Saturday, December 22, 2007

رغم كل شئ...مازال للاساطير مكان


طوال سنين حياتي كطفلة امنت اشد الايمان بالقصص الخرافية التي كنت اسمعها...وامنت اكثر بالنهايات السعيدة والعيش بسعادة الى نهاية العمر....ومع زياة سني وضخامة عقلي...وطغيان الاشياء الابشع على الاشياء الاجمل..كفرت بذلك الايمان...واعترفت انه لايوجد شئ مثل هدا...وانها من اساطير الاولين..وبطبيعة الحال لم يعد مكان للاساطير في عالمنا...هكدا نسينا العيش بسعادة الى نهاية العمر

في ذلك اليوم البارد قررت الخروج ولم تكن وجهتي قد حددت بعد...كل ما كنت اعرفه اني اريد الخروج من محيطي لبعض الوقت..ومن نفسي ان امكن....دوما كان الذهاب الى الحديقة الصغيرة المجاورة لبيتنا يشفيني من اي بوادر للاكتئاب وهكدا حددت وجهتي..كانت الحديقة كما عرفتها دوما..تنبض بالحياة...وتنبض بالاطفال اللاعبين في كل مكان والذين لم يتركوا كلبا ولا قطة ولا وردة ولاحتى المارة دون ان يعبثوا به ومعه..شيطنة..اعتادت نسرين ان تطلق هدا اللفظ على الاطفال كثيري الحركة....ولكن هل الشياطين كثيري الحركة...تنبهت الى انه دائما ماتدور تلك النقاشات العقيمة في ذهني عندما اكون وحدي...نفضت كل ذلك عن عقلي وجلست على احد المقاعد المتناثرة..استمتع بتلك النسمة الباردة التي تهب بين الحين والاخر...استمتع بصرخات الاولاد العالية...استمتع بالحياة..
ومن بعيد رأيت الحب...عجوز بعض الشئ ولكني تعرفت عليه رغم كل شئ...انها الرابعة والنصف عصرا وقت مناسب جدا في الشتاء لمشاهدة الغروب...جاء ذلك الرجل وزوجته لمشاهدته..حتما عمره يتجاوز السبعين وهي كذلك...وهو يحتضن يدها المجعدة بيده الاكثر تجعيدا..يمشيان وهم تقريبا يستندان على بعضهما..الا يتزوج الانسان لهدا الغرض..لكي يجد من يمسك بيده عندما تختفي جميع الايادي الاخرى...وتبقى فقط تلك اليد..حنونة..مواسية..باردة ولكن دافئة في نفس الوقت...تحمل احيانا كوب من الماء قبل الوداع الاخير...وتهديك دائما احساس الامان ان فقدته....تربت عليك ان مرضت...وتساعدك على الوقوف ان زلت قدمك في يوم ما ما

جلسا على المقعد المجاور لي يداعبان الاطفال ومن وقت لاخر تأتي الكرة عند اقدامهما فيرسلانها اليهم والضحكة تملئ وجهيهما...حملت لي تلك النسمة الباردة بعض من حديثهما عرفت منه ان اليوم عيد زواجهم الخامس والاربعين...لم يتخيل عقلي بعد كيف يمكن ان تعيش مع شخص ما كل تلك المدة ان تعرفه كل تلك المعرفة..ان تعرف عيوبه وان تعرف انه يشخر اثناء نومه..وانه يصدر اصوات عند اكل الشوربة...وانه يرمي ملابسه على الارض بعد خلعها...انه يتعصب لاتفه الاشياء...ومع ذلك تستطيع ان تتعايش وان تتحمل وان تعتاد على فكرة وجوده في حياتك..وان لا تسطيع ان تعيش بدونه...تسطيع ان تتقبله كما هو...ان تحبه كما هو...وعندما يرحل عنك تستطيع ان تبكي عليه من قلبك..لان خسارتك لايمكن ان تعوض

جلسا معا الى ما بعد الغروب...جلسا وكل شئ فيهما يبدو عجوزا ماعدا عيناهما.. تبدو عيناهما اصبى من اي عيون اخرى قابلتها .... ذلك البريق الدي تحتضنه...بريق...لمعة...تلألأ...كلها تفشي سرذلك الحب الذي لم يعد سرا منذ خمسة واربعين عاما...حتما تفتقد عيناي ذلك البريق ومع تنبهي لذلك احسست بشئ من الحسد..وتنبهت اكثر الى انني احسد عجوزين في السبعين على حبهما... ولكني لم ابالي...لأني في نهاية ذلك اليوم عدت لأكون مؤمنة بالاساطيرمن جديد..عدت لأؤمن بالنهايات السعيدة والعيش بسعادة لاخر العمر
نعم...في النهاية صنعت مكانا للأساطير في عالمي ..وللسعادة كذلك

19 comments:

bos bos said...

