الضحك بدون سبب قلة ادب

هل ضحكت يوما بدون سبب؟...تجلس فس امان الله..وفجأة تخطر على بالك افكارا تافهة لاتضحك طفلا صغيرا ومع ذلك تضحك وتقهقه بشدة..انت تعرف انك لست قليل الادب في الحقيقة انت مؤدب جدا وقد تمت تربيتك على احسن وجه
...........................................................................................
جلست يوما انتظر لوزة في مكان عام وبالطبع طالت فترة الانتظار لان مواعيد لوزة مرنة جدا جدا
وهكذا بدات تلك الافكار التافهة تخطر ببالي..تلك الافكار التي لاتضحك طفلا صغيرا ولكنها في ذلك الوقت
اضحكتني مع اني لو فكرت بها في وقت اخر لاتهمت نفسي بالسذاجة والتفاهة .....
وبدأ شبح ابتسامة يظهر على فمي...يا الله ماذا افعل لا اريد ان اضحك...احاول واحاول ولكن الابتسامة
تتسع وتتسع...............(يارب استرها معايا) ....ينظر لي رجل عجوز شذرا فأنا بالنسبة له انسانة قليلة الادب
ارد له نظراته ولسان حالي يقول(والله ياعمو انا مؤدبة ومتربية بس ظروفي الي صعبة)
يمر الوقت ومازالت الابتسامة تتسع ....ادعو الله ان تأتي لوزة قبل ان افقد السيطرة على نفسي تماما وادخل في مرجلة القهقهة............. وكأنها شعرت بورطتي وصلت لوزة في الوقت المحدد وبمجرد ان رأيتها افلتت مني نوبة الضحك الهستيرية التي استمر ل10 دقائق كاملة ...وظل السبب مجهول..(الله يخرب بيت مواعيد المرنة يا شيخة)
.......................................................................................
رايي في الواقعة
.....................
اعتقد ان مانطلق عليه الضحك بدون سبب يكون في الحقيقة بسبب وسبب وجيه...بالنسبة لي هذا
النوع من الضحك يعتبر خط دفاع ضد الحزن والاكتئاب.....فعندما تخلو حياتي من مسببات الضحك
يبدأ خط الدفاع هذا في العمل...لكي اضحك ولا ي سبب مهما كان غبيا وتافها
وفي هذا الموقف اصبح شعاري(انا اضحك....اذا انا مؤدب)

ملاحظات

او لا احب اشدد على اني بحبها جدا..بالشوارع والناس والنيل
........................................
ندخل بقى في الجد:
مش ملاحظين ان العربيات الكارو زادت قوي اليومين دول..ومخلفات الحمير والاحصنة زادت بشكل ملحوظ جدا
لدرجة ان الارض المفروشة اسفلت بقت متسمدة كويس جدا لدرجة تنفع للزراعة اهو برضو احسن من السماد الكيماوي ...ماعلينا
...........................................
مش ملاحظين ان السي تي ايه الي المفروض انه مكيف و ان الاجرة بتاعته متحددة على الاساس ده مبقاش مكيف على طول..طبعا انا مبتكلمش على الزمهرير ده بس ايام الصيف كان كدة ...المشكلة انه مبقاش مكيف بس اجرته"يبقى الحال على ماهو عليه
.........................................
مش ملاحظين ان اي معاملة حكومية في مصر عمرها ما بتخلص في يوم واحد...ده حتى كارنيه الكلية لازم يبات عند الشؤون مش عارفة ليه
رحت مرة مع لوزة صحبتي علشان نعمل ورق يخصها في شؤون الطلبة المدام المسؤولة عن الورق قالتلنا تعالوا بعد اسبوعين بجد احترمت الست دي جدا علشان حددتلنا يوم معين نيجي فيه...المهم اننا رحنالها بعد اسبوعين قالتلنا والله الورق لسة مخلصش قلنلها نيجي امتى؟ قالتلنا والله مش عارفة تعالوا كل يوم لغاية واسألو...بالذمة ده كلام ناس عاقلين..عايزة اقول للمدام دي من موقعي هنا:
ياطنط انتي فاكراننا ناس فاضية ولا ايه احنا ورانا محاضرات..ياطنط اتقي الله فينا وكدة على فكرة حرام
..............................................
مش ملاحظين ان الملاحف والاسدالات كترت قوي..وده بيكون دليل طبعا على ان البنت متدينة..على فكرة ده مش رايي ده الراي العام
في يوم جاتلي مكالمة من لوزة بتقولي خبر عجيب جدا...انا لبست الاسدال هو مش اسدال هو في الواقع ملحفة والفرق بينهم ان الملحفة اوسع من الاسدال مع ان الاسدال واسع جدا جدا
المهم بعد ما قالتلي وانا في حالة صدمة لانها عمرها ماجابت سيرة الموضوع ده
المهم انها في اخر المكالمة قالتلي ربنا يهديكي وتلبسيه .......بعد ما قفلت فكرت مع نفسي ربنا يهديني ازاي يعني هو انا ضالة وعايزة ربنا يهديني اي نعم كلنا محتاجين هداية ربنا ف حاجات كتير بس انا مش بلبس لبس خارج الحمد لله انا محجبة وكل لبسي طويل وبكم ومش بلبس بناطيل اصلا...كلمت لوزة تاني وسألتها..هو انا مش محترمة بلبس ي ده........هو اي بنت مش لابسة اسدال مبتبقاش محترمة خلاص او مبتبقاش متدينة..بس انا والله متدينة وبعرف ربنا كويس جدا والحمد لله مع اني مش لابسة الزي المذكور اعلاه
ياناس حد يقولي ؟؟؟
..........................................................
مش ملاحظين ان الناس بقت عاملة زي البقدونس بتتدخل في كل حاجة
من يومين كدة دخلت مكتبة وقلبت في الكتب علشان بدور على كتاب مفيد اقراه بس للاسف اكتشفت ان مخي عطلان اليومين دول وماليش مزاج اقرى حاجة مفيدة..فققرت اني اشتري مجلة ميكي.....اه ميكي فيها ايه دي؟؟ غريبة قوي دي؟؟ عادي جدا
اشتريت العدد الاخير وانا مبسوطة جدا لقيت صاحب المكان بيبصلي باستغراب وبيقولي عندي كتب هتعجبك جدا...وانت مالك يا اخي انا عايزة ميكي
تلاقيه بيقول دلوقتي ايه العبيطة دي؟..............وماله ياسيدي انا عبيطة حد شريكي..عبيطة عبيطة بس اقرى الي على مزاجي
........................................................
مش ملاحظين اني طولت قوي

