Monday, July 6, 2009

ثرثرة


افكر في ان كل ما احتاجه من العالم حالياً هو فيلم جيد وايس كريم المانجو من قويدر..كل ما كان في السنوات السبع الماضية يبدو كهلاوس سمعية وبصرية لا اكثر..مجرد رتوش اخرى في اللوحة..كل الاشخاص الذين خسرتهم لاسباب لاتزال مجهولة وكل الاشخاص الذين كسبتهم لنفس الاسباب المجهولة...رتوش


لاشيئ هناك سوى ايس كريم المانجو


افكر في ان كل ما احتاجه من هذا العالم الواسع..هو مساحة غرفتي فقط وبعض اغاني منير وفيروز وسأكون بحالة جيدة..ربما سأحتاج الى ان اتمسك بيد دافئة تعبر بي الشارع..ربما لن ابكي بعد الان بسبب اشياء تافهة


في المساء تشاهد امي برامج مثل تسعين دقيقة.. والعاشرة مساءً.. والحياة اليوم..تشاهد حالات اغتصاب الاطفال..و الخطف والقتل وجميع ما يخطر على البال من كوراث..تشاهد كل ذلك ويمتلئ قلبها بالخوف اكثر..تخاف من ظلام الليل اكثر..تجبرنا على العودة الى البيت قبل وصوله كما لو كانت جميع المصائب تحصل في الليل فقط


تخوفنا امي من جرائم الخطف والاغتصاب والقتل..كلامها يجعلني اشعر وكأننا في غابة ونحن المخلوقات الاضعف فيها...كل ذلك الصخب وذلك الرعب الذي يملئ قلبها يجعلني لا احتاج الا مساحة غرفتي فقط..لا احتاج الا الى ايس كريم مانجو ويد دافئة تعبر بي الشارع


تتلون الحياة بطريقة رائعة..تبعث لي برسائل طوال الوقت..وانا اختار الا افهمها طوال الوقت..في الحقيقة لم اعد اؤمن بموضوع رسائل الحياة هذا بعد الان..ذلك تماماً هو نوع القناعات الذي احاول اخراجه من حياتي..لاشئ يسمى رسائل خفية من الحياة تهدينا احيانا ان نحن ضللنا طريقنا...ولاشخص هناك يدعى بصانع الاحلام..والكلام الذي نقوله لشخص ونحن واقفين بالقرب من النافذة لن يصله مع الهواء..سيتبدد كما يتبدد الهواء تماماً


في طريقي الى وسط البلد لشراء ايس كريم مانجو من قويدر ترن في اذني كلمات امي عن الاشخاص السيئيين الذين يقتلون ويخطفون ويغتصبون..ويملؤني الخوف اكثر..ربما لأني وحيدة..وربما لأن نسبة الواقعية التي اضفتها مؤخراً لحياتي اصبحت كبيرة جدا بالنسبة لي...وربما لأن اليد التي ستعبر بي الشارع..تلك اليد الدافئة..لم تأتي بعد..ولكن الاحتمال الاكبر هو لأني لم اجد ايس كريم مانجو


افكر ان كل ما احتاجه من الحياة هو فيلم جيد..وايس كريم مانجو من قويدر
وان تدعني وشأني

10 comments:

آيــة said...

في وقت زي كده ..حاسة انه حلو اوي الاقي حد عنده مشاعر شبه بتاعتي لدرجة دي ...

بس لو نخلي الآيس كريم فراولة ... مش يبقى أحسن ؟؟

حسيت بالونس هنا يا بيسو ... حسيت انك بتتكلمي عني و حاسة بي

:)

حاسوباتيه said...

واحشاني جدا والله بس بجد لو تعرفي الي بمر بيه هتقدري
بوست جميل حسسني بالهدوء الي محتاجينه كلنا ياه يا بيسو لو تعرفي قد ايه نفسي في راحه حاسه اني بجري كتييييييير ونفسي ارتاح ولو ثواني

ابو على said...

والافلام القديمه ماهى حلوه بردو
بس بلاش الايس كريم بيعمل اشنبه احنا بطلناه عندنا عشان بيعمل اشنبه
ههههههههههههههههههههههه
جود لاك

كراكيب said...

يا جماعة واحد ايس كريم مانجة هنا
مش كدة يعني تدايقوا البنت علشان شريطين كاسيت وواحد ايس كريم
تؤ... الله

بيسووووووو
وحشتييييييني

بوست هايل يعني كالعادة
;)

miro el niro kwaniroooo

واحد يعرفك said...

انا نزلت بوست جديد محتاج رأيك

حمامة said...

:)

صدقيني تلك الرتوش التى لا معنى لها
هي نفسها ما يضفي معنى لحياتنا

انا زيك بالظبط
عايزة افضل ف مساحة ولو متر ف متر
لوحدى مع كتاب وكوباية شاى إن امكن


مش عايزة اى اى حاجة من الدنيا

wael said...

قويدر ماندرين اللى فى الكربه
عنده ايس كريم جاااامد جدااااااا
اعتقد انه احلى من وسط البلد
بس هو مين اللى يدعك وشأنك
ممكن اعرف

basma saghir said...

اية
كلنا شبه بعض على فكرة..وببقى مبسوطة قوي لما انا كمان بلاقي حد شبهي

مش هتنازل عن ايس كريم المانجو خالص :)

جوجو
يابت اظهري شوية بقى..تعالى اتكلمي معايا شوية وقوليلي في ايه..الدنيا شكلها مكركبة خالص

علي
اه..محتاجة انا الحظ السعيد جداً

مرام
انتي فين من زمان جدا..ليكي وحشة :)
لأ انا خلاص مبقيتش متضايقة...كله بيروح لما تلاقي ايس كريم مانجة :):)

حمامة
اه ياريت ومحدش يناديني ولا يفتكر اسمي حتى :)
سيبك من الرتوش نفسها..طريقة تعاملنا معاها ي اللي بيديها معنى...ماعلينا

وائل
لأ مش ممكن

كراكيب said...

بيسوووووو
انتي فين يا ست
بقالك كتير مستخبية
تؤ...... اللــه

miroooooo

sab7al5air said...

حلو حتخليني اجرب اسكريم المنجة بس في السودان
بالمناسبه حلو الذوق في المدونه والالوان المريحة والصور روعه
اول مره ادخل هنا بس بصراحه قعدت اجي يومين هنا
تحياتي ورمضان كريم
علا