Monday, May 28, 2007

فاصل ونعود

كان فاصل طويل قوي
طول عمري بكره الفواصل..زمان كرهت فسحة المدرسة لانها كانت بتجبرني اكل وانا مش جعانة والعب وانا تعبانة ودلوقتي كرهت الاعلانات الي مغرقة القنوات الفضائية...واستراحة السينما
بس الفاصل المرة دي طول قوي وبعدت فترة محترمة عن المدونة...فعلا معرفتش انا حبيت التدوين قد ايه غير لما بعدت شوية عنه
نرجع تاني للفواصل...مع اني طبعا بكره الفواصل عمى بس احيانا بيكون لازم نفصل شوية علشان منفصلش خالص
لازم نفصل من حاجات كتير..حزننا لازم نديله فاصل..وقلقنا لازم نديله فاصل..كرهنا لبعض لازم نديله فواصل
ولو بتحب تفصل هتلاقي انك محتاج تعمل كدة كل فترة من الزمن....ولو مش من هواة الفصل زيي كدة هتمر فترة طويلة وانت مهموم وشايل طاجن ستك وستك الي جنبك

نصيحتي في هذا الوقت المكهرب من الزمان انك تفصل..تفصل على قد ماتقدر..وربنا يعديها على خير

23 comments:

Amr Ahmed said...

ياااااااااااااااه
حمد الله علي السلامة

فينك يابنتي من زمن

طمنينا عليكي

بتمتحني ولا ايه

ربنا معاكي
ومتطوليش الفاصل

ولا هو فاصل اعلاني بفلوس؟

Reemo said...

فاصل قصير
عوده الى الشرنقه
راحه مؤقته
استعاده نشاط وحيويه
ثم العوده من جديد
أنا من هواه الفواصل
فكثيرا ما اتمنى العوده الى شرنقتى بعد ارهاق طويل
لاستعاده النشاط ثم المواصله من جديد
حتى لو لم تكونى من هواه الفواصل
لكن وجودها من فتره لأخرى حتمى لا مفر منه
اتمنى الفاصل ميطولش
ربنا يكرمك ويوفقك
محبتى

بسمه عبدالباسط said...

فاصل ايه مش كفاية فواصل
أنتى فين من زمان
وحشتينى

soulmate said...

برغم انك مش عملتىفاصل بالنسبالى بشوفك وبكلمك تقريبا كل يوم بس بصراحه بصراحه وحشتنى كتابتك جدا ربنا مش يحرمنا منك يا باشا

Anonymous said...

مع ان الفاصل كان طويل شوية بس مش مشكلة
حتى لو رجعتى بفاصل(على فكرة انا اول مرة اسيب لك تعليق بس وحشنى كتاباتك
اميرة

zordeak said...

بيسوووووووووو

حمد الله عالسلاااااااااامة

وحشتينا اوى اوى يا بنتى

كل ده فااصل

ده فاصل طويييل اوى اوى اوى

بس المهم انك تكونى رجعتى احسن

اوعى تكونى لسه ناوية تعملى فاصل وتغيبى علينا تانى

مستنيينك

:)

Eman Eltaher said...

بيسوووو طولتى الغيبة ... كتير أوى فترة الفاصل دى كانت طويلة أوى متكررهاش تناى بقى

عشان انا بجد بيوحشنى وجودك ف حياة التدوين و بيعجبنى كتاباتك أوى

ماتغيبيش كتير اوى تانى كده

اوكيه ؟؟؟

و احيانا وجود الانسان وسط الناس بيهون عليه أى مشاكل و اى حزن

يعنى انا مثلا بدون مدونتى ممكن يحصلى حجاة انها بالنسبالى عالمى التانى اللى بيفصلنى و بيعوضنى عن عالم الواقع

مش عايزاكى تغيبى تانى و الناس كلها أكيد مفتقداكى

عايزة اشوفك منورة مدونتى علطول و منورة مدونات الكل علطول

و بججد أنا نفسى اتعرف عليكى عن قرب و ياريت فعلا لو كان فيه لقاء المدونين ده عشان أتعرف عليكى أكتر

بس بعد الامتحانات

أرق و أجمل تحياتى ليكى

قاسم أفندي said...

