skip to main |
skip to sidebar
- ايه رأيك في اللوك الجديد؟
تجنني والله
بجد؟
وحياتك عندي تجنني
طب تعالي اضبط نفسي في الحمام شوية قبل ما يجي
بقلك تجنني
معلش..انا خايفة يتصدم لما يشوفني
..................................................
بجد نفسي اتجوز واحد طويل وعريض
لأ..بلاش تقولي كدة
ليه..دي احلام
برضو بلاش..كل الي اتمنوا كدة اتجوزوا واحد قزعة وقصير
!!!!
...................................................
عايزاكي تنزلي معايا بكرة
على فين العزم ان شاء الله
عايزة اشتري جزمة
تااااااني؟...انتس مش لسة مشترية واحدة من اسبوع
عادي بقى..انا مريضة بالجزم وانتي كصديقة واجبك انك تقفي معايا
ربنا يشفي
.....................................................
كلمني...شكرا
انتي مش هتبطلي الرسالة دي بقى...يارب يلغوها
ايييييه في ايه مكسلة اقوم من تحت البطانية واكلمك
يعني انا الي مش مكسلة
- اه بس انا ارفع منك بكتيير والبرودة بتأثر فيا اكتر منك
- افحمتيني بصراحة
- ميرسي
.....................................................
الواد ده أمور قوي
الا صحيح قوليلي
خير؟
هي أمور بالالف ولا بالقاف؟
ربنا يهديكي ياحبيبتي ارحمي امي بقى
................................................................
خسي شوية بقى علشان تبقي زي المزة دي
مين قالك بقى اني عايزة ابقى مزة؟
كل البنات عايزين يبقوا مزز
طيب شايفة الراجل ده؟
ماله؟
اراهنك انه لما هيعدي هيعاكسني
لما نشوف
"أموت انا في الشكولاتة"
شفتي...يابنتي انا مزة كما خلقت المزة لتكون
................................................................................
كلميها بقى...عايزين نروح نباركلها وبالمرة نتفرج على شقتها
- طيب على اخر الاسبوع كدة
ااااه وبالمرة نشوف الي بيتجوزوا دول شكلهم
ايه يابت الحرمان ده...عمرك ماشفتي حد متجوز
لا بس دي وضع خاص
اشمعنى؟
علشان دي من شلتنا....وكل سنة وانتي طيبة..ويارب بقى فك عقدتنا
ههههههههههههههههههههههههههههههههههه
........................................................................
بحب محمد منير قوي في اغنية لولا السهر
اشمعنى؟
علشان لما بيقول: النجمة البعيدة..شافتني وحيدة جات تسأل عليا وباست عينيا..قالت لي حبيبك باعتلك هدية..بيقولك بحبك قد الدنيا ديا...قالتلي حبيبك باعتلك هدية بيقولك بحبك.بحبك..بحبك قد الدنيا ديا...بحس انه بيقولي انا بحبك
ياضنايا يابنتي..صعبتي عليا...بحبك بحبك بحبك
.............................................................
هو بيبصلي كدة ليه؟
عادي ياماما...يمكن معجب ولا حاجة لاسمح الله
ايه ده....ده جاي علينا
"لو سمحتي فين شؤون الطلبة"
المبنى الجاي
"شكرا"
مش قلتلك معجب..معجب جدا
ههههههههههههههههههههههههه
.........................................................................
انا تطنشني ومتردش عليا...بس لما اشوفها
يمكن ما اخدتش بالها
لالالالا بجد بجد لن انسى لها هذا الموقف..ده احنا عشرة 6 سنين..كدة عيب
طب وريني الموبايل كدة ونحاول نكلمها تاني
كليمها انتي..انا لساني مش هيخاطب لسانها ليوم الدين
ايه ده؟
في ايه؟
ده مش رقمها يا اذكى اخواتك
مش رقمها...انا خبطت في الحلل مش كدة؟
حكمتك يارب!!!
..........................................................................
تعالي بقى نروح جيم ونلعب ايروبيكس شوية
ياصلاة النبي..مين الي هيعمل كدة ان شاء الله
احنا
اااااه..مع نفسك ياماما
يابنتي خليني نروح نفك الكبت الي عندنا شوية بدل ماننفجر
كبت ايه بس يا حبيتي..دي كلها اوشاعات
مفيش كبت يعني؟
لا
أمال ايه كمية الاكل الغريبة الي عمالة تاكليها دي؟
ايه جعانة
..........................................................................
على فكرة انا بحبه قوي وكل حاجة بكتبها بكتبها عليه
دي حاجة كويسة وظاهرة صحية على فكرة
لا انا حاسة اني مش كويسة..حاسة اني بتسحب..بتخطف
وليه كل ده؟
بحبه
المصيبة بقى انه عبيط ومش دريان
اه هو فعلا عبيط
..........................................................................
