Wednesday, July 9, 2008

ان تكون بتيخة


ان تكون بطيخة...معنى ذلك انك لن تفهم شيئا مما يقال حولك..لن تفهم مثلا لما يكون تصدير الغاز لاسرائيل شيئا جيدا ولماذا حصل ذلك الشئ من الاساس

ان تكون بطيخة..معنى ذلك انك ستسبح طول اليوم في مية البطيخ..وستنسى جميع همومك وهموم من حولك..بداية بالسؤال الابدي هناكل ايه النهاردة...انتهاء بمشكلة فلسطين

ان تكون بطيخة...معنى ذلك انك ستكون مفيدا جدا في الصيف وفي الحرارة الحارقة خصوصا عندما توضع في الثلاجة لمدة 3 ساعات

ان تكون بطيخة..معنى ذلك ان لونك سيكون احمر..وهو شئ جيد لان ستتبع موضة هذه السنة

ان تكون بطيخة...معنى ذلك انك ستكون موضع ترحيب في كل الاوقات..وستكون محبوبا ومطلوبا على غير العادة

ان تكون بطيخة...معنى ذلك انك ستشاهد القاهرة الكبرى وانت مرتاح على عربة اثرية يجرها حمار يشارف على الموت جوعا وعطشا

ان تكون بطيخة..معنى ذلك انك معرض لعدد لا محدود من خيبات الامل بسبب انك لا سمح الله يمكن ان تكون بطيخة قرعا :)

ان تكون بطيخة...معنى ذلك انه لايسمح لك بمشاهدة الاخبار ولا القيادة في ساعة الذروة ولا القيام بزيارت عائلية مملة...معنى ذلك انه سيسمح لك بالجلوس في الثلاجة واحيانا ان كانت الحياة بهيجة في الفريزر..

ان تكون بطيخة...معنى ذلك انك لن تجرح الا بفعل السكين..ولن تتوهم اشياء...ولن تقوم بافساد اشياء كانت لتكون رائعة فقط لانك كنت خائف...


ان تكون بطيخة..معنى ذلك انك ستكون منتسبا الى كلية التجارة..وتأمل ان تكون اكثر من بطيخة في يوم ما بعد التخرج

ان تكون بطيخة...معنى ذلك انك ستمتلك مدونة اسمها حكاوي وتخاريف واشياء اخرى...وانك ستكتب تدوينة اسمها ان تكون بطيخة مادحا حياة البطيخ
...........................................................................
معلش اصل الحياة بطيخ قوي اليومين دول :)

13 comments:

ابو على said...

عارفين لما الشعب اتبطرخ جوه ف بلده .. اه عارفين ..

كان كفاحنا لبطيخ جراحنا يكتبو دم الضحايا ... وانتصرنا انتصرنا انتصرناااا
بطيخه اطلقها جمال
احنا اممنا القناه
ادى حكايه الشعب...
شعب كل وإشكر

دينا فهمي said...

أنا مابحبش البطيخ يا بيسو
بس ممكن أحبه عشانك ((:

blue-wave said...

ان تكون بطيخه معنى ذلك ان لك قلب كبير ملئ بالبذور:))
تحفه البوست

The Alien said...

بطيخ بطيخ .. هو حد طايل
طب دا الكيلو دلوقتي ب 2 جنيه

تحياتي علي البوست الجميل

LAMIA MAHMOUD said...

ان تتسائل عن تصدير الغاز لاسرائيل فانت لست بطيخة حمرا لسة

تنسى جمسع مشاكلك كده يبقى ما احلى الحياة في مية البطيخ
مطلوبة جدا

بعدين انا مش عاجباني موضة السنة دي اللبس نازل معمول عشان يتقلع مش يتلبس
سوري يعني


اجمد حتة بتاعت الانتساب لكلية التجارة
طلعنا زمل
وبرضة انا لحد حالا بعد عشرة وخدمة مش فاهمة اي حاااااجة

جامد البوست ده بس

Desert cat said...

ان تكون بطيخة معنى ذلك انك ستكون نسيب وقريب كل من الجوافة حبيبة قلبى

Anonymous said...

فكرتيني بعادل امام في مسرحية الزعيم وهو بيقول ع الريس: اللهم اديله بطيخ،، اللهم بطخه،، واديله بطيخ من غير بذر،، هو لسه هيشيل البذر؟؟ هو الريس فاضي؟؟

بيسو،، وحشتيني حبة كتير وعطشتيني وحاسة اني اتحريت كمان والله :)

مها ميهوووو

Unknown said...

البوست جميل اوي و اهو حتي الواحد يضمن انه لما يكون بطيخه سعره هايغلي

تحياتي

غادة الكاميليا said...

ان تكون بطيخة...معنى ذلك انك ستشاهد القاهرة الكبرى وانت مرتاح على عربة اثرية يجرها حمار يشارف على الموت جوعا وعطشا

...........
تحفة المقطع ده واحيكي على الغنوة لانى بحبها جدا
وحشتيني

حدوته مصرية said...

ياااه فكرتينى دايما كنت بقول ان الحياه بطيخ و المصريين كلهم بقوا بدماغ بطيخ اساسا مش دماغ

و بالمناسبة مهم جدا ذكر ان البطيخ ده حاجة تحير برضه لان البطيخ كل الناس فكراه فاكهة وهو خضار لانه طالع من الارض مش من شجر

مهو الشجر مبيستحملش اى بطيخ

تحياتى

basma saghir said...

ابو علي
هي البطيخة اطلقها جمال؟...تصدق مكنتش اعرف :)

دينا
ازاي يعني مش بتحبي البطيخ...ده اكتر حاجة ليها معنى في الحر اللي احنا فيه ده..ارجوكي عيد نظر في الموضوع ده

blue-wave
حلو المقطع ده...وحقيقي على فكرة
نورت

the alien
اه اصل انا ذوقي غالي شوية..

لمياء
لعلمك بقى اغلب الناس عايمة في مية البطيخ اليومين دول..لدرجة انهم بيلبسوا اللبس الملزق اللي طالع اليومين دول..عادي بقى ده على اساس ان الدنيا حر وان الناس مش طايقة هدومها علشان كدة بتتقلع مش بتتلبس
وبما انك طلعتي زميلة احب احييكي على قوة عزيمتك وكفاحك حتى لو مش فاهمة حاجة..زيي بالضبط :)

desert cat
فكرتييني بالجوافة..ليها وحشة والله

مها
عسل والنبي عسل...وكمان لما قال للبنت الي لابسة من غير هدوم دي..اجيبلك بتيخ :)
عطشتي وانتي في مدونتي ..انتي بتهرجي ولا ايه..مش انا قلتلك قبل كدة خشي على البوفيه وكلي واشربي زي ما انتي عايزة..بأمارة الشاي بلبن والبقسماط:)

emy
ايوة صح...شوية كدة وهتلاقيه اغلى من التفاح..والناس ياعيني بقى مش هتلاقي لا بطيخ ولا تفاح وهيضطروا انهم يحلوا بالكوسة على اساس انها فاكهة يعني

غادة الكاميليا
اي خدمة

محمد ياسر
يا اخ محمد احب ان احيطك علما ان مصر كلها عايمة في مية البطيخ

حلوة المعلومة دي...مكنتش اعرف كدة

حمامة said...

:)

يبقى انتى بطيخة حمرا

وحشتنى مدونتك

basma saghir said...

حمامة
مش بحب البطيخ الاحمر قوي ده..بحبه ماسخ شوية :)