انشاء الله ترجعي بسرعة وتتألقي من جديد أكتر من الأول كمان .. ماهو الفاصل المفروض بيدي دفعة برضه كبيرة للأمام
تحياتي

سكينة said...

اساسا تمكنك من عمل فاصل نعمة تستحق الحمد
لكن المهم الفاصل يكون فين أنا المدونةهي الفاصل بالنسبة لي فيها بكون آخر فصلان
:)
كل فاصل وانت بخير وربنا يقلل مسببات الفواصل

قصاقيص said...

وحشتينا
فينك؟؟
ناوي تغيبي تاني ولا ايه؟؟؟
.............
عموما تتش وود لاني بحسدك انك قدرتي تاخدي فاصل......وادعيلي اقدر انا كمان
انتم الفاصلون_قصدي السابقون_ونحن اللاحقون
...........
باي ياقمر
مش تغيبي كتير بقي

sakayar said...

بس مين فينا بيقدر يفصل؟؟؟؟

إبـراهيم ... said...

حمد لله ع السلااااامـة يا بيســوووو يااا قمــــر ..... كنا مستنظرينـك من زمااااان !!!!



حلوة كمان فلسفتـك لفكـرة الفواصـل دي ،،، تحياااااااااتي يا جميـل ، وما تبقيش تطولي الغيبـــة



في انتظـار الجديد كله :)

bastokka طهقانة said...

فاصل ليه؟
عندك امتحانات
؟


شدي حيلك


اوروفوار

basma saghir said...

عمووور
الله يسلمك..كنت محتاجة فاصل وان كان فاصل اجباري

ريمو
بحب الناس الرايقة دي الي عندها وقت ومزاج انها تفصل

بوس بوس
انتي وحشاني اكتر يابوس بوس

مشمشة
محسساني دايما اني بكتب كلام مليان مش فارغ..دايما بتجبري بخاطري

anonymous
يشرفني جدا يا اميرة ان الي بكتبه وحشك وانه ساب فيكي اثر

zordeak
لا مش ناوية اعمل فاصل تاني..انا اصلا مكنتش ناوية اعمل فاصل اولاني

ايمي
ليكي وحشة يا ايمان..ياخراشي.الكلام ده كله ليا انا ..ربنا يكرمك يارب
انا برضو على فكرة نفسي اشوفك مووت..نبقى نتفق بقى ونضبطها..ماشي

قاسم افندي
ايه ده..؟ هو انا كنت متألقة الاول؟
تصدق مش واخدة بالي..ربنا يكرمك ياقاسم افندي

سكينة
المشكلة عندي اني لو فصلت بجد..ممكن مقدرش ارجع اواصل تاني..هستهبل فيها بقى وهقضيها فواصل على طول..وعلى ايه البهدلة خليني مواصلة احسن

قصاقيص
متزعليش ياستي بكرة ربنا يكرمك وتفصلي انتي كمان...ايه الحقد ده :)

sakayar&romio
والله في ناس عندها موهبة جامدة جدا

ابراهيم
الله يسلمك..كويس انك اقتنعت بيها ودخلت نافوخك..بس دي مش فلسفة قوي يعني..تصدق انا مش عارفة هي ايه اصلا

طهقانة
انتي لسة طهقانة ..مش ناوية تروقي ولا ايه؟
اه امتحانات ياستي

أخف دم said...

