Thursday, June 19, 2008

طق حنك3


سوف ابكي..مرة واحدة في الاسبوع لمدة ساعتين ونصف...هكذا لن يبقى عندي دموع عندما ارى شيئا يستحق البكاء فعلا..لن يظن احد اني اهوى البكاء او الشكوى من لاشيئ


سوف ابكي الان...لمدة نصف ساعة فقط...فقد ذهبت جميع الذكريات الحزينة لتنام وتركتني وحيدة ولا استطيع البكاء الا في حضورها


سوف ابكي وانا وحيدة ولن اسمح لاحد ان يرى هذه الدمعات..ولا ان يسمع ما اقوله وانا في حالة البكاء


سوف ابكي من القلب عل البكاء يكون بديلا للضحك الذي لا يخرج من القلب...في الحقيقة لاشئ في القلب

سأشاهد ذلك الفيلم الحزين...واسمع تلك الاغنية المؤلمة...واقرأ رواية لا تعج بالفراشات والازهار الملونة ولا يتزوج البطل البطلة في النهاية
سأنتظر وانتظر وانتظر....ولا احد يأتي ولا شيئ يتغير...لا البكاء سيتغير ولا الضحك سيخرج من القلب ولا القلب سيتوقف عن احتواء الاحزان بكل شهامة


وانا كل ما اقول التوبة يابويا ترميني المقادير


تترد تلك الجملة في ذهني يوميا بكل سماجة...بكل انتظام...تخطر على بالي كلما خطر هو على بالي...ولماذا يخطر هو على بالي من الاصل...ربما كنت في احتياج الى ان اتوب عن هذا الفعل..اعرف ان منير كان مخطئ حينما قال حبك مش ذنوب..ربما كان الحب خطيئة ونحن لا ندري..و ربما كان كذبة كبيرة ونحن لاندري


حقا لادري ماهي الحقيقة


الحقيقة...دائما مرعبة..او مريعة او هي فقط لا تحتمل ولكنها في النهاية الحقيقة..كالدواء المر الذي يأبي الطفل ان يستسيغه ولكنه الوحيد القادر على شفائه


الحقيقة...؟ الحقيقة هي ان الحياة اكتسبت معنى جديد..ولكني تلك الفتاة التي جاءت متأخرة عن الحفل فلم يرها الامير ولم يقع في حبها...الحقيقة انني تلك الفتاة التي لم تنسى حذائها الزجاجي على درجات القصر ليجدها الامير ويتزوجها...الحقيقة انه دور لفتاة اخرى..انا فقط اشاهد من بعيد..ابكي احيانا وابتسم احيانا..وفي النهاية اظل متفرجة


في النهاية مازلت لادري لماذا تسرق النهايات السعيدة منا بهذه القسوة؟




13 comments:

قلب يحترق said...

مش عارفة ليه لما بيتقفل باب بنقعد نبكي ادامه

لو مش هو ده باب الامير بتاعك اكيد هو باب واحدة تانية و انتي بابك غير الباب ده

دوري و هتلاقيه

واكيد الباب الاول كان باب غلط

مش بتاعك

اصبري و خلي عندك دايما امل

وأنت من يزيد وهج الأمل أو يطفئه للأبد

قهوة بالفانيليا - شيماء علي said...

أنا بقى مش هاقولك دوري
الحب عمره مابيرح للي بيدور عليه
دايما اليل بيدو رعلى الحب بيتكعبل ف يناس مالهاش معنى
الحب جماله انه معجزة
بييجي لوحده
محدش بيجيبه او بيترجاه ييجي
انا عاوزالك تمسحي دموعك عشان تشوفي الطريق
و الفارس هييجي أكيد هييجي .. بس انتي استنيه
كلامك جميل يا بيسوو
انا مبسوطة بزيارتي ليكي جدا

امرأة تقول الذي لا يقال said...

ممكن النهايات السعيدة بتتسرق مننا مرة.. ومرات
لكن في النهاية هتحظي بواحدة (:
والله إن شاء الله هيبأى لك نصيب في النهايات السعيدة زي بقية الناس
بس الواحد لما بيحصل معاه موقف ومواقف تخليه يشك في قدرته على إنه يبأى زي بقية الناس اللي عايشة حياتها بطبيعية مابيبآش مدرك ساعتها إن نصيبه مكتوب بس هو لسه مجاش
وبييجي
ماتقلقيش (:
والله بييجي

حمامة said...

ألم نقل ان الليالي القادمات مشرقة ؟
لم الحزن إذاً
:(
رغم ذلك أعبجبتنى جداً
وخاصة تلك الكلمات


الحقيقة...؟ الحقيقة هي ان الحياة اكتسبت معنى جديد..ولكني تلك الفتاة التي جاءت متأخرة عن الحفل فلم يرها الامير ولم يقع في حبها...الحقيقة انني تلك الفتاة التي لم تنسى حذائها الزجاجي على درجات القصر ليجدها الامير ويتزوجها...الحقيقة انه دور لفتاة اخرى..انا فقط اشاهد من بعيد..ابكي احيانا وابتسم احيانا..وفي النهاية اظل متفرجة

في النهاية مازلت لادري لماذا تسرق النهايات السعيدة منا بهذه القسوة؟

esraa said...

