Wednesday, October 7, 2009

حافة العالم


هناك على حافة العالم...اقف بمفردي واغني اغنية لمنير وانتظر شخصاً ما


لو كان لزاماً علينا الرحيل..كارهك يا وداع


اغني بصوت مرتفع وارقص..ربما لأمنع البكاء الذي يراودني عن نفسي بسبب البرد والوحدة والظلام..حافة العالم باردة ومظلمة بشكل لا يصدق


والمستحيل اني امسح دمعة..مستحيل اخبي لوعة


هناك على حافة العالم انتظر شخصاً ما..ولكن الحقيقة هي اني اكره الانتظار مع انه فعل مارسته طوال حياتي..اكرهه ومع ذلك استمر في ممارسته لأنه الشئ الوحيد الذي اجيد فعله اكثر من غيره..وربما لأنه وفي هذه الايام اكثر فعل منطقي يمكن فعله


مستحيل


على حافة العالم...تنتهي جميع الاحتمالات ولايبقى سوى الحقائق..الكثير والكثير من الحقائق التي تشبه مكعبات الثلج في قسوتها وجمودها وبرودتها


طب ليه تغيب عني


بالتدريج..اسمح للخوف وللوحدة بالتمكن مني..اسمح لنفسي بقليل من البكاء وبكثير من الحنين...اسمح لنفسي ان اشاهد العالم من على الحافة وانا احاول مقاومة رغبة شديدة في القفز


ولايوم تطمني


على حافة العالم..هناك الكثير من الاشباح التي تحاول العودة للحياة..هناك الكثير من الحزن الذي يأكل البراح..هناك الكثير من الصخب والجنون والقسوة


ده انا لما اكون جنبك يطلع نهار


على حافة العالم...اقف بمفردي تماماً وانا ادرك ان لا احد يمكنه انقاذي...اقف بمفردي تماماً واحاول ان ابدو سعيدة ربما تبتعد عني تلك الاشباح


في الحلم علمني..تبقى قريب مني


افكر في احلامي القديمة..في اشخاص احببتهم واحبوني..افكر في اغنية سعيدة وذكرى سعيدة..افكر انه بقليل من الجهد يمكن ان يصدق الاخرون ان ابتسامتي صادقة..وان لمعة عيني ليست مصطنعة


قلبك يطمني..قربك نهار


هناك على حافة العالم...تبدو الاخطاء الصغيرة كبيرة بشكل لايصدق..وتبدو الاخفاقات العابرة درامية الى اقصى حد..ويصبح الم الفراق اقوى الف مرة...على حافة العالم تستطيع ان تعرف مدى قوة احتمالك ولا تتمنى سوى ان ينبت لك جناحان لكي لا تضطر الى القفز من على الحافة هرباً من كل ذلك الصخب..ولكي لا تضطر الى العودة من نفس طريقك القديم


يالون ربيع وردي


حسناً..مازلت بمفردي هناك على حافة العالم...انتظر شخصاً لن يأتي..واتشبث بأحلام لا تنتمي لي..و
أهرول كعادتي
في دروب مدينة ليست لي


الحزن مش قصدي

..................................

غادة السمان

محمد منير

11 comments:

محمد حمدي said...

تدوينة موجعه .. بكل ما تحمله الكلمه من معانى

Anonymous said...

لسه يا بسمه لسه؟؟؟؟

فتوح أبو المفاتيح said...
This comment has been removed by the author.
كراكيب said...

بيسوووو.. بتسمعي اغنية كان فاضل مااااشي
بتغني بصوت عالي ماعنديش مانع
بس بترقصي عليها بقى.. طب ازاااااااي
لأ اختاري كلامك معايا لو سمحت
في دكتور دخلنا النهاردة وقعد يدي لواحدة محاضرة علشان قال لواحد صاحبة ان مش عارف مين بيحور عليك
وقعد يقول ازاي اللغة انحدرت وكل ده علشان الولد قال بيحور
ولقيته يا ختشي وهو بيشرح.. بيقول اي كلام بلاليص!!!
بيديه محاضرة علشان قال بيحور والدكتور اصلا قال بلاليص!!!

كان فاضل تسمعيها عشق البنات ترقصي عليها.. ماشي؟ فهمتي كدة الدرس ده واللا اشرح تاني؟

miro el niro kwaniro

basma saghir said...

محمد حمدي
الحزن مش قصدي

المجهولة
برضو الحزن مش قصدي

فتح ابو المفاتيح
مازلت مصرة ان الحزن مش قصدي

ميرو
اما انتي بقى احب اقولك ان الرقص مكانش قصدي...حد قاك يابنتي ان انا كنت تبع فرقة رضا لاسمح الله..وبعدين بقى دي مش اغنية كان فاضل..فوقي معايا الله يخليكي..دي اسمها حضرتك لو كان لزماً علينا الرحيل
نصيحة اخيرة يابنتي لوجه الله تعالى: متركزيش قوي كدة مع دكاترة الجامعة علشان ممكن تتعبي نفسياً وبدنياً واسأليني انا :):)

Anonymous said...

يااااااااااا جامدة
انتي عارفة.. ساعات بحس اني بطلة من أبطال أغاني منير نياهاهاهاها
آه وربنا

مها ميهوووو

sab7al5air said...

شنو يابسمة اشكي التعب اجي القاك موجوعه
ربنا يعينا كان كده
تحياتي

Tamer Nabil Moussa said...

بوست مميز

رغم الحزن اللى فى

مع خالص تحياتى

ابو على said...

هو منير اللى هايوديكى على فين مش عارف

basma saghir said...

مها
احلمي يامها..وماله يا ماما مش عيب :)

صباح الخير
صباح النور على البنور :)
مكانش قصدي والله..هي جت كدة بقى

تامر
اكرر..الحزن مش قصدي

ابو علي
ولا انا عارفة ولا هو كمان عارف :)
ربنا يستر بقى

momken said...

روعه يا بسمه جميل اوى البوست وفكرته

وغاده السمان رائعه احسسها رهيب ومنير طبعا الملك

تسلم ايدك

تحياتى