بيسووووووووووووووووووووووووو
يا بيسو أنا مش عارف أقول لك ايه .. بس انتى عارفة قد ايه الغيبة اللى انت غبتيها يعنى .. بس الأهم ربنا يعديك من امتحاناتك بخير ..وتعدى السنة دى وبعدن هنتحاسب .. بس خللى بالك التذكرة المرة دى على حسابك .. مش كل مرة أنا

أنا حر said...

الحياة فعلا محتاجة مننا فواصل كتير بس مهم قوي اننا نعرف امتى ناخد فاصل وأمتى نرجع نواصل
تحياتي

مصطفى حسان said...

هو مين اللي رايح فين ؟؟
انتي ما بتجيش ليه ؟؟

بنوتة من وسط البلد said...

ما تفكرنيش يا بيسو
الواحد هيعمل فاصل عن ايه ولا ايه ولا ايه ولا ايه
والمسؤليات التى بتجرى ورا الواحد بالكرباج
انا لو عملت فاصل
حياتي ممكن يحصل فيها زى ما ممكن يحصل للارض لو خرجت برة المجرة الكونية :)

تحيياتتتي

basma saghir said...

اخف دم
في ايه يا اشرف مكانتش تذكرة دي الي انت دفعتها..وبعدين انا فدايا 100000 تذكرة زيهم..وبعدين ياسيدي الحساب يوم الحساب

انا حر
بالضبط كدة...هنا تكمن الخدعة

darsh
انا باجي كل يوم بس انت مش بتكون موجود

شريف
هو الفاصل كان رخم انا عارفة..بس انت اصلك متعرفش ايه الي حصل ...امتحانات بقى ومذاكرة وبلاوي متلتلة

بنوتة من وسط البلد
والله بتبالغي...طب اعملي فاصل كدة وجربي واقفلي موبايلك وسافري ..من الاخر اختفي وشوفي ايه الي هيحصل وابقي احكيلي

Eman Eltaher said...

بيسووووووو يا قمر
هستنى منك فعلا أى معلومات عن أى لقاء المدونين

أنا نفسى بجد أتعرف عليكى جدا و نكون أصحاب أكتر بكتييييير

وساعتها نبقى ندبر مع بعطتينا ازاى نحضر لأى حرب بينا و بين الشباب

ربنا ما يجيب حروب

بس هما مش عاوزين يجيبوها لبر

جيل موكوس ههههههههه
انا ايه اللى بقوله ده ؟؟؟؟
علمى علمك

تحياتى يا بيسوووو

Anonymous said...

الانسان فعلا محتاج لفاصل كتير ولو بصيتي في حياتنا هتلاقي الفاصل امر لابد منه يعني مثلا في مجال العمل في فاصل وهو الاجازة الاسبوعية والاجازة السنوية وفي الدراسة هنلاقي نصف العام واخر العام وفي العبادات هنلاقي بينها وبين بعض فواصل علشان يبقي في اشتياق للعبادة اللي بعديها فالفواصل لها فايدة كبيرة في حياتنا

احمد عبدالحي said...

اختيار مصطفي الجزار من بين افضل35 شاعر في مسابقه امير الشعراء هو فخر لكل مصري




تابع البرنامج وصوت عبر




SMS


لمدة اسبوع بعد الحلقه لشاعرك المفضل


ميعاد البرنامج
قناة ابو ظبي

كل جمعه الساعه 21:45


برنامج / أمير الشعراء
كلنا معك يا جزار رابح ان شاء الله
لاجل مصر صوت لمصطفي الجزار

amr issa said...

أضمن لكى أن تعيشى حتى العام السادس بعد اثلاثين طالما التزمتى بهذه( الفصلة الدماغية),شىء فوق ذلك ، مهما خف وزنه لا أضمنه لكى يا ذات العشرينات، فقط لأننا بلديات فى هذا الطقس الظريف -رغم خطورته أحيانا -سوف أتعشم وأ ضمن لكى شيئا واحدا هو القدرة على ضرب الحياة بالجذمة القديمه - باعتبار ان الجذمة الجديدة خسارة فيها.