ماهو في أمير تاني بيجي متأخر بردو

خليكي فاكره الجمله دي عشان يوم مايجي تقولي ان انا اللي قلتلك انه جاي

ماشي؟

أحسن تـستاهـل said...

في النهاية مازلت لادري لماذا تسرق النهايات السعيدة منا بهذه القسوة؟

انتي بتسألي السؤال ده،، وانا ساعات بسأله،، انما ارجع واقول اننا السبب،، عارفة ليه؟ عشان من كتر ما النهايات دي بتضيع مننا بسهولة ما بقاش عندنا اراده تساعدنا اننا نمسك فيه ونقولها ما تمشيش عايزينك
مات احساسنا بعوزتنا للسعادة،، ساعات بنألف التعب والحزن،، بس ده غلط علينا

الجملة دي أصلها سمعت معايا أوي

بيسوووو،، كلامك حلو واحساسك واصل

مها ميهوووو

بيسوو said...

هبة
انا مش مستنية قدام باب..وطول عمري اصلا بكره الانتظار..بس برضو طول عمري عندي امل وبقاوم انه ميضيعش مني..ومش هيضيع ان شاء الله


شيماء علي
بحب القهوة اللي بالفانيليا جدا :)
معاكي حق..وحلوة قوي كلمتك دي..ان الحب معجزة...انا كمان مبسوطة انك جيتي ياشيماء


دينا
كلامك بيطمن قوي يا دينا..ومنطقي جدا على فكرة بس انتي عارفة طبعا الانسان دايما مستعجل..على ايه متعرفيش...يمكن دي حاجة في دمنا مولودين بيها


حمامة
دي لسة الليالي هتزيد اشراقا اكتر من كدة بكتير...اصبري عليا انتي بس



اسراء
هفتكر ياستي...ولاتشيلي هم خالص :)


مها
قصدك يعني اننا بنحب نعكنن على روحنا ولا ايه؟
الظاهر ان معاكي والله يا مها...الظاهر فعلا ان في حاجة اسمها ارادة نكد

المـــفـــــــقــــــــوعـــــة مــرارتـهــا said...

احيانا يتحول الحزن والبكاء الا هواية
ياتري احنا بنحتاج للحزن عشان نعيش
انا فعلا تلاقيني ساعات قاعدة بأتفرج علي فيلم يقطع القلب وانا مصممة أكمله للآخر

ابو على said...

ايه دا انا جيت متأخر اوى

وهو ليه يطق الحنك متخلى اى حاجه تانيه تطق

ابو على said...

بعد قراءه متأنيه ف التلت اجزاء واللهى برده اانا لسه عند رايى فيكى
انتى حالمه اوى يا بسمه خياليه جدااااا
انا عارف ان ليكى اكيد قصه منتهتش النهايه الى انتى عايزاها
بس متقفيش عندها ودورى على غيرها ولا بلاش تدورى هيا مع افعالك بالصح او بالغلط هاتجيلك ودا كله مبنى على ردود فعلك
الفرص بتيجى مره بعد مره بس امسكى وتبتى فيها بايدكى وسنانك
لو هاتضحى حاجات تانيه اهم
شوفى كل الناس هاتنصح فيكى وانا برده عملت كده بس انتى الى عايشه الدور الاهم ف الحكايه دى كلها
انا بدعيلك ان ربنا يوفقك ويهديكى للخير دايما
دا كل الى نقدر نعمله
ويا ستى فيها ناس عايشه كده مش عارفه حتى يعنى ايه ناس بتحب تفتكرى الناس دى عايشه ازاى
يلا اشوفك على خير

امرأة تقول الذي لا يقال said...

والله يا بنتي الكلام ده عن تجربة (;
أنا كنت آخر حد في الدنيا أـخيل إني ممكن أبأى طبيعية زي بقية الناس
بس الحمد لله (:

ثقي بالله

blue-wave said...

تسرق مننا النهايات السعيدة لأننا لا نفكر جيدا فى البدايات
بوست رائع
تحياتى

بيسوو said...

المفقوعة مرارتها
الظاهر اننا فعلا كدة...من هواة تعذيب الذات

ابو علي
ربنا يكرمك يا ابو علي...مقتنعة جدا بكلامك..ومصدقاه..بس تقول ايه في الناس اللي مخها راكب شمال..زيي كدة :)

دينا
الحمد لله ان ثقتي بالله مش متزحزحة ابدا...ودي نعمة

blue-wave
معاك حق..معاك حق جدا جداجدا
:)