عارفة نفسي في ايه في عيد الحب الجاي
استغفر الله العظيم..في ايه؟
نفسي في معجب مجهول يبعتلي كل يوم في ورد احمر...وهدايا مش لازم تكون غالية قوي بس اكون بحبها..وانا اعمل نفسي متنرفزة بس من جوايا هبقى طايرة من الفرح...مش انتي كمان نفسك في كدة؟
ياحبيبتي كلنا نفسنا...بس للاسف محدش بقى يفكر كدة..بدل فلوس الورد هيقول ما اجيب بيه حاجة تنفعني احسن ولاحتى اتنين كيلو تفاح
منك لله...انا غلطانة الي بتكلم مع واحدة زيك
..........................................................................
معرفش ليه حاسة اننا مش هنكمل مع بعض
ليه...مش هو ده الي كنتي بتقولي فيه معلقات؟
مش عارفة بقى..مفيش اي نوع من انواع الحوار بينا
خالص
خالص؟..- .المفروض اني ابقى اقرب انسانة ليه..بس هو حتى الحاجات الي مضيقاه مش بيرضى يحكيهالي
يمكن من عايز يضايقك ويشغلك
محدش قاله يعمل عليا وصي..وانا مش تمثال كريستال هيتكسر مع اول مواجهة مع المشاكل..انا جامدة
اقلك...ابعتيله جواب
تصدقي فكرة...بس يارب ميقولش عليا هطلة
ههههههههههههههههههههههههههههههه
........................................................................
هنجيبلها ايه بقى؟
نجيبلها ايه في ايه...مش فاهمة
يعني هندخل عليها وايدينا فاضية...ميصحش
انا مش هدفع اكتر من عشرين جنيه..اه...انا مش حمل المصاريف دي
يخرب بيت النتانة ياشيخة
مانتي اصلك مش فاهمة حاجة
وحياة ابوكي تفهميني
مهو انا لازم اجيب طقم جديد البسه وانا رايحلها..مش معقولة هروحلها بطقم قديم..علشان الواحد برضو يدخل بقيمته وكمان علشان متشوفش نفسها علينا وتفتكر نفسها ياما هنا ياما هناك علشان اتجوزت
يخرب بيت دماغك..فيها ايه دماغك دي..جزمة قديمة؟
.............................................................................
انتي يابت انتي على فكرة مبتعرفش تلبسي
اشمعنى؟
ايه الي انتي لابساه ده؟
ماله...عادي يعني
عامل زي لبس فاتن حمامة في مسلسل ضمير ابلة حكمت...انا لازم اعملك تغيير جذري في شكلك العفش ده
تصدقي بالله...فكرتيني بجويل في برنامج بالصراحة احلى
ههههههههههههههههههههههههههههههههههههههه
....................................................................................
الو
ايوة
ايه ده....مال صوتك...انتي معيطة؟
لا
تبقي معيطة...مالك؟
تعبانة قوي..حاسة اني لوحدي خالص..محدش معايا
لوحدك ازاي يابطة...واحنا رحنا فين...بطلي هبل وحياة ابوكي
انا بحبك قوي على فكرة
وانا كمان بحبك على فكرة
........................................................................
نفسي افرح..مش عارفة افرح...كل حاجة حواليا بتخنقني..حاسة اني بقيت لوحدي من ساعة ماسابني..ضعيفة..هشة قوي..كل حاجة بتجرحني
يابنتي ابوكي ده من اهل الجنة وهيبقى جار الرسول ان شاء الله علشان ربى بنتين واحسن تربيتهم
يارب
الله يرحمه
وليه بقى البوسة دي؟
مش عارفة..يمكن صعبتي عليا...ويمكن بحبك..ويمكن من غير سبب خالص
ميرسي
اي خدمة
.................................................................
بسمة...بسمة...بتعملي ايه؟
ولاحاجة..بكتب كل كلمة بنقولها
ليه يابت..ناوية ترفعي علينا قضية؟
لا..بس حاسة انكم مهمين قوي لدرجة اني اكتب كل حاجة احنا بنقولها...وانا بحبكم
ايه الكلام ده يابت...انتي بتقولي شعر
والنبي والنبي متبوظوش اللحظة الشاعرية دي
شاعرية بالسكر...هع هع هع هع هع هع هع هع
......................................................................
22 comments:
ههههههههههههههه
رغم انى عمرى ما هفهمكم
لكن شكراً على الأحاديث دى
ههههههههه
تحياتى
اجمل حاجة في الدنيا الحوارات اللي بتكون بين الصحاب خصوصا لما بتكون في بينهم لغة تفاهم بالشكل ده
حلو قوي المواضيع اللي اتذكرت في الحوار ده
تحياتي
هههههههههههههههههههه
لأ فعلا لمة بنات بنات يعني
احييكي يا بيسو على انك قدرتي تجمّعي المواقف وتكتبيها بالشكل العفوي ده
لأنو معظمنا بتحصل معانا مواقف زي كدة
بس هاتي الي بفتكر :D
عجبتني جدا لغة الحوار المستخدمة
:D
تحياتي العميقة
طبعًا فاضل كلااااام كثيييير لسـه ما كتبتيهوش ، هوا فيه أصلاً أكثر من رغي البنات ،،،،،
بـــس حلو برضوووو
.
