ساعات
غير اني السنة دي مؤمنة بيها جدا ونفسي مقفولة قفلة من اليوم ده يختييييييي
عموما برضه كل سنة وانتي طيبة
وكل سنة تمر عليكي ربنا يجعلها احسن من اللي قبلها

سكررررررررررر

مها ميهوووو

FaceMoon said...

والله كلنا بيجيلنا نفس المشاعر خصوصا لما السن يكبر يوم بعد يوم
بس تعرفى الاحتفال بيبقى حلو برضة كفاية انك بتحسى ان ناس كتير فاكراكى وبتعيد عليكى وبيحتفلوا بيكى وكل سنة وانتى طيبة وعقبال مليون سنة

Desert cat said...

ياه كل ده علشان عيد ميلادك
كل سنة وانتى طيبة يا بيسو

بنوتة من وسط البلد said...

كل سنة وانتى طيبة عزيزتى
واكيد ما شعرتيه حقيقي
الموضوع ده برضة كان بيفرق معايا زمان اوى وكنت ببقى سعيدة ومستنية الهدايا الى هتيجي وهيبقى شكلها ايه .. مع الوقت بقيت انسى ان السنة دى هتم كام سنة ؟؟!! واصلا فارق احتفال من غيره

انا سبقتك بقى بشوية وكان فعلا احساسي السنة دى فعلا استغربته

لسا واحدة صاحبتى كلمتها يوم عيد ميلادها اعيد عليها .. قالتلى ماحدش يقولى كل سنة وانتى طيبة ماحدش يفكرنى باليوم المهمبب ده

انا بقى عندى 26 سنة .. عااااااااااااااااا

:)

المشكلة مش فى تقدم العمر .. المصيبة اننا بتقرب كل سنة من النهاية


ااااااه لو نعرف ونفهم

كنا اكيد هنبقى غير كده خالص

نكدت عليكي وعلى الى خلفووكى زيادة :)

بس برضة كل سنة وانتى بصحة وسلامة يا قمر

:)

basma saghir said...

بوس بوس
انتي عرفتي اني فعلا هحتفل بس حاجة صغيرة قوي كدة..بس برضو اسمها حفلة
يلا خلي البسمات يستولوا على الشهر ده :):)

تخاريف خاصة
وانتي طيبة...أمين

ابو علي
ومنكم نستفيد

دينا
يارب يا دينا

مها
المعلومة دي خطيرة جدا على فكرة..سبحان الله فعلا ولاد الشهر الواحد بيحنوا لبعض...بس يامها انا اصلا اليومين دول غيرت رايي وهعمل حفلة اي نعم مازلت مقفلة من اليوم بس هعصر على نفسي فدان ليمون وهعمل حفلة..ابقي تعالي
وانتي طيبة

facemoon
مش كدة والنبي...وانتي طيبة وكل سنة تفضلي طيبة :):)

desert cat
وانتي طيبة ياقطة

بنوتة
لا بالنوسبة لموضوع الهدايا فا انا نسيته من زمان..الناس بقت مقشفة قوي معرفش كدة ليه :)
نهاية ايه بس..صلي على النبي....وصحة ايه بقى ما خلاص مش هعرف استفيد منها مش النهاية قربت؟ :)
لالالا ولايهمك انا اصلا متنكدة جاهزة..نورتيني والله

حمامة said...

كل سنة وانتى طيبة
كل سنة وانتى معانا
:)

يمامة شاردة said...

كل سنة و انتي بألف خير

كل سنة و انتي جميلة :)



أنا عارفة بجد إنها متأخرة تلات شويات أو اكتر

بس ماكنتش بدخل نت خالص

سامحيني

:)

basma saghir said...

حمامة
كل سنة وانتي اطيب واكتر انطلاقا وسعادة :):)

يمامة
وانتي طيبة يا يمامة وياستي ولايمك اساسا انا بحب المعايدة المتأخرة تلات شويات او اكتر :)