Wednesday, June 4, 2008

طق حنك 2


يبدو ان الليالي القادمة ستكون مشرقة كهذه الليلة.


..انتهى معسكر التعذيب..وانتهت الكوابيس التي كانت تنتهي دائما بأن الوقت لايكفي..دائما لايكفي...من لم يربيه اباه وامه تربيه الايام والليالي..والمحاسبة الايام...والادارة الليالي...تذكرت تلك الكلمة التي قالوها لنا في بداية دخول الكلية وانا اسلم اخر ورقة اجابة للمراقب الذي كان يبدو بشوشا على غير العادة...يقول لي بابتسامة عريضة نشوفك السنة الجاية ان شاء الله..ابتسم له بدوري واقول في سري...في المشمش..انا خلاص براءة


حسنا...كنت اقول ان الليلة مشرقة..كما ستكون كل الليالي القادمة-كما اتمنى-وان الغد يحمل الف الف احتمال...والف الف بشرى..والف الف مفاجأة....في الحقيقة لا اعرف كيف تكون الليالي مشرقة..هل تتسرب اليها رائحة الياسمين من زجاجة عطر قديمة فتشرق...ام عندما تشعر ان روحك خفيفة كريشة بيضاء...ام عندما تستمع الى نغمة ما وتخطو الى قلبك بكل سلاسة ولا تستطيع ان تبعدها عن تفكيرك...ام عندما تتسلم رسالة تقول لك ان شيئا ما مازال موجودا ولم يخفت كما كنت تظن


كم اتمنى ان تكون الليالي القادمة مشرقة كهذه اللية


في ذلك اليوم فاجأني منير بطعم البيوت...كانت مفاجأة اكثر من سارة...من البداية اسرتني لو كان لزما عليا الرحيل كارهك ياوداع...ولابديل..والمستحيل اني امسح دمعة..مستحيل اخبي لوعة..طب ليه تغيب عني ولايوم تطمني ده انا لما اكون جنبك يطلع نهار

اسرتني الكلمات واللحن وطريقة الاداء..واضفت لونا جديد على اليوم...لونا رائع ان تحرينا الدقة


كم اتمنى لو ان لون الايام يظل رائعا


اول محطة بعد اطلاق السراح كانت وسط البلد...كل من يعرفني جيدا يعرف اني لا اطيق وسط البلد...ويدهشني اولئك الذين يكنون عشقا خاصا لها...ولكن انا..علاقتي بوسط البلد علاقة غريبة..لا اطيقها حقا ولكني لا استطيع مقاومة اغراء من يدعوني للذهاب اليها...لا استطيع مقاومة اغراء ان اتمشى في شارع وادخل في شارع اخر..ليتلقفني شارع ثالث..وينتهي بي الامر لنفس الشارع الاول...المتاهة...اعشق متاهات وسط البلد العسيرة على فهمي المتواضع


كم اتمنى لو كنت اطيق وسط البلد قليلا


في النهاية يسعدني حقا ان معسكر التعذيب انتهي وان نسائم الحرية بدأت تفقد قليلا من خجلها...وتأتي لزيارتي...يسعدني اني لم انسى ماهو الضحك بعد...يسعدني طعم البيوت الذي ارى ان وقتنا هذا كان انسب وقت لنزوله بالفعل...تسعدني الليالي المشرقة


ويقلقني الترقب...ولكني لن ابالي به الان


...................................................................


يالون ربيع وردي...الحزن مش قصدي

ده انا فرحي شوف قدي..طارح نهار


13 comments:

واحد مش فاهم حاجة said...

رابع مدونة ادخلها فى عشر دقايق

وتتكلم عن العلاقة بين منير وحالتهم


كنت خايف يكون تاثير الالبوم عليا انا بس

وانة قدر يوصل بيا لحالة الانتخة

وانى ابقى عامل زى اللى قاعد عالقمر ومدلدل رجلية

بس الحالة عامة

وكل واحد على طريقتة

حمامة said...

يا بختك يا بيسوووووووو
حلصتى
:(
عقبالى يارب
ربنا يوفقك يا عسولة
انا بقى بحب وسط البلد مع انى بكره الزحمة والشمس والحر لانى دايماً بنزلها الصبح
لكن زيك بحب انزلها موووووت

بحب حالاتك موت
هستنى بوستات الاجازة بقى

اكيد هتبقى ملونة ومشرقة اكتر
:)

Camellia Hussein said...

لولولولولي مبروك يا بيسو
وبالنجاح ان شاء الله
عقبال ما اجي ازغردلك يوم نجاحك كدة يا اوختشي ان شاء الله

dyin_soul said...

جميلة في كل حالاتك

ومنير حالة مشتركة وفعلا الشريط الجديد جميل جدا وأكتر أغنية عجبتني كانت الرحيل

سمعت لينا شماميان و كانت ساحرة

زي اللي قالتلي عليها

عموما هتندمي انك خلصتي

كانت احلي ايام والله يابت

وبكرة تقولي كدة

momken said...

بالنجاح ياستى ان شاء الله وتبقى زومل
انا بحب وسط البلد لو همشى على رجلى لكن لو بالعربيه انسى يا ماما نو
ابسلتولى ابدا

اما منير فده روحى روحى روحى

وكل حاجه بيقولها ليها مردود جوايا حتى لو قال ريان يا فجل
او غنى للخنافس

تحياتى

حاسوباتيه said...