عصيان قلم

ان قلمالوقت الان قبل الفجر بقليل...امسك بقلمي بشدة وكأنه سيسرق مني غريب هذا التعبير لانه يفسر شعوري تمام فأنا فعلا اشعر بانه يسرق مني امسكه الان واقربه من الورق..غريب امرك ايها القلم لماذا لاتكتب لطالما كنت نهما الى الكتابة لطالما كنت تطالبني بالورق ..لماذا الان توقف الحبر عن الانسياب منك لماذا توقفت عن الافصاح عما بدواخلك..... يالهي كم اخاف منك..وكم اخاف عليك... فأنت الوحيد الذي يستطيع ترجمة نبضات قلبي الى كلمات مفهومة الوحيد الذي يسطيع تحويل الافكار في عقلي الى وقائع ملموسة فحبا بالله لاتتوقف الان..احتاج اليك..واحتاج الى ان اقول ما يعتمل في صدري ولا سبيل الى ذلك الا بك احتاج الى ان ابكي فتنزل عبراتي كلمات تخطها انت..احتاج الى ان ابث احزاني الى اوراقي وانت مخرجي .. لماذا سكت..؟ لماذا تجمدت..؟ اتراك مريض..؟ اتراك مت..؟ وبعد لحظات من الصمت مرت وكأنها دهور وازمنة قرر قلمي ان يكتب ولكن هذ المرة ليترجم ما يعتمل في صدره هو تعبت من كثرة الاحزان...تعبت من كثرة الاهات...من العبرات سئمت من الوحدة...من التظاهر بان كل شيئ بخير وفي حقيقة الامر ان الحياة تنهار من حولنا وانت تشاهدين...فقط تشاهدين مللت من التحدث عن الحب دون معايشته مللت من انتظاره من الحنين اليه.. اكتفيت من الكنابة عن الحروب..عن المجازر اكتفيت من المجاعات من الامراض من النيران سئمت الحقد والكراهية..سئمت الغدر والخيانة سئمت من حياتي وحياتك...اجيبيني....اين الحياة؟ واين السعادة؟ وماذا عن الحب؟ وماذا عن السلام؟ كم انت ساذج ايها القلم وانا من كنت تظن انك كبرت وصرت حكيما مازلت كما ابتعتك اول يوم تبحث عن الجمال في حياتي وفي اوراقي تبحث عن السعادة في زمن تسممت فيه بسم اسمه الاحزان.. تبحث عن الحب في زمن صار فيه كأساطير الاولين كالخرافة العابرة تنتظر السلام في زمن ذبح فيه الحمام واقتلعت اشجار الزيتون من جذورها فلم يعد مكانها الا شواهد القبور...... الهذا لا تكتب..الهذا اعلنت العصيان... فلتعلم ان ما انت ناقم عليه هو خط سير الحياة شئنا ام ابينا ستموت السعادة وستهدم اساطير الحب وخرافاته...... وسيطول انتظارنا للسلام.... فلعلك تكتب بعض كلمات تذكرنا بلمحات من معاني انتهت ومضت

لاني احبك..لانك تحبني

لاني احبك..اريدك ان ترضى عني..ولانك تحبني فانك تغفر لي هفواتي
لاني احبك..انفذ اوامرك بدون مناقشة لاني اعلم انها الصالح لي...ولانك تحبني فانك تعطيني اذا طلبت واذا لم اطلب
لاني احبك..استيقظ لافكر بك في الليل...ولانك تحبني تسمع كلماتي التي اقولها في حبك في ظلمة ذلك الليل
لاني احبك ادعو الجميع الى حبك...واحب من يحبك...ولانك تحبني تحبب الناس في...
انت اساس كل شئ في حياتي..منك البداية وبيدك النهاية
اعرف انك تراني وتسمعني وانا اكتب اليك هذه الكلمات
كلمات بسيطة جدا في حبك..يامن تتلخص الحياة بحبك
"حبيبي يا الله"