انا جيت أطمن عليكى ولاقيت الأستايل الجديد عجبنى جدا وحبيت أقول لك وحشانى قوى وهاجى تانى اقرأ الموضوع

مشمشه said...

بصراحه اللوك الجديد تحفه موووووووت والموضوع برده جميل حبيت بس اقولك انك عجبنى ويا ريت يكون التغيير داخلى زى ما بنغير الخارجى

camellia said...

عقبالك يارب ما تحتفلي بعيد الحب ال45 وال46 وال140 كمان
جميل اوي ان الواحد يلاقي فجاة حاجات صغيرة بس تنقذ ايمانه باحلامه
يارب يحقق كل احلامك

no chance said...

السلام عليكم
اساطير لى بقى ما كل حاجة طلعت حقيقة اهو
دانتى شوفتى الاعجاز بعينك اتنين عايشين مع بعض من خمسة واربعين سنة ولسة عندهم كل الحب دة يا بختهم
ويا بختك انتى كمان لانك شوفتيهم
ودة يخليكى تؤمنى بان الحب عمرة طويل اوى

المدونة شكلها جامد اوى والموضوع دة بالذات بجد وبدون مجاملات رائع انا تخيلت الجو اللى انتى كتبتيه وكنت عايشه طول مانا بقرا

كل سنة وانتى طيبة



تقبلى تهانيا وتحياتى

Dr Emad said...

بصراحه البوست رائع جدا
والحاجات دى لما بنشوفها بتدينا امل كبير ان الدنيا لسه فيها حب بجد

عارفه

فكرتينى باول يوم شفت فيه خطيبتى واتكلمت معاها
كنت قاعد قدامها وشايف وراها بعيد اتنين كبار جدا قاعدين قعده رومنسيه جدا
صدقينى انبهرت جدا بالمنظر ده
ويمكن لما اشوفه بالزات فى يوم زى ده


البوست رائع
ربنا يديم عليكى الحب والفرح
تحياتى

إنـســـانـة said...

الله

يا بختهم بجد وعقبالك وعقبالنا كلنا

البوست واسلوبك نضجوا بشكل كبير اوى ما شاء الله عليكى .. واللوك الجديد تحفة بجد ولايق عليكى

مبروك الشكل الجديد يا قمر وعقبال يارب لما اباركلك على حاجة تانية
;)

coca said...

والله بوست جميل وهادي بيفكرني بنفسي وانا بكتب بروقان

جامد البلوج دا بجد

تحياتي

فتحي الشيخ said...

الحب هو الامان هو القبول . قبول العيوب قبل المزايا والنهايات دوما بيد الانسان ادعو الله ان يرزقك النهايات السعيدة
كل سنة وانتي طيبة

أخف دم said...

ازيك يا بسمة
يااااااااه وحشنى المكان بجد.. رغم اختلاف شوية الديكورات بتاعة الكنب والستاير بس لسة المطرح زى ماهوه
كل سنة وانتى طيبة يا بسمة ويارب السنة الجاية تكون مليانة تفاؤل وحب ومودة اكتر من اللى فاتت
ويكون فيها كل تحقيق آمالك
مش كل الحدايق فيها الكلام ده .. حديقة الأزهر مفيهاش ناس عنهم سبعين سنة ولا حاجة
يللا كل سنة والنتى طيبة تانى ومتغيبيش كتير
وألف مبارك على الشكل الجديد

بيسوو said...

بوس بوس
انتي كمان وحشاني ابوس بوس ومستنياكي تقري الموضوع زي ما قلتي

مشمشة
بحاول اغير من جوة كمان..واديكي انتي كمان غيريتي مبروك ياستي

camellia
يسمع منك ربنا..بس بيني وبينك في حاجات كتير اليويمن صغيرة وكبيرة بتحاول انها تنفذ ايماني بأحلامي

no chance
المنظر كان جميل فعلا جميل..أكدلي ان الحب عمره اطول مما كنت اتخيل
سعيدة جدا ان محتوى المدونة عجبك

د/عماد
مشرفني دايما يا دكتور وصدقني ان الامل موجود على طول بس مستني حد يؤمن بيه

انسانة
بعتز بكلامك جدا ياسيمو..وموضوع المباركة ده مش هيتم غير لما تفضلي تدعيلي ليل نهار يوماتيي

coca
ده من دوقك والله
ابقي تعالي كل بما انها عجبتك :)

فتحي الشيخ
لخصت كل الي انا عايزة اقوله في سطرين وده يدل على انك عبقري
وانا كمان بدعي ربنا انه يرزقنا كلنا النهايات السعيدة

اشرف
كل سنة وانت طيب يا اشرف وصدقني هتتفاجأ قد ايه انا هكون متفائلة ومشرقة السنة الجاية دي
وبعدين مش كل الجناين فيها الكلام ده
ده بيحصل في الجنينة الي جنب بيتنا وبس
وخلي بالك بقى مش انا الي بغيب خليني ساكتة احسن

سكينة said...

أزعل منك لو قلت عن المودة أسطورة وخيال
كويس أن ربنا هداك باثنين عواجيز
:)
الست قالت العيب فيهم يا في حبايبهم أما الحب... أكيد موجود وإن شاء الله تلاقيه
مبارك اللوك الجديد الورود أكثر من رائعة وهتزيد روعة لو اخترتي دائما لوك الكتابة منسجم معها
:)

بيسوو said...

لا متزعليش ياسكينة ماانا تبت اهو وبقيت كويسة
الله يرحمها بقى والله الظاهر الست كانت عبقرية

ابو على said...

سلام عليكم
احب الاول احيييكى بجد ع البلوج دا الى اول مادخلته حسيت انى داخل فيلم تشارلى شابلين
بس ليا تعليقى بسط ع البوست دا وطبعا كل واحد حر ف رايه على راى الشاعر الى مش فاكر اسمه بصراحه
اول هام البوست المفروض انك بداتى فيها الكلام باللغه الفصحى
بس دخلتى فيها كلام عاميه دا ياثر ع التركيز لما نقرى سياتك:d
معلش كل واحد حر ف رايه زى ما قولت
تانى هام حرام تقولى كلمتين قولتيهم الى هما
كفرت بالايمان ودا حرام يعنى
انا عارف انتى تقصدى ايه بس مفيش حاجه اسمها كفرت بالايمان بحاجه
كنتى المفروض تقولى ولقد يأست من الايمان بشىء مش كفرتى بيها
تانى حاجه قولتيها حرام انك تقولى كلمه اتقالت ف القرءان وسط كلام معلش صحيح من طالع من قلبك وبتاع
بس مش تجيبى اساطير الاولين ف الكلام بتاعك
ههههههههههههههههههههههههههههه
معلش انا كل كلامى باين عليه نقض
بس هامدح حاجه شوفتها ف الخواطر دى
بحس بجد بالاصاله ف التعبير
يلا ان شاء الله محد حوش:d
معلش انا طولت عليككى بكلامى الرخم بس دا رايى وكنت عايز اوصلهولك
السلام عليكم

ابو على said...

هههههههههه معلش نسيت حاجه كمان
حكايه بيشخر دى
مش بعيد القاضى الى ينظر للقضيه يكون بيشخر:d ha ha ha ha

Eman Eltaher said...

المدونة بقت جميلة اوى
و اسلوبك بقى أجمل و أجمل
فعلا مفيش أصدق من الحب اللى بيكون بدون غرض و اللى بيكون ف السن ده بيدل قد ايه هو فعلا حب صادق و جميل
ربنا يوعدنا و إياكم
:))))
و حشتينى يا بيسوو و الله

بيسوو said...

ياااااااااااه يا ايمي فينك كل ده يابنتي...مختفية بقالك كتير جدا
شفتي...غير الديكورات ازاي

مبسوطة ان البوست عجبك ياريت متبقيش تغيبي كدة تاني

zordeak said...

الله يا بيسو

من اروع ما قرأت

لقد جعلتى للأساطير مكانا بالفعل

والأروع انى أصدق ان هذا ممكنا

كل ما حكيتي انا مؤمن بامكانية حدوثه

استمتعت فعلا بقراءة سطورك التى وبصورة ما سطرت حلم قديم عندى

:)

بيسوو said...

احمد
بجد سعيدة ان البوست عجبك وانك استمتعت بيه وانك صدقته واني قدرت افكرك بحلمك

ahmad t. said...

سؤال الى الجميع هل يمكن ان تكون الفتاة التي اخترتها لدها ذلك البريق حتى بعد 45 عاما او اقل ربما, ذلك يجعلني اعيد التفكير في اختياري الصعب, هل يمكن ان تستحمل كل ما لدي من اخطاء, انا اعرف ان من يعيش كل هذه الفترة معا يصبحوا لديه نفس العادات الجيدة والسيئة و حتى ان يفكروا بنفس الطريقة .
ارجو ان اكون خاطئا في تفكيري, لا اعرف اني في حالة ضياع بعد هذا البوست , تسلم ايدك