وحشاني وحشاني وحشاني وواحشاني مدونتك موت موت واخيرا رجعت بعد الامتحانات وايام التعذيب صحيح فعلا ايام تعذيب الحمد لله عدت
بالنسبه لمنير واضح انه جامد كالعاده انا لسه هسمعه قريب ان شاء الله
تحياتي ياقمر

أحسن تـستاهـل said...

اهلا بيكي في الاجازة
اهلا بيكي في الفرااااااااخ
أصدي الفراغ
بلاش ترقب وما تبقش متحفزة كده خلي الدنيا تمشي معاكي ايزي ايزي

بيسو،، اول زيارة ليا عند
الاقيش عندكو شاي بلبن؟؟؟
:)

بيسوو said...

واحد مش فاهم حاجة
الظاهر ان الالبوم بقى ظاهرة عامة فعلا..وكل واحد شايفه من وجهة نظره...بس في النهاية مفيش احلى من انك تبقى قاعد على القمر ومدلدل رجليك :):)

وائل
اقولك ازاي..هو انا اعرف انت فين اصلا ولا فين اراضيك...عموما المرة الجاية هبقى ابعتلك تلغراف..ومستعجل كمان..ابقى كررها

حمامة
والله يا حمامة يختي قدر ولطف والحمد لله انها جت على قد كدة...وخلصت واخيرا.:)
اما بقى وسط البلد فا بتبقى في احسن حالاتها في الشتا سيبك من موضوع انك تنزلي في الحر مش هتعرفي تشوفي اي حاجة من كتر الشمس اللي هتسيحك دماغك..اسمعي كلامي وقاطعيها لغاية الشتا الجاي
حلوة بوستات الاجازة دي :)
معايا مش هتقدري تغمضي عينك...نورتيني

كاميليا
الله يبارك فيكي...يسمع منك ربنا

هبة
منير ولينا واميمة وكاميليا جبران وفيروز...كلهم عالم دماغ اصلا :)
دايما كانوا يقولوا اني هفتقد الايام دي..وشكلي فعلا بدأت افتقدها حتى من قبل ما تنتهي بجد...عموما ياستي مبروك ان الغمة انزاحت


ممكن
وسط البلد مبتحبش العربيات...والعربيات مبتحبش وسط البلد...عمرك ماسمعت الجملة دي ولا ايه؟
تعرف لو منير قال ريان يافجل هنصورها على ان الفجل ده هو مصر وانه بيتمنلها الازدهار..وبلاش خنافس علشان انا لسة راشة المكان :)

هاجر
كفارة يا اوختشي..عقبال الدراسات يا جوجو..الا قوليلي ايه رايك في الموضوع الخطير ده؟

مها
اهلا بيكي في الفراخ والحمام واي نوع اخر من انواع الطيور..على فكرة انا بقيت اتشائم من موضوع الايزي لاني فاشلة جدا فيه مبعرفش ابدا اخلى الحياة تمشي ايزي..وهي دي لعنتي
بقولك ايه يا مها شكلك مدمنة شاي بلين زيي وعلشان كدة هقولك على المخبأ السري بتاعي..بصي اول باب وانتي داخلة المدونة على اليمين هتلاق فيه الغلاية والشاي والسكر واللبن والبقسماط وكل حاجة نفسك فيها..هيلب يور سيلف بقى :)

بنوتة من وسط البلد said...

كده يا بيسو
مالك بس زعلانة ليه من وسط البلد

بصى علشان تنزلى وسط البلد وتحبيها ما تبصيش تحت .. بصى لفوق :)

انا بتكلم بجد .. شوفى شكل المبانى .. تخيلي شكل زمان .. افتكرى ايام الطرابيش .. والخواجات

صحيح ممكن وانتى ماشية تلاقى واحد اداكى بالكتف من الزحمة

علشان كده انا شخصيا مش بنزل بليل غير للشديد القوى

فرصة وانتى اجازة استمتعى بشوارعها فى الصبح

بس برضة وسط البلد وسط البلد

عًٍمًرٌٍوٍ آلنْوٍبٌَِى said...

الظاهر فعلا ان البوم منير اثر على ناس كتير بطريقة ايجابية
على العموم الف مبروك انك خلصتى من دوامت الامتحانات والكلية
وخلى بالك بعد كده وانتى نازلة وسط البلد علشان فعلا انتى زى ما قولتى هى متاها كبيرة اوى تلفى تلفى وتلاقى نفسك فى اول مكان كنتى فية

امرأة تقول الذي لا يقال said...

اعشق متاهات وسط البلد العسيرة على فهمي المتواضع
((:
وانا بحس نفس الإحساس
مش إحساس العشق
لا إحساس المتاهة (:


كفارة ((:

بيسوو said...

بنوتة من وسط البلد
لا انا مش زعلانة ولا حاجة...انا بس مخنوقة :)
هحاول اعمل كدة علشان انا بجد نفسي احبها..ومتخافيش عليا انا اللي يديني كتف اديله زغد

عمرو
الحمد لله اصلا انه اختار الوقت ده بالذات ينزل فيه..
في وسط البلد بحس اني في بيت جحا :) وبلعب كتير هناك

امرأة تقول الذي لايقال
اصلا الحياة متهاة كبيرة...مجتش على وسط البلد الغلبانة يعني :)
شفتي الدرر اللي بقولها :)

قهوة بالفانيليا - شيماء علي said...

فعلاً
ألبوم منير تحفة
و ربنا يجعل ايامك كلها سعادة و فرح يا بيسو