.
تحياتي ، إحنا موجودين أهه
إستمتعت جدا بالمة دي وبكلامهم
تحياتي
اه فعلا
البنات بتوع اليومين دول اكترية كلامهم بيبقى بالشكل ده
مش كلهم اكيد
بس تقريبا الاغلبية
تحياتى ليك
باموت في قعدات البنات دي احلى حاجه اصلا في الدنيا ربنا مايحرمنا منها
وجميل قوي قوي كلامك يا بيسو وكله صح
ههههههههههه
كلامك لذيذ اوى بجد
انا هابطل اقرى رجل المستحيل واقرى الحاجات بتاعتك دى:d
هههههههههههههههههههههه
كميلة اوى اوى اوى
الحوارات دى
والله فكرتونى باصحابى من ايام المدرسة
ربنا يخليكوا لبعض
تحياتى
سلام
اختك خيخة
شريف طلال
والله احنا ابسط من البساطة ذات نفسها
عموما العفو ياسيدي اي خدمة
انا حر
اي نعم احنا بنخبط في بعض كتير بس متفاهمين معظم الوقت...شكرا على مرورك
علا
لالالا..في من ده كتير قوي والغريبة انه كل ما بنتجمع بتحصلنا حاجات غريبة ومصايب كأننا بنجيب النحس لبعض..
تحياتي الاعمق :)
ابراهيم
لا الرغي كتير ومفيش اكتر منه..دي مجرد عينة..وخليك موجود على طول
the alien
شكرا على المرور...تحياتي
مدحت محمد
مش فاهمة شكل ايه بالضبط؟؟
حاسوباتية
ربنا يختي مايحرمنا منها يارب..هي الي مصبرانا
ابو علي
لا انا ايش وصلني لرجل المستحيل..انا على باب الله ياعم
خيخة
هما دول الي هيسندوكي لو جالك اكتئاب لاسمح الله وكل واحدة تجيلك البيت وهي جايبة ايشي ايس كريم وايشي شوكلاوتة لزوم تخفيف الاكتئاب
والله مش هاين عليا اقولك ياخيخة..بس انا ممكن احورها واخليها خوخة ايه رأيك :)
جميلة اوى وواقعية اوى
هو ده الحوار اللى بيدور بجد بين معظم البنات وجميل اوى انك تكتبيه علشان تفتكريه لما يمر وقت طويل
ربنا يخليكوا لبعض يارب
:)
ايه الجمال ده يقمر
لالالابجد تحفه
مستنيه الجديد
هههههههههههههههههههه هما البنات بعينهم
بجد اسلوب جميل وحوار احلى وفكرتينى بصحباتى وكلامنا اللى مبيخلصش
ربنا يخليكوا لبعض ويديم الحب بينكم
حمامة
ان اختلفنا او اتفقنا في النهاية كلنا بنفكر زي بعض تقريبا يعني
تحياتي
dina
شكرا على مرورك يا دينا الجديد في الطريق
زي الهوا
مش كدة والنبي؟
monaliza
تصدقي مش عارفة ليه الكلام مش راضي يخلص..بقي وجعني
تحياتي
بجد ساعات بحس ان الشيكولاته والمكياج وشوية الحاجات الكتير دي بالنسبه للمرأة حاجات مهمه جداً لدرجة إني ساعات بحس ان البنات أصلا عايشين في عالم تاني خالص غير بتاعنا ده
عالم سمسم
وقال ايه صلاح جاهين ييجي يقول البنت زي الولد .. ماهيش كمالة عدد
لا هي كماله والولد طبق كشري كبير من ابو تلاته جنيه ونص
تحياتي
darsh
لا..صدق او لاتصدق...احنا عايشين في نفس العالم بس الفرق اننا بنحاول نخليه محتمل شوية بشوية الحاجات دي...وبعدين ماله عالم سمسم..بتقول كأنه شتيمة لعلمك بقى مفيش احلى من عالم سمسم :)
احنا نطلع مين علشان نخالف رأي شاعر كبير زي جاهين..هو كان شايف ان البنات مؤثرين جدا في المجتمع وانا صدقته واقتنعت بيه
وبلاش موضوع الكشري ده والبصل والدقة والحاجات دي علشان ريحة المدونة متتقلبش :)
بيسوووووو .... أين أنتِ ؟؟؟؟؟
هههههههههه
انتى وصحابك زى السكر ربنا يخليكوا لبعض فكرتينى بصحباتى اوووى
بجد انتي هايلة
(:
اعجبنى ما يملأ مدونتك من صدق وبساطة برافو عليكى وسلامى لكل الشلة
http://7arfwaw.blogspot.com/
امرأة تقول الذي لا يقال
:) اخجلتم تواضعنا
احمد ابو العلا
شكرا على مرورك
وائل
فنانة كتير عليا